࿐ལྔ་མཆོད།

ཐུན་མོང་སྣང་བའི་སྟོང་སང་ལྷ་ལམ་ངོར།།
ཕར་ཕྱིན་མཛད་པའི་སྐར་མ་སྨིན་དྲུག་ཤར།།
ཉེས་སྤྱོད་གོལ་སར་རྒྱུ་བའི་ལུས་ཅན་སྟོང་།།
ཐར་བའི་ལམ་དུ་བགྲོད་པའི་ཕྱོགས་དག་བསྟན།།

རྟེན་འབྱུང་ལྟ་བའི་མཆེ་སྡེར་རབ་ཏུ་རྣོ།།
སྤྱོད་པ་འཚེ་མེད་གཡུ་རལ་དྲག་ཏུ་སིགས།།
གཞན་ཕན་སྙིང་རྗེས་སྲིད་པའི་ཐང་ཆེན་གཤེགས།།
འཇིགས་མེད་སྨྲ་བའི་སེང་གེ་ཁྱོད་མིན་སུ།།

གངས་རིའི་ལྗོངས་ཀྱི་ཐུབ་བསྟན་ཟླ་བའི་འོད་།།
ཁྱོད་ཀྱི་ཐབས་མཁས་ལམ་ལ་ཉེར་འགྲོགས་པས།།
ཞིང་འདིར་ཕན་བདེ་ཀུ་མུད་གྲོལ་བའི་མདངས།།
རྫོགས་ལྡན་ལས་ཀྱང་གསལ་སྙམ་བཟློག་མ་གྱུར།།

མཐོན་པོའི་ངོ་འཛིན་ཕྱོགས་སུ་མ་ལྷུང་ཞིང་།།
དམའ་མོའི་གཡོ་སྒྱུའི་རིས་སུ་མ་ཆད་པར།།
རིགས་ལམ་བརྟག་དཔྱད་རྗེས་སུ་འགྲོ་ལྡོག་པའི།།
ཁྱེད་ཀྱི་ཡོན་ཏན་མི་བརྗོད་དཔྱོད་ལྡན་སུ།།

ཞེས་དུས་ཆེན་ཁྱད་པར་ཅན་དགའ་ལྡན་ལྔ་མཆོད་དང་འབྲེལ་ནས་མཆོག་གསུམ་བསླུ་བ་མེད་པའི་ཞིང་དུ།དགེ་བའི་དངོས་པོ་ཅུང་ཟད་བསྔོས་བ་འདིས་ཀྱང་རྒྱལ་བའི་བསྟན་པ་རིན་པོ་ཆེ་ཕྱོགས་དང་དུས་ཐམས་ཅད་དུ་དར་ཞིང་རྒྱས་པའི་རྒྱུར་གྱུར་ཅིག་གུ

雪域佛法明月光，
陪您慈悲智慧和，
养育安宁绽开花，
比起千秋更鼎盛。
今天是燃灯节，愿此功德回向法界成为佛法日月兴隆、长生持久的善因。
https://t.cn/R08xaRT

#微博[超话]# ࿐ལྷུག་ལྷུག་གྲོལ་བའི་མེ་ཏོག་བཞད་དབུས་སུ། །
དགའ་དགའ་སྐྱིད་སྐྱིད་གཏོང་དུ་གླིང་གར་ཕྱིན། །
ཙེའི་ཙེའི་འུར་འུར་འབའ་ཆ་ཧོར་གླིང་དང་། །
ཨིའི་ཨིའི་འབི་ཤུའི་སྒྲ་ལྡན་ལྷ་ས་དྲན། །

࿐ལྷག་བསམ་ཟླ་བའི་འོད་རིས་རབ་གསལ་ཁྱོད་གཉེན་ཀུ་མུད་འཛུམ་ཤིག་གེ། ལེགས་གསུང་ཚངས་དབྱངས་གདངས་ཀྱིས་སྙན་པ་སྙན་པའི་གྲགས་པ་ཕྱོགས་ཀུན་མཆེད།། སྐུ་མཆོག་ཉི་མའི་གཟི་བྱིན་ལ་ནི་ཆུ་འཛིན་ཡོལ་བས་སྒྲིབ་མེད་དུ།། རྟག་ཏུ་བདག་ཅག་མགོན་དང་སྐྱབས་སུ་བསྐལ་བ་རྒྱ་མཚོའི་མཐའི་བར་དུ།། ལེགས་པར་བཞུགས་པའི་ཞལ་བཞེས་དཀར་པོ་དྲི་མ་མེད་པར་གསལ་བར་ཤོག།