關嘉敏拍完跳樓戲失眠

香港文匯報訊 關嘉敏（Carman）與蔡思貝（Sisley）日前為新劇《你好，我的大夫》拍攝跳樓戲份。今次是Carman首次拍攝危險動作戲份，問到她是否好緊張，Carman表示：「我拍呢場戲前一晚太緊張，個腦不停諗的應該點樣演繹好？應該點樣跳落去好？到真係要埋位企上去都有少少腳震，唔係好敢望下面，所以就周圍望下風景，仲見到何廣沛喺樓下同我Say hi，好快就無咁緊張喇。」

Carman更自言拍跳樓戲給她的感覺是很刺激，她說：「當跳咗一兩次之後我居然覺得有少少好玩同興奮啊。之後我哋喺氣墊嗰場戲，仲吸引埋張振朗同李日朗圍觀，被佢哋笑我哋不停喺氣墊上面自拍。但係唔知係咪太刺激，拍完嗰晚我就成晚都瞓唔着，腦海全部都係高空躍下去的畫面。雖然拍呢場戲係有啲刺激，但要提醒觀眾朋友，呢啲危險動作需要有專業人士在場指導，大家切勿模仿啊！今次劇情係講我因為個病而有輕生的念頭，好彩有Sisley 捨身相救，最後我哋一齊跌咗落氣墊，Sisley仲因為咁樣擦損咗手臂。長氣都要提多次觀眾朋友，有心事唔開心要搵朋友傾訴，千祈唔好有輕生的諗法啊！」

（預告 ) 明歌知欽 Music Lovers 直播（第四集 ) 主持人: Hugh (黄品逢), 嘉賓：Calvert ( 符家浚), 長期抗疫大家少不免感到乏力，但記住仲有我哋為您打打氣！所以千其唔好 自動棄權，只要 絕不棄權，齊心抗疫，一定可以跨過疫境， 12月3日(星期四) 晚上9時正，請嚟 Calvert ( 符家浚)，同我加埋琴手貓仔三個一齊 Jam Jam歌，唱唱 甜歌，到時見。

TVB翻拍代表作《十月初五的月光》 薛家燕檔期排滿未能演出

薛家燕與胡楓(修哥)等今日為TVB《萬千星輝賀台慶》跳舞項目綵排，跳開十字步的家燕姐笑言因與舞王修哥同場而感緊張，要預早練舞以免對方有牢騷。而胡楓排練時被指「Free style」，他笑言埋位便會識跳，自己更為表演配樂而死了十億腦細胞，修哥幽默表示：「因為呢首歌搞到我失眠呀！因為入咗腦，揮之不去！」

而家燕姐紅極一時的代表作《十月初五的月光》將翻拍，傳男女主角「初哥哥」及「君好」為胡鴻鈞與何依婷，當年她的角色(祝君好母親朱莎嬌)由米雪演出，家燕姐說：「噚日有聽聞，她演出OK呀！」問到家燕姐是否有份客串？她承認劇組有找她度期，但一月檔期滿了，雖然劇組說可以遷就她時間，但怕無法休息。對於由胡鴻鈞與何依婷接棒演出，外間評價有好有壞，家燕姐為二人打氣，指公司肯培育新人，叮囑二人有機會便要把握。

另外，提到曾偉權因病離世，家燕姐感說：「最近聽到太多唔好嘅消息了，內心好難過，相信家人會遵從佢嘅遺願，圈中有好多人愛錫佢，希望佢一路好走。」