今日去咗成年幾冇去過嘅柴灣，原因係記起佢個牛腩撈粗，在下每次嚟到都會食，因為真係幾好食，所以膽粗粗開個帖介紹吓呢個就係牛腩撈粗，睇落冇乜特別，週圍都係咁上下但在下夠膽講呢度呢個係在下暫時食過做得最好嘅，因為佢唔咸，但夠味，味度啱在下口味！出面好多會越食越咸，有啲食到埋尾直頭咸到苦呢度冇呢個問題，食咁多次都保持水準，牛腩淋而唔鞋，加三羹辣油加啲醋一撈，嘩，正乸到呢～～
仲記得年幾前最後一次食嗰陣，撈撈吓撈跌咗舊牛腩落地，想喊出嚟咁濟佢嘅位置係呢度對面，鋪名同某東鐵站名一樣！ 大家有機會去識吓啦佢隔離仲有間燒味鋪據聞幾出名㗎在下坐成個幾鐘巴士嚟食㗎

2019.3.10 山西之旅（5b）
下午坐左3粒钟車去咗临汾， 去咗睇華门，呢个咁大的建设，入面全係D中国歴史人物，神仙呀咁，地方太大，行到腳軟，不過觉得冇乜特别，當上去睇風景。
晚飯去咗試酒店職员介绍的晉岳楼食剪刀面， 先來个大棒骨，好好味，炆得D肉好淋好正，不過有D辣，立即叫咗枝大可樂先，再來是待应介绍的茄子带鱼，呢个真係正，非常好味，带鱼加上茄子炆得好入味，厨师較得呢个汁好正，至於千鍋千叶豆腐就一般般，冇乜特别，最後就係主角羊肉剪刀面，呢个羊肉湯好濃味，我又钟意食羊，啱晒，至於个剪刀面其實冇乜特别，有D似银针粉，佢仲加咗D薯粉和蔬菜粒，都唔错。 可能呢区冇乜遊客，所以价格很平宜，埋单只要101. 比较在干遥古镇，呢度平夾正，超好味。

[無綫][2019節目巡禮] 冇乜特別驚喜，因為啲重量級劇集杜生之前已經特別開咗個記者會去介紹。喺節目巡禮提到嘅有：

《#鐵探》- 紅姐，黑哥，袁偉豪，警察內部鬥爭片。淨係紅姐已經要睇。

《#多功能老婆》- 千嬅，煒哥，Morning朱，柏豪，黃浩然，現代都巿愛情喜劇。睇落段片有啲老套老尷，千嬅繼續用獨門演法，今次演老婆又夾唔夾？

《#白色強人》- 郭晉安，馬明，唐詩詠，Ali。講醫改，不過好似要喺大陸播，唔知可以講幾多政策嘢。（有何廣沛~）

《#包青天再起風雲》- 包青天舊故事新拍。譚俊彥，胡定欣，姚子羚，張振朗，老廉。掛包拯牌頭出嚟我都想睇吓可以有咩變化。

《#金宵大廈》- 陳山聰首次男一，拍住李施嬅。群星合力，神力亂神，希望寫盡佢。

《#牛下女高音》- 張振朗，黃心穎，King sir。年過四十五十，可唔可以再次追夢，搵返曾經覺得自豪嘅自己呢？老套嘢但題材我okay。

《#街坊財爺》- 即係之前套《貴利王》。肥貓，苑瓊丹子。跪求開套戲畀邵美琪，好唔好呀？

《#C9特攻》- 高Ling擔正，馬明，黎諾懿。師奶係特攻。

《#18年後的終極告白》- 前名《#18年係的殺人告白》。譚俊彥，黃智雯，何遠東。18年來受盡折磨，邊個先係真正殺人兇手？

《#解決師》- 王浩信，唐詩詠。係殺手又係老師，幫人解決人生問題，靠殺人了斷，定係教化改變？

《#機場特警》- 張振朗，黃子恆，一班猛男。睇嚟係典型紀律部隊劇。

《#殺手》- 陳豪，黎耀祥，Ali，高Ling，龔嘉欣，江嘉敏。另一套殺手嘢，想睇陳豪喎。

仲有一啲得個名但冇片睇嘅：
《#降魔的 2.0》《#黃金有罪》《#禍後》《#唐人街》《#法政先鋒IV》《#極道怪咖》

又有一啲我記得拍咗未播嘅：
《#福爾摩師奶》(即係《#危城FirstLady》)《#堅離地愛堅離地》《#12傳說》

仲仲有兩套擔心已經去咗倉底嘅德哥作品《#好日子》《#抱佣情人》

#白色强人[超话]##C9特工##kennethma马国明[超话]#