ད་བར་བྱ་བ་འདྲ་མིན་ཞིག་གིས་ཡེ་ནས་མི་གཏོང་བ་དང་། དུས་ཚོད་ཉུང་ཙམ་བྱུང་བ། ཁ་པར་གྱིས་འཕྲོག་འགྲོ་བ། མཚན་མོར་འདུག་ཡུན་དྲགས་ཏེ། ཞོགས་པར་སྔ་ལངས་བྱེད་མི་ཐུབ་པ་སོགས་གེགས་དང་བར་ཆད་མང་བོ་ཞིག་གིས་གཡས་བཙུར་གཡོན་བཙུར་བྱས་ཏེ། སློབ་གཉེར་གྱི་གོ་སྐབས་ནི། ཤིན་ཏུ་ཉག་ཕྲ་བའི་གནས་སུ་གྱུར་ཡོད། སྤྱིར་ན་བརྩོན་པ་ཞན་པ་དང་དཔེ་ཀློག་ཉུང་བའི་སྟེང་ལ། ཕྱིའི་འགལ་རྐྱེན་མང་བོ་བུ་ཡུག་བཞིན་འཚུབ་ཡོང་བ་དེ་ང་ལ་མཚོན་ན། ཉེན་ཁ་ཆེན་པོ་ཞིག་ཆགས་འདུག་ལ། ཁ་ཕྱོགས་འབོར་བ་དང་རང་ལམ་འཆོར་བྱེད་ཀྱི་མི་མངོན་པའི་བསླུ་བྲིད་གཞན་ཞིག་ཀྱང་ཡིན་འདུག དེང་དུས་སུ་སློབ་གཉེར་གྱི་མཐུན་རྐྱེན་མང་དྲགས་སྟེ། ཚད་ལས་བསྒལ་ཡོད་པའི་ཚོད་ན་འདུག་པ་དང་བསྟུན། འགལ་རྐྱེན་ཡང་རུ་འཛིངས་ནས་ཡོད་པས། ང་ལྟ་བུའི་ཕལ་མོ་ཆེ་ནི། འགལ་རྐྱེན་གྱིས་ཡོངས་སུ་བསླུས་ཏེ། མཐུན་རྐྱེན་ལ་ལེགས་པར་ལོངས་སྤྱོད་པའི་སྐལ་བ་ཡང་མེད་པར་གྱུར་ཡོད། དེ་བས་རྣམ་གཡེང་གིས་བསླུ་བྲིད་ཐེབས་སླ་ཞིང་སེམས་ལ་རང་ཚུགས་དང་བརྟན་ཆ་གང་ཡང་མེད་པའི་སློབ་གཉེར་བ་ཕལ་བ་ཞིག་ལ་མཚོན་ན། སློབ་གཉེར་གྱི་མཐུན་རྐྱེན་ཆེན་པོ་མ་འཛོམས་ཀྱང་ཅི་སྐྱོན་ཏེ། གཙོ་བོ་འགལ་རྐྱེན་ཉུང་དགོས་པ་དེའོ། དེའི་ཆ་ནས་བལྟས་ན། ཁོ་བོ་འདྲ་བ་དག་ནི། རྒྱུ་འབྱོར་ལོངས་སྤྱོད་ཐམས་ཅད་ཤིན་ཏུ་དར་ཆེ་བའི་ད་ལྟའི་དུས་རབས་འདི་ལྟ་བུའི་ནང་དུ་སྐྱེ་བ་ལས། ཁྲ་ཁྲ་ཟང་ཟིང་གི་བསླུ་བྲིད་ཤིན་ཏུ་ཉུང་བའི་སྔོན་གྱི་སྤྱི་ཚོགས་རྙིང་བའི་དུས་སུ་སྐྱེ་ཐུབ་ཡོད་ན། དགེ་མཚན་ཆེ་བ་འདྲའོ།།
གཉེན་འཁོར་སྐྱོང་བའི་ངལ་དུག་མེད་གྱུར་ན།།
དགྲ་སྡེར་འཐབ་མོ་ཚོན་འཁྲུག་བྱ་གང་དགོས།།
སྡོང་ལོ་གཞོན་དུས་སྣང་བ་ཡར་གའི་རྩེར།།
རྒས་ནས་གང་དུ་ལྷུང་ཡང་སྤྲོ་ཉམས་དོད།།
དགྲ་སྡེར་འཐབ་མོ་ཚོན་འཁྲུག་བྱ་གང་དགོས།།
སྡོང་ལོ་གཞོན་དུས་སྣང་བ་ཡར་གའི་རྩེར།།
རྒས་ནས་གང་དུ་ལྷུང་ཡང་སྤྲོ་ཉམས་དོད།།
ཇོ་བོ་རྗེ་སྙེ་ཐང་ན་བཞུགས་པའི་ཚེ། ཞང་སྣ་ཆུང་སྟོན་པ་དང་། ཀྱུ་ར་སྟོན་པ་དང་། ལྷང་ཚང་སྟོན་པ་གསུམ་གྱི་ཚད་མའི་གྲུབ་མཐའ་ཞུས་པས། ཇོ་བོའི་ཞལ་ནས། ཕྱི་རོལ་མུ་སྟེགས་པ་དང་ནང་པ་སངས་རྒྱས་པའི་གྲུབ་མཐའ་མང་དུ་ཡོད་དེ། དེ་ཐམས་ཅད་རྣམ་པར་རྟོག་པའི་ཕྲེང་བ་ཡིན། རྣམ་རྟོག་བགྲང་གིས་མི་ལང་དགོས་པ་མེད། ཚེ་ལ་ལོང་མེད་པས་སྙིང་པོའི་དོན་བསྡུ་བའི་དུས་ཡིན་གསུང་། ཞང་སྣ་ཆུང་སྟོན་པས། སྙིང་པོའི་དོན་ཇི་ལྟར་བསྡུ་ཞུས་པས། ཇོ་བོའི་ཞལ་ནས། ནམ་མཁའ་དང་མཉམ་པའི་སེམས་ཅན་ཐམས་ཅད་ལ་བྱམས་པ་དང་སྙིང་རྗེ་བྱང་ཆུབ་ཀྱི་སེམས་སྦྱོངས། དེ་རྣམས་ཀྱི་དོན་དུ་ཚོགས་གཉིས་གསོག་པ་ལ་འབད་པར་གྱིས། དེ་ལས་བྱུང་བའི་དགེ་བའི་རྩ་བ་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་རྫོགས་པའི་བྱང་ཆུབ་ཏུ་བསྔོས། དེ་ཐམས་ཅད་ཀྱི་རང་བཞིན་སྟོང་པ། མཚན་ཉིད་རྨི་ལམ་སྒྱུ་མ་ལྟ་བུར་ཤེས་པར་གྱིས་གསུང་།
✋热门推荐