ངེས་དོན་གྱི་ཉམས་ལེན་པ་མཁན་འཆི་མེད་རིག་འཛིན་མཆོག་ལ་སྔོན་དུས་སུའང་ཁ་མིན་དོན་གྱི་སྟེང་ནས་བསྟོད་ཚིག་འབྲི་མྱོང་ཡོད་ལ། ད་ཐེངས་ཁྱོམ་སྡོད་བཀག་རྒྱ་དང་བསྟུན་ཏེ་བྱང་ཤམྦྷ་ལ་སོགས་གང་ལ་ངོས་འཛིན་དགོས་མིན་གྱི་དཔྱད་རྩོམ་འདི་ཉིད་བསྐྱར་དུ་བཀླགས་པས་དགའ་ཞེན་གྱི་དུངས་ཀ་ཟབ་ནས་ཟབ་ཏུ་སོང་།
ཁ་སང་ཇེ་མང་ནས་ཇེ་མང་། སང་ཉིན་ཇེ་ཉུང་ནས་ཇེ་ཉུང་། དེ་རིང་ཡང་མིག་འབྱེད་འཛུམ་གྱི་ཡུན་ཙམ་གྱིས་ལག་ནས་ཤོར་འགྲོ། དེ་བས་གསེར་ལྟར་དཀོན་ཞིང་ངེས་མེད་གྱུར་བ་ནི་མ་འོང་བའི་དུས་ཚོད་ཡིན། དཔལ་ལྡན་ཟླ་བ་གྲགས་པས། གང་ཚེ་རང་དབང་འཇུག་ཅིང་མཐུན་གནས་པ།། གལ་ཏེ་འདི་བདག་འཛིན་པར་མི་བྱེད་ན།། གཡང་སར་ལྷུང་བས་གཞན་དབང་འཇུག་འགྱུར་བ།།དེ་ལས་ཕྱི་ནས་གང་གིས་སློང་བར་འགྱུར།།ཞེས་གསུངས་པ་ལྟར། མིག་སྔར་རང་གི་དབང་འོག་ཏུ་ཆུད་པའི་དུས་ཚོད་རེ་ཡོད་སྲིད་ན། ངེས་པར་གཅེས་སྤྲས་དང་དམ་འཛིན་བྱ་འོས་སོ།།
སྐྱེས་མ་ཐག་ཏུ་ཐེག་པ་ཆེན་པོའི་ལམ། །མ་ནོར་མངོན་སུམ་སྟོན་པའི་བླ་མ་དང་། །མཇལ་ནས་རྣམ་པ་ཀུན་ཏུ་མཉེས་བྱེད་ཅིང་།།ཐོས་བསམ་སྒོམ་པའི་ཤེས་རབ་ལྡན་པར་ཤོག །愿我无论生何处,遇善知识令生喜,获得无误大乘道,具足闻思修智慧。
✋热门推荐