དེ་རིང་རང་གི་མི་ཚེའི་ཁྲོད་ཀྱི་སློབ་གཙོ་གཉི

首页发布

དེ་རིང་རང་གི་མི་ཚེའི་ཁྲོད་ཀྱི་སློབ་གཙོ་གཉིས་ཀྱི་སྐད་ཆ་བསམ་བློའི་ཀློང་དུ་འགྲོ་བར་བཅུག
སློབ་གཙོ་གཅིག་ནི་སློབ་ཆུང་སྐབས་ཀྱི་ཡིན་ལ། ༩༥ལོར་ངའི་ནུ་བོ་སྐྱེས་པའི་ང་སློབ་གྲྭ་ནས་ཕྱིར་ལེན་རྒྱུ་བྱས་པའི་ཁོང་འཐད་པ་མ་བྱུང་བར་མུ་མཐུད་དུ་སློབ་གྲྭ་འགྲོ་རྒྱུའི་བསྐལ་བ་ཐོབ། སློབ་གཙོ་གཉིས་པ་ནི་མཐོ་འབྲིང་འདོན་སྐབས་སློབ་གཙོ་སྟེ། ད་ལྟ་ཚེ་ལས་འདས་ཟིན་པའི་སློབ་གཙོ་དཔལ་འབྱོར་ལགས་ཡིན། ༢༠༠༢ལོར་ཡང་བསྐལ་བ་བཟང་པོས་དགེ་རྒན་ཁེ་བུན་དང་འཕྲད། དེ་རིང་ཕ་ལགས་ཀྱིས་གསུང་པ་ལྟར་ན་ང་ཟི་ལིང་ལ་འགྲོ་ཁར་སྐབས་དེར་རྒྱུགས་ཆེ་བའི་འོ་ཕྱེ་ཤོག་ཁུག་གང་ཉོས་ནས་སོང་པ་ཡིན་ཟེར།
ཁོང་གིས་སློབ་མ་བསོད་ནམས་སྐྱིད་ནི་རང་བཞིན་བཟང་པོ་ཅན་གྱི་བྱིས་པ་ཞིག་རེད་མུ་མཐུད་དུ་མཐོ་འབྲིང་བཏོན་སློབ་ཆེན་ལ་འཕྲོད་པར་ཐེ་ཚོམ་མེད་ཟེར། མ་གཞི་ལོ་ངོ་བཞི་བཅུ་ལྷག་ལ་ཉེ་བའི་མི་ཚེའི་གོ་རིམ་ཁྲོད་རང་སྟེང་གི་བཟང་ཆ་མཐོང་བས་དམ་པ་མང་པོ་འཕྲད་ཡོད་འདུག མཚམས་ལན་རེར་རང་གི་ཉེ་འཁོར་གྱི་མང་པོ་ཞིག་གིས་ལྷག་ཏུ་རང་ལས་རྒན་པའི་སྐྱེས་བོ་དག་གིས་བཟང་བསྟོད་བྱས་ཡོང་དུས་སེམས་སུ་རང་གི་ལུས་སྟེང་ན་འདི་འདྲའི་བཟང་ཆ་འདུག་གམ་སྙམ་པའི་ཐེ་ཚོམ་སྐྱེས་ཡོང་། གང་ལྟར་རང་ཉིད་རིག་གནས་པ་ཙམ་ཞིག་གི་མིང་ཙམ་ཟིན་པ་དང་དེ་ལས་དོན་སྙིང་ཅན་གྱི་བྱ་བ་ཕྲན་རེ་སྒྲུབ་ཐུབ་པ་འདི་ཡང་བསོད་ནམས་བཟང་བོ་ཞིག་གོ[微笑]