༡.ཉ་ཡི་གཟུགས་སུ་སྤྲུལ་ནས་རིག་བྱེད་ཀྱི་གཞུང་རྒྱ་མཚོའི་ནང་དུ་ནུབ་པ་དེ་བཏོན་པ། ༢.ས་གཞི་ཆེན་པོ་འདི་རྒྱ་མཚོའི་ནང་དུ་ནུབ་པ་དེ་རུས་སྦལ་གཟུགས་སུ་སྤྲུལ་ནས་བཏེགས་པ། ༣.ཕག་རྒོད་ཀྱི་གཟུགས་སུ་སྤྲུལ་ནས་ས་གཞི་ཆེན་པོ་འདི་རྒྱ་མཚོར་ནུབ་པ༌དེ་སླར་ཡང་བཏེགས་པ། ༤.ལུས་པོ་མི་ལ་སེང་གེའི་མགོ་ཅན་དུ་སྤྲུལ་ནས་ལྷ་མ་ཡིན་འགྲོ་སྐྱོབ་གསེར་ཅན་བསད་པ། ༥.མིའུ་ཐུང་དུ་སྤྲུལ་ནས་ལྷ་མ་ཡིན་སྟོབས་ལྡན་ལ་གོམ་པ༌དོའི་ས་སློང་ནས་ཕམ་པར་བྱས་པ། ༦.རྒྱལ་པོ་ཤིང་རྟ་བཅུ་པའི་བུ་དགའ་བྱེད་རཱ་མ་ཎར་སྤྲུལ་ནས་སྲིན་པོ་ལངྐ་མགྲིན་བཅུ་བསད་པ། ༧.དགྲ་སྟ་ཐོགས་པའི་དགའ་བྱེད་དུ་སྤྲུལ་ནས་ས་སྟེང་གི་རྒྱལ་རིགས་ཐམས་ཅད་བརླག་པར་བྱས་པ། ༨.གྲི་ཥྞར་སྤྲུལ་ནས་ལྷ་མ་ཡིན་མང་པོ་བསད་པ། ༩.ས་སྟེང་གི་རྒྱལ་རིགས་དང་རང་ཉིད་ཀྱི་སྤུན། ལྷ་མ་ཡིན། སྲིན་པོ་སོགས་མང་པོ་བསད་པའི་སྡིག་པ་སྦྱང་བའི་ཆེད་དུ་སངས་རྒྱས་ཤཱཀྱ་ཐུབ་པར་སྤྲུལ་ནས་མི་རྣམས་ལ་དགེ་བ་བཅུའི་ཆོས་བསྟན་པ། ༡༠.མ་འོངས་པའི་དུས་སུ་འཛམ་བུའི་གླིང་དུ་མུ་སུལ་མན་གྱི་ཆོས་ལུགས་ཤུགས་ཆེར་དར་ནས་ཧིན་རྡུ་དང༌། ནང་པ་སོགས་ཆོས་ལུགས་གཞན་དག་རྩ་མེད་དུ་བསྣུབས་མཁན་ཞིག་འབྱུང་བ་དེའི་ཚེ་ན། ཁྱབ་འཇུག་གིས་རིགས་ལྡན་ཀཱ་ལ་ཀིར་སྤྲུལ་ནས་ལྷ་མིན་གྱི་དཔུང་ཚོགས་དེ་དག་ཚར་བཅད་པ་བཅས་འདི་སྐོར་གྱི་ལོ་རྒྱུས་ཞིབ་པར་སི་ཏུ་པཎ་ཆེན་ཆོས་ཀྱི་འབྱུང་གནས་ཀྱིས་མཛད་པའི{{ལྷ་ཆེན་པོ་ཁྱབ་འཇུག་གི་འཇུག་པ་བཅུའི་གཏམ་རྒྱ་བལ་མཁས་པའི་ངག་རྒྱུན་གངས་ཅན་རྣ་བའི་བདུད་རྩི}}ཞེས་པ་ཞིག{{ཁམས་སྤྲུལ་སྙན་འགྲེལ}}ལྕགས་དཔར་མའི་ཤོག་གྲངས༧༠༧ནས༧༢༣བར་གསལ་བ་དེར་གཟིགས། གཞན་ཡང་འགྲེལ་ཚུལ་གཞན་ཞིག་ནི། ཉ། རུས་སྦལ། ཕག་རྒོད། མིའི་སེང་གེ མིའུ་ཐུང༌། རཱ་མ་ཎ། ནག་པོ། ཤཱཀྱ་ཐུབ་པ། རིགས་ལྡན། ཀཱིརྟི་ཙི་རྣམས་ལས་འཇུག་པ་དང་པོ་ནི། རིག་བྱེད་བཞི་རྒྱ་མཚོའི་ནང་དུ་ནུབ་པ་ཁྱབ་འཇུག་གིས་ཉ་རུ་སྤྲུལ་ཏེ་བཏོན་པ། གཉིས་པ་ནི། རུས་སྦལ་གྱི་གཟུགས་ཀྱིས་འཇིག་རྟེན་བཏེགས་ནས་རྒྱུན་དུ་གནས་པ། གསུམ་པ་ནི། ཕག་རྒོད་ཀྱི་གཟུགས་ཀྱིས་ཚངས་པའི་འཇིག་རྟེན་མན་ཆད་མནན་པ། བཞི་པ་ནི། སྨད་མི་ལ་སྟོད་སེང་གེའི་གཟུགས་ཀྱིས་ལྷ་མིན་གྱི་དབང་པོ་འགྲོ་སྐྱོབ་གསེར་ཅན་ལྟོ་དྲལ་ནས་བསད་པ། ལྔ་པ་ནི། མིའུ་ཐུང་ལ་སྤྲུལ་ནས་ལྷ་མིན་སྟོབས་ཅན་གོམ་པ་གསུམ་གྱིས་བསླངས་ཤིང་བསླུས་པ། དྲུག་པ་ནི། ཛ་མཱད་ཨགྣའི་བུ་དགྲ་སྟ་རཱ་མར་སྤྲུལ་ཏེ་རྒྱལ་རིགས་སྲིད་སྒྲུབ་ལ་སོགས་བསད་དེ་རྒྱལ་སྲིད་མེད་པར་བྱས་པ། བདུན་པ་ནི། རྒྱལ་པོ་ཤིང་རྟ་བཅུ་པའི་བུ་རཱ་མ་ཎར་སྤྲུལ་ནས་རང་གི་ཆུང་མ་སྲིན་པོ་ལིངྐ་མགྲིན་བཅུས་ཕྲོགས་པས་སྤྲེའུ་ཧ་ལུ་མཉྫུ་ལ་གྲོགས་བཅོལ་ཏེ་སྲིན་པོ་བཏུལ་བ། བརྒྱད་པ་ནི། ནག་པ་རྩོད་པའི་དུས་སུ་སེམས་ཅན་གྱི་དོན་བྱས་པ། དགུ་པ་ནི། སངས་རྒྱས་ཤཱཀྱ་ཐུབ་པར་སྤྲུལ་ནས་སྔོན་རྒྱལ་རིགས་བསད་པའི་སྡིག་པ་སྦྱངས་པ། བཅུ་པ་ནི། རིགས་ལྡན་བྲམ་ཟེའི་བུ་ཀཱིརྟི་ཙི་ཞེས་བྱ་བ་འོང་བ་ན་འབྱུང་བས་སེམས་ཅན་མང་པོ་བཏུལ་བའི་མཐར་དུས་ལྡོག་པ་རྟོགས་པར་འགྱུར་བའོ། །

བཙན་པོ་སྲུང་བཙན་སྒམ་པོའི་འཁྲུངས་ཁང་རྒྱ་མ་མཁར་གྱི་པར་རྙིང་། ༡༩༤༧ ལོར་དབྱིན་ཇིའི་བོད་སྡོད་གཞུང་ཚབ་པ་རི་ཆརཊི་སིན་གྱིས་པར་བླངས་བ། ​​​(གཞན་ལགས་བཏུས།) https://t.cn/z8KMELS

࿐ ཕྲན་ནི་བོད་ལྕགས་ཁྱི་སྤྱི་ལོ་ ༡༩༧༠ ལོར་གླིང་ཚང་ཚོ་གསུམ་ནམ་མདོ་སྡེ་པའི་ནང་དུ་སྐྱེས། རིམ་གྱིས་དིལ་མཁྱེན་རྡོ་རྗེ་འཆང་སོགས་རྒྱ་བོད་གཉིས་ཀྱི་སློབ་དཔོན་བཅུ་ཕྲག་ལྷག་གི་མདུན་ནས་མདོ་རྒྱུད་མན་ངག་སྐད་ཡིག་བཅས་ལ་ཐོས་བསམ་གྱི་བག་ཆགས་ཕྲན་བུ་བཞག །རྩོམ་ཡིག་འབེལ་གཏམ་པད་མ་དཀར་པོའི་ཕྲེང་བ་འདི་ལ་དག་ཆ་དང་སྙན་ངག་སྡེབ་སྦྱོར་སོགས་ཀྱི་རྒྱུ་ཆ་ཞན་ཀྱང་། གཙོ་བོར་མི་ཚེའི་རྒྱུད་རིམ་ཁྲོད་ཀྱི་ཕྱིའི་ཁོར་ཡུག་དང་ནང་གི་ཉམས་ལེན་བཅས་ལ་འབྲེལ་བའི་འཆར་སྒོ་སྣ་ཚོགས་ཡི་གེར་བཏབ་པར་ཞིག་ཡིན། འདི་ལ་ཐུགས་ཁུར་དང་རྒྱབ་སྐྱོར་གནང་བར་དག་ལ་བཀའ་དྲིན་སྙིང་ནས་ཞུ།

རྩོམ་པ་པོས།

༢༠༢༡.༩.༢༨