上一次认真帮你影相已经系上个月19号/呢一年都唔知喺度忙乜/都冇点陪你玩
2007年/毛毛走佐之后/你成为屋企其中一员
...
你好为食/成日都忘住人地食嘢/但系肠胃又好鬼差/食杂d都唔舒服/不过就系因为咁/你唔舒服果阵比较好喂药
你好八卦/每次我地喺度睇楼下发生咩事噶时候/你都追住嚟大声叫要一起睇/屋企电话一响就会一直大叫搞到连电话对面讲咩都听唔到
你好贪玩/成日都想去街街/唔听指挥/玩到成身邋遢/喺外面又唔愿返屋企/就算净系落楼摞快递你都要跟住去/坐车每次都想人地开窗俾你伸个身出去望/虽然唔知你想睇乜嘢
你好傲娇/中意同d唔理你嘅狗狗玩/热情嘅狗狗你又唔同人地玩/以前多多好中意同你玩但系你都成日避开人地/有人同你玩你唔中意仲会凶人地/你高兴就揾人地玩/但系人地想同你玩果阵你就唔一定次次都愿意
你好奸诈/成日整古造怪要人地关注你/带你去街街
你好唔中意冲凉/每次一叫冲凉凉/你就会走去梳发底/以为咁样就揾你唔到
你好聪明/屋企有人训紧觉就唔会大声叫/唔舒服就会去揾姐姐识上楼顶揾草食/想食狗粮就一直追住我地/就算厕所关佐门都会大力刮个门/兜入面冇水就会用上房间饮水嚟话我地知/湿粮食剩一半你都知然后一直记住守喺果度/识催大家早d去冲凉/每晚训觉之前都好叻/无论你训佐定没训一叫你就会起身上楼顶屙夜尿/喺外面玩一拍手就会冲返嚟/虽然唯一一次带你去海边玩/因为海水嘅味道同人太多太吵而迷失方向真系笑死人
你好识享受/最中意人地帮你按摩/停一下就用个手大力爪我地提示我地要继续帮你按摩/我地个手发喺你隔离就会好自觉咁训落嚟要人帮你按摩
你好傻/经常以为远处嘅BB仔系狗狗/经常俾我地呃/叫你睇狗狗/其实系冇嘅
…
仲有好多都写唔晒/不过我都会一直记得
今年我生日仲俾佐个愿望俾你/希望你可以健健康康然后快d揾到女朋友/好遗憾你都没有过正式嘅女朋友同自己嘅小朋友/另外你真系中意同男仔玩多过女仔/哈哈其实我都唔想吐槽你/今年年中仲病佐一次真系年纪大机器坏/傍晚从宠物医院返嚟仲笑你可能今年你犯太岁要整条红底裤俾你着~
好心痛你临走果阵咁痛苦/我地又一d都帮你唔到/而且今日天气真系好鬼差/又冻又落雨
以后你唔会再喺屋企接我落班了~
以后再都唔可以一手抱起你了~
听日要帮你搬家/搬个好地方/唔惊人地烦住你/带晒你全部家当/你最中意玩嘅猪猪已经放喺你隔离/以后唔惊再俾我地收埋你揾唔到了
唔洗惊无聊/你可以揾毛毛.多多.爷爷玩/因为佢地都系男仔~
最后/好开心你嚟到呢个世界上/等我地9年前可以喺南海遇到你然后带你返嚟我地屋企/好感激呢9年嚟嘅陪伴/令我地屋企多佐更多欢笑~~~
叮叮
拜拜
偷偷地留低你d毛毛
爱你❤️

2016.12.24

Fighter Training - Day 48 (4/12)
上台打兩round sparing，打高過我成個頭嘅人真係好攰，點知佢仲快冇氣過我，佢仲笑住俾我當沙包狂揪，真開心不過今日唔知點解個人冇乜力咁，又快攰！打完一定要記得敷冰，腳趾原來最難好，成個月都搞唔掂
#BomberGym##EnergyFight##榮拳館##綜合搏擊##拳擊訓練#

Fighter Training - Day 46 (2/12)
第一次同個6呎大隻外國人打sparing，重點係見到佢手瓜粗過我大脾都冇怯當然佢冇乜點用力，大家只係練招式。但上一個鐘，我條腰已經斷唔滯，收得工。物理治療師教我貼肌肉運動䀡保護受傷腳趾，不過咁強力都俾我整得甩尋日有師姐按摩，今日有卜卜脆妹按，太幸福喇 返屋企繼續自療...
#BomberGym##EnergyFight#榮拳館##綜合搏擊##拳擊訓練#