ནང་བསྟན་གྱིས་མགུལ་རྒྱན་བཏགས་མི་ཆོག་ཟེར་བ་གཏན་ནས་མིན། གལ་སྲིད་ནང་བསྟན་གྱིས་ང་ཚོས་དངོས་པོ་གང་ཞིག་རྙེད་ཀྱང་དེ་བཏགས་ཆོག་མོད། འོན་ཀྱང་དེ་ལས་ལྡོག་སྟེ་དེ་འདོར་དགོས་པའི་སྐབས་སུའང་དེ་འདོར་ཆོག་པའི་གྲ་སྒྲིག་ཀྱང་བྱེད་དགོས། གལ་ཏེ་གོང་གི་རྣམ་པ་ལྟར་མགུལ་རྒྱན་བཏགས་ན། དེ་ནི་ཆེས་ཡིད་དུ་འོང་བའི་ནང་བསྟན་གྱིས་འདོགས་པའི་ཐབས་ལམ་རྣམ་དག་ཅིག་གོ།།
རྫོང་སར་མཁྱེན་བརྩེས།
佛教并不是不允许戴那条项链，佛教是如此认为：如果我们能找到任何东西，都可以戴它，但是当我戴它之时，也同时准备好，当时机变化显示要把它放弃时，我们要随时把它放弃掉。如果照上述的方式戴着项链，那就足以以一种非常优雅的佛教方式来戴它。
宗萨钦哲仁波切 https://t.cn/RDUnQYg

སྐྱོ་གཏམ་ཐོལ་བྱུང་མ།

སྲིད་པའི་ཕུན་ཚོགས་ལ་ཡིད་རྟོན་མེད་ཅེས།།
ཡ་ཐོད་རི་མོ་ཡིས་གསལ་བཤད་བྱས་ཀྱང་།།
མ་བཅོས་རྟག་འཛིན་གྱི་ངར་ཁ་བཙན་པས།།
འགྱུར་ལྡོག་གང་མང་ཞིག་ད་དུང་མ་མཐོང་།།

འགྱུར་བ་སྣ་ཚོགས་ཤིག་ལུས་ལ་བྱུང་ཡང་།།
འགྱུར་མེད་བདེན་འཛིན་དེ་སྙིང་ན་གབ་འདུག།
གཅིག་དང་དུ་བྲལ་གྱི་རིགས་པའི་ལྕགས་ཀྱུས།།
བདེན་འཛིན་འགོངས་པོ་དེ་ནང་ནས་ཕྱུང་རན།།

རིགས་པའི་དཔྱད་པ་དེ་ཡུལ་ཐོག་ཤོར་ནས།།
རང་སེམས་གྱོང་པོ་འདི་འདུལ་ཐུབ་མི་འདུག།
སྦྱངས་པའི་ཡོན་ཏན་དེ་ཁ་ལ་བགྲངས་ནས།།
སེམས་ཐོག་ཉམས་ལེན་ལ་གཏད་སོ་མ་རྙེད།།

འཆད་རྩོད་རྩོམ་གསུམ་དེ་དཔེ་ཐོག་བྲོ་བརྡུང་།།
བཤད་སྒྲུབ་ལས་གསུམ་དེ་ལྟར་སྣང་འགྲན་རྩོད།།
ཡང་དག་བསླབ་གསུམ་གྱི་སྲོག་དབུགས་ཆད་ན།།
བྱས་བྱས་བསྒྲུབས་བསྒྲུབས་དེ་མང་ཡང་ཅི་བྱེད།།

བྱམས་པ་སྒོམ་ས་དེ་གཉེན་གྲོགས་ཙམ་རེད།།
སྙིང་རྗེ་བསྐྱེད་ཡུལ་དེ་གཉོམ་ཆུང་ཙམ་རེད།།
དགའ་བ་འཇུག་ཡུལ་ཡང་ངོ་ཤེས་ཙམ་རེད།།
བཏང་སྙོམས་ཚད་མེད་ཅིག་གང་ནས་སྐྱེ་ནུས།།

ངེས་འབྱུང་གློ་བུར་ཙམ་ཚོར་བས་བསྐྱེད་ཀྱང་།།
གཞན་ཕན་བྱང་སེམས་ཤིག་ལར་ནས་མ་འབྱོངས།།
མེད་དགག་སྟོང་རྐྱང་ཙམ་རིགས་པས་རྙེད་ཀྱང་།།
སྟོང་པའི་གོ་ཡུལ་ལས་ཉམས་མྱོང་མ་སྐྱེས།།

ལྷ་དང་བླ་མ་ལ་གསོལ་འདེབས་ཙམ་དང་།།
སངས་རྒྱས་བྱང་སེམས་ལ་ཡིད་སྨོན་ཙམ་ལས།།
རང་སེམས་གདམས་ཟབ་དང་འདྲེས་པ་མེད་ན།།
མཐར་འབྲས་ལྷུན་གྲུབ་ཅིག་གང་ནས་ཡོང་ནུས།།

ཀ་དག་ལྷུན་གྲུབ་སོགས་ཐ་སྙད་བརྩེགས་ཀྱང་།།
མ་དག་བསམ་བློ་ལ་འགྱུར་ལྡོག་མེད་པས།།
རྟག་བརྟན་ལྷུན་གྲུབ་ཏུ་འཁོར་བར་འཁོར་ནས།།
མྱང་འདས་ཡོན་ཏན་ཀུན་ཀ་ནས་དག་འདུག།

༢༠༢༠/༠༥/༡༥ ལ་གངས་ཆབ་ཀྱིས་ཐོལ་བྱུང་དུ་བྲིས།

༧རྗེ་འཇིགས་མེད་དཔལ་ལྡན་རྒྱ་མཚོའི་ཞལ་ནས།
སངས་རྒྱས་ཀྱི་བསྟན་པ་འདི་མེད་ན་འཚེ་བ་མེད་པའི་ངོ་བོ་ཉིད་མེད་སོང་བ་རེད། དེ་ནས་སྙིང་རྗེ་ཡང་མེད་འགྲོ་བ་ཡིན་པས།  སྙིང་རྗེ་མེད་ན་ལས་འབྲས་སོགས་ཆ་ཐམས་ཅད་ལ་འདང་རྒྱག་མཁན་ཡོད་པ་མ་རེད། དེ་ལ་འདང་མ་བརྒྱབ་དུས་སེམས་ཅན་གྱི་སྡུག་བསྔལ་རིག་ནའང་དེ་ལ་ཅང་ཤར་རྒྱུ་ཡོད་པ་མ་རེད། སྡུག་བསྔལ་མྱོང་ན་མྱོང་ཁོས་མྱོང་གི་ཡོད་པ་རེད། མྱོང་གི་ཡོད་པ་དེ་འགྲོ་སྟངས་འདུག་སྟངས་ཤིག་གི་གྲལ་དུ་བཞག་ནས་དེ་སེལ་ཐབས་ལ་འདང་རྒྱག་མཁན་མེད་པ་ལྟ་བུ་རེད། https://t.cn/R2Wx1ZH