༄གངས་ལྗོངས་རྨི་ལམ།
ཁ་བ་མར་མར་བབས་པའི་ཡུལ་དེ་ལ། སེམས་བཟང་གངས་ལྟར་དཀར་བའི་སྐྱེ་བོ་ཚོ།
རྩྭ་ཐང་སྟེང་ནས་ཁྱེད་ལ་བསྟོད་གླུ་ལེན།ནོར་ཕྱུགས་འཕེལ་བའི་བཀྲ་ཤིས་སྨོན་འདུན་ཞུ།
ང་ནི་གངས་ཅན་བོད་པའི་གངས་ཕྲུག་ཡིན།མཛེས་པའི་བོད་ལྗོངས་ང་ཡི་ཕ་ཡུལ་ཡིན།
གངས་རིའི་སྟེང་ནས་ཁྱེད་ལ་བསྟོད་གླུ་ལེན།
雪花慢慢飘下的地方，住着善心白雪般的人们，
在草原上为您唱颂歌，祝福牛羊满山遍野，
我是雪域高原的儿子，美丽西藏是我的故乡，
雪山上为您唱赞歌。#带着微博去旅行##大美中国##周末去哪儿# https://t.cn/RJPH3AV

སངས་རྒྱས་ཀྱིས་ཕ་མར་སྲི་ཞུ་བྱེད་དགོས་ཚུལ་དང་། བྱེད་འོས་པ། ཕན་ཡོན་དང་བཅས་བཤད་པ་འདི་འདྲ་ཞིག་སྟེ།
ཕ་མ་གཉིས་ནི་ཚངས་པ་སྟེ། །དེ་བཞིན་དང་པོ་སློབ་དཔོན་ཡིན། །བུ་ཡི་ཀུན་སྦྱིན་འོས་གྱུར་པ། །མི་ཡང་ཡིན་ལ་ལྷ་ཡང་ཡིན། །དེ་ཕྱིར་དེ་གཉིས་ཕྱག་གི་གནས། །
དྲིལ་བ་དང་ནི་ཁྲུས་རྣམས་དང༌། །རྐང་པ་དག་ཀྱང་བསྐུ་བ་དང༌། །ཡང་ན་ཟས་དང་སྐོམ་རྣམས་དང༌། །གོས་དང་མལ་ཆ་སྟན་རྣམས་ཀྱིས། །མཁས་པ་དག་གིས་བཀུར་སྟི་བྱ། །ཕ་
མ་དག་ལ་བཀུར་བྱས་པ། །དེས་ན་མཁས་པ་དེ་དག་ནི། །འདིར་ཡང་སྨད་པ་མེད་འགྱུར་ལ། །ཤི་ནའང་མཐོ་རིས་འགྲོ་བར་འགྱུར། ། https://t.cn/Rp7W8xr

#噶举祖庭一洛卓沃龙寺[超话]#
༄། སློབ་དཔོན་པདྨ་འབྱུང་གནས་ཀྱི་རྟགས་བསྟོད་དབྱངས།།

ཧཱུྃ༔ སྐུ་གསུང་ཐུགས་རྫོགས་པདྨ་འབྱུང་གནས་ནི༔
རྒྱལ་བའི་གདུང་སོབ་འཁོར་བའི་གཡུལ་ངོ་ཟློག༔
ཐུགས་རྗེ་ཆེན་པོས་འགྲོ་བ་འདྲེན་མཛད་པ༔
སྤྲུལ་སྐུ་འགྲོ་བ་འདྲེན་ལ་ཕྱག་འཚལ་བསྟོད༔
རྒོད་ཀྱི་རྩེ་ལྡེམ་དབུ་ལ་བཙུགས་པ་ནི༔
སྒྲུབ་པ་མཐར་ཕྱིན་ཡེ་ཤེས་རྒྱས་པའི་རྟགས༔
དཔལ་ཆེན་ཤྭ་བའི་དབྱིབས་ཞུ་གསོལ་བ་ནི༔
ཐེག་ཆེན་ལྟ་བའི་དོན་དང་ལྡན་པའི་རྟགས༔
དབུ་སྐྲའི་ཐོར་ཚུགས་གྱེན་དུ་བཅིངས་པ་ནི༔
དུས་གསུམ་སངས་རྒྱས་ཐམས་ཅད་འདུས་པའི་རྟགས༔
སྤྱན་གསུམ་དྲག་པོས་འགྲོ་ལ་གཟིགས་པ་ནི༔
ཐུགས་རྗེ་ཆེན་པོས་འགྲོ་བ་འདྲེན་པའི་རྟགས༔
འཛུམ་པའི་ཞལ་རས་མདངས་དང་ལྡན་པ་ནི༔
བྱམས་དང་སྙིང་རྗེས་འགྲོ་བ་འདྲེན་པའི་རྟགས༔
ཟ་འོག་བེར་ཆེན་སྐུ་ལ་གསོལ་བ་ནི༔
སྒྲུབ་པ་བཀའ་བརྒྱད་སྐུ་ལ་རྫོགས་པའི་རྟགས༔
ལེ་བརྒན་དམར་པོའི་ཆོས་གོས་གསོལ་བ་ནི༔
ཚུལ་ཁྲིམས་རྣམ་དག་སྡོམ་དང་ལྡན་པའི་རྟགས༔
བརྗིད་པའི་བེར་ཆེན་སྐུ་ལ་གསོལ་བ་ནི༔
སྲིད་གསུམ་འགྲོ་བ་ཟིལ་གྱིས་གནོན་པའི་རྟགས༔
ཕྱག་གཡས་གསེར་གྱི་རྡོ་རྗེ་བསྣམས་པ་ནི༔
ཡེ་ཤེས་ལྔ་ལྡན་ལོག་འདྲེན་འཇོམས་པའི་རྟགས༔
ཕྱག་གཡོན་བདུད་རྩིའི་ཐོད་པ་བསྣམས་པ་ནི༔
སྒྲུབ་པ་པོ་ལ་དངོས་གྲུབ་སྟེར་བའི་རྟགས༔
ཁ་ཊྭཱཾ་རྩེ་གསུམ་སྐུ་ལ་བརྟེན་པ་ནི༔
ཐབས་དང་ཤེས་རབ་འདུ་འབྲལ་མེད་པའི་རྟགས༔
མི་འགྱུར་ཞབས་གཉིས་སྐྱིལ་ཀྲུང་མཛད་པ་ནི༔
ཆོས་ཀྱི་སྐུ་ལ་འདུ་འབྲལ་མེད་པའི་རྟགས༔
ཉི་ཟླ་པདྨའི་གདན་ལ་བཞུགས་པ་ནི༔
འཁོར་བའི་ཉོན་མོངས་གཡུལ་ངོ་ཟློག་པའི་རྟགས༔
དྲག་པོའི་ཧཱུྃ་རིང་ཧཱུྃ་ཐུང་སྒྲོག་པ་ནི༔
མ་མོ་མཁའ་འགྲོ་དབང་དུ་སྡུད་པའི་རྟགས༔
འཇའ་ཡི་གུར་ཕུབ་འོད་ཟེར་འཕྲོ་བ་ནི༔
ཐུགས་རྗེའི་ཐབས་ཀྱིས་འགྲོ་བ་འདྲེན་པའི་རྟགས༔
སངས་རྒྱས་འདུས་པའི་རྒྱལ་སྲས་པདྨ་འབྱུང༔
སྣ་ཚོགས་ཐབས་ཀྱིས་འགྲོ་བ་འདྲེན་མཛད་པའི༔
པདྨ་འབྱུང་གནས་སྐུ་ལ་ཕྱག་འཚལ་བསྟོད༔