【廢話嚟，好得閑先睇】

我唔知點解，我可以唔見咗個眉鉗。

由於冇咗佢唔掂，臨時臨急是但衝入一間化妝品連鎖店買咗個價值廿幾蚊嘅，太趕冇研究，求其攞咗就行。

點知返到屋企用，嘩，___ ___吖，原來有眉鉗可以廢到咁，完全夾唔到眉毛，只係夾到肉！痛咗幾嘢唔對路，要再買，但又冇時間去連鎖店揀。竟然醒起呢個比較就腳嘅地方有眉鉗賣，你信唔信？我去咗日•本•城！買咗呢個貌似好pro嘅眉鉗。 用過先話你知佢夾肉定夾毛。

#價錢比原本嗰個貴一倍
#個樣係咪好pro先
#又寫晒日文又盛
#又有個匠字又手造
#係咪好膚淺
#日文人士可否翻譯一下係咪真日文
#日本城真係有日本嘢咩
#試過先知龍與鳳
#你點估到賣家品賣埋化妝品
#真係開心shopping盡在日本城
#識唔識跟住唱

好耐冇返嚟睇微博，每次都有一種新嘅感覺，次次都係當諗，自己嘅將來會點麼，會唔會獲得成功，應該點行。今次暑假我返到深圳，其實係為咗我嘅將來做準備嘅，我去到了解啲我唔知嘅嘢而且我好有可能會需要使嘅，仲有幾個朋友仔要見，不過我始終相信只要我咁走落去，我備多啲心機做啯啲嘢，一定會有啲收穫嘅，加油↖(^ω^)↗吧，各位。夢想係邊，我地就努力加埋勤奮一起努力，信我啼，我地一定得，條路就算唔啱我地走，都可以變成啱[微笑]。記住哦，每一日備自己一個微笑，一定得! https://t.cn/R2WxEin

『光影留情』《天下無雙》中的「緣定」
—
「好多時候，愛一個人愛得太深 ，個人會醉。恨得太耐，個心就會碎。但係最痛苦嘅，莫過於等待。我唔知道佢等咗我幾耐，我一直以為我唔會再有機會見返佢，突然之間我唔知點開口，我唔知點講第一句說話，好想話比佢聽，我真係好愛佢。」李一龍《天下無雙》
—
　　梁朝偉因為通過唔到龍鳳指環嘅考驗，所以無辦法同無雙公主王菲喺埋一齊。一段感情入面兩個人往往會遭遇到好多不同嘅問題，例如喺《天下無雙》入面，因為性別，因為階級同地位，因為李一龍無辦法贏到某啲測試，根本唔係公主「緣定嘅夫君」。
—
　　故事嘅最後，王菲要「被」嫁到塞外，憂思成疾疢，有幾大嘅愛，就有幾大嘅恨。梁朝偉鼓起勇氣去搵番無雙公主，最後終於喺桃林度搵返心上人，但係佢完全唔知點開口，完全唔知可以點樣去表達自己對於對方嘅愛。
—
　　愛其實係咪可以跨越一切嘅問題呢？公主仍然係公主，梁朝偉仍然係小霸王。但因為愛，王菲選擇放棄自己公主嘅身份，喺桃林度等李一龍；而又因為愛，梁朝偉話自己好似已經變咗第二個人，甚至話自己係女人。原來真心愛一個人，係可以令你徹底，甘心情願地轉變。
—
　　當梁朝偉搵番王菲嘅時候，發現無雙公主已經變成咗一個自言自語，沉溺喺幻想世界嘅可憐人。係咪見到一個人嘅好，所以你就愛佢，而如果見到一個人嘅壞，就要遠離呢？你必須要接受一個人嘅壞，先有資格享受一個人嘅好，金無足赤，人無完人，愛一個人並唔係愛一個人嘅條件，而係愛一個「人」，接受當下，力求完美。
—
　　但既然「愛」未必可以解決到所有問題，咁仲有咩「用」？最大嘅意義在於，愛賦予咗我哋勇往直前，直視困難嘅勇氣，呢個相處模式唔得，咪傾過第二個囉，正如梁朝偉果隻會甩嘅龍鳳戒指，原來交換戴又OK喎，世上嘅難事，都只怕有心人。
—
　　係咪真係有咁多「緣定」架呢？發夢果陣可能會有嘅...

#天下無雙##王菲##梁朝偉#