གཅེར་བུ་པའི་སྟོན་པ་གཉེན་གྱི་བུ། སྟོན་པ་སྡེ་དྲུག་ནང་གི་གཅེར་བུ་པ་གཉེན་གྱི་བུ་ཞེས་པ་དེ་ཡིན།
མདོ་ལས་ཤཱ་རི་བུ་དང་མོའུ་འགལ་བུ་གཉིས་ཀྱིས་འདི་ཉིད་ལ་ལམ་གྱི་ཚུལ་དྲིས་མཐར་ཡིད་མ་རངས་པར་མུ་སྟེགས་པ་ཡང་དག་རྒྱལ་བ་ཅན་དྲུང་དུ་རབ་ཏུ་བྱུང་ཞིང་། སླད་ནས་སྟོན་པའི་སློབ་མར་གྱུར་པར་གསལ།

དགེ་ཆོས་ཀྱིས་འདིའི་སྐུ་བརྙན་འདི་འོད་དཔག་མེད་དང་ནོར་ནས་ས་སྐྱ་གོང་ན་བཤམས་འདུག་པར་གསུངས་ཤིང་།

ཡང་དག་རྒྱལ་བ་ཅན་ནི་སྟོན་པ་སངས་རྒྱས་སྔོན་ཙམ་ནས་འདས་པར་མདོ་ལས་གསལ་ཞིང་། གཅེར་བུ་པའི་སྟོན་པ་གཉན་གྱི་བུ་ནི་རྗེས་འཇུག་ཚོས་སྟོན་པ་ལས་དགུང་ལོ་ཉི་ཤུས་མཐོ་བར་བཤད་ཅིང་། དེང་གི་ཞིབ་འཇུག་པ་ཚོས་ལོ་ཚིགས་གོང་ལྟར་གཏན་ལ་འབེབས་པར་སྣང་བ་ལྟར་ན་སྟོན་པ་ལས་དགུང་ན་ཉེར་བཞིས་གཞོན་པ་སྟེ་དེ་ཡང་གནས་བརྟན་པའི་ལུགས་ཀྱི་སྟོན་པའི་འཁྲུངས་ལོ་གཞིར་བྱས་ནའོ། །

ལུགས་འདིའི་འདོད་ཚུལ་ནི། མདོ་ལས། གཅེར་བུས་སྨྲས་པ། བྲམ་ཟེའི་ཁྱེའུ་དག་ཁོ་བོ་ནི་འདི་ལྟར་ལྟ་ཞིང་འདི་སྐད་སྨྲ་སྟེ། སྐྱེས་བུ་གང་ཟག་འདིས་སོ་སོར་མྱོང་བ་གང་ཡིན་པ་ཅི་ཡང་རུང་སྟེ་དེ་ཐམས་ཅད་སྔོན་བྱས་པའི་རྒྱུ་ལས་བྱུང་བ་ཡིན་ནོ། །ལས་རྙིང་པ་རྣམས་ནི་དཀའ་ཐུབ་ཀྱིས་འབྱང་བར་འགྱུར་ལ་ལས་སར་པ་རྣམས་ནི་མི་བྱ་བའི་ཆུ་ལོན་གྱིས་ལྡོག་པར་བྱའོ། །དེ་ལྟར་ན་ཕྱིན་ཆད་ཟག་པ་མེད་དོ། །ཟག་པ་མེད་ན་ལས་ཟད་དོ། །ལས་ཟད་ན་སྡུག་བསྔལ་ཟད་དོ། །སྡུག་བསྔལ་ཟད་ན་སྡུག་བསྔལ་མཐར་བྱེད་པར་འགྱུར་རོ། །ཞེས་གསུངས་སོ།། དྲྭ་གཞན་ལས་བཤུས།

སུམ་ཅུ་པ་ཞེས་པའི་དོན་ནི། པྲ་ཏི་དགེ་བཤེས་ཀྱིས་་་ཀཱ་ལི་སུམ་ཅུའི་བརྗོད་བྱ་གཙོ་བོར་སྟོན་པས་སུམ་ཅུ་པ་ཞེས་བཏགས་པར་འདོད་པ་ནི། ང་རང་ཧ་ཅང་འཐད་ལ་དོན་ལ་གནས་པར་སེམས་ཏེ། ༡ གཞུང་རང་གི་ནང་དུ་ལུང་སྟོན་པའི་རྩ་བ་སུམ་ཅུ་པ་ཞེས་པའི་རྩ་བ་ཞེས་པ་དེ་དང་། ༢ ཐོག་མར་ཀཱ་ལི་སུམ་ཅུ་པོ་ངོས་བཟུང་ཡོད་པ་དེ་དང་། ༣ དེ་ནས་གང་མིང་བརྗོད་པའི་དང་པོ་རུ་སྟེ། གང་མིང་དང་པོ་དང་གང་མིང་གཉིས་པ་སོགས་སྨོས་ཏེ། མིང་གཞི་སྔོན་རྗེས་ངོ་སྤྲད་པ་དེ་དག་གིས་སྐབས་བབས་ཀྱི་ཕྲད་བསྟན་འདུག་པ་ཕར་བལྟས་ཚུར་ཤར་ཡིན་པས། འདིའི་ཐད་ལ་དགོས་མེད་ཀྱི་རྩོད་བརྒྱབ་བསྡད་པ་དག་ནི། མཁས་རྟགས་སྟོན་ས་མ་རྙེད་པའི་ཚུལ་མཐོང་བསྡད་པ་ལས་གཞན་དུ་ཕན་པའི་ཉག་ཕྲ་འོ། །

• རྒྱལ་ཁམས་པས།

མཚུངས་མེད་བླ་མ་རྗེ་དང་དབྱེར་མེད་པའི། །
མཉམ་མེད་ཤཱཀྱའི་རྒྱལ་པོར་གསོལ་བ་འདེབས། །
བླ་མའི་ཐུགས་དགོངས་རྫོགས་པར་བྱིན་གྱིས་རློབས། །
བསམ་པ་ལྷུན་གྱིས་འགྲུབ་པར་མཛད་དུ་གསོལ།།