待拍新剧资讯｜电影导演助阵无线！吴卓羲陈山聪全力加操做精壮PTU

无线精益求精，望剧集拍出电影感，近年不时找电影导演合作，而即将开拍、以PTU为题材的新剧，就找来电影导演罗永昌助阵。男主角将由陈山聪、吴卓羲担任，他们互笠高帽，扬言会Fit爆上阵，至于女主角尚未落实，人选暂时有唐诗咏、龚嘉欣及何依婷。

无线经常开拍纪律部队系列剧集，不过PTU（警察机动部队）题材就不算多，只有多年前的《学警出更》及《机动部队2019》。据知，无线6月底将开拍PTU题材新剧，由“TVB NEW WINGS”总监钟澍佳亲自监督，他透露为了令剧集更有电影感，专诚找来电影《PTU》的执行导演罗永昌助阵拍摄。

卡士方面，PTU当然要找演技全面而体能、身形Fit爆的艺人担演，据知男主角敲定近期人气急升、被推为今年“视帝”兼向来甚Fit的陈山聪，联同近年主攻电影、睇得又打得的吴卓羲担任。剧中他们饰演PTU沙展，当中有大量意想不到的枪战、大场口动作戏份，绝对是非一般的警察剧集。

问到其他“男精英”人选时，钟澍佳坦言：“我哋仲挑选紧，想揾啲有型靓仔又健硕嘅年轻演员，今次返嚟想拍啲电影感强嘅剧集，呢个都系未来趋势，之后会揾多啲电影导演同摄影师合作。”剧中还有2名女PTU角色，而无线暂时还在挑选中，考虑人选包括唐诗咏、龚嘉欣、何依婷及戴佳敏。陈自瑶将在其中饰演一个很有趣的角色。

陈山聪及吴卓羲接受东网访问时互笠高帽，陈山聪称吴卓羲“大哥”，对方即指他才是“前辈”。山聪说：“我啱啱收到公司通知，可以同卓羲合作当然开心，佢系我个仔嘅契爷嚟，而且佢依家主攻电影，唔系咁容易请到佢返嚟TVB拍剧！我10几年冇同佢合作过，依家大家成熟咗，好期待，希望佢睇住我呢个细佬啦！契爷睇住我！”

提到与罗永昌导演合作，他表示：“我未演过PTU，当然电影《PTU》有睇过啦，套戏咁出名！其实（新剧）内容、剧本我哋都未知，女主角系边个我哋都未知！”

身形甚Fit的他被问到是否要操得比现时更Fit？他笑说：“一定会死操难操，好在仲有时间畀我准备，我会以最Fit状态同大家见面。罗永昌导演唔系拍电影根本合作唔到，咁难得钟澍佳可以请佢返嚟拍，我已经好期待，真系要加倍努力。”

而吴卓羲近年主力拍电影，之前获拍档大赞动作戏出色。自从2014年《枭雄》后，他已多年未接拍无线剧集，他受访时说：“真系好多年冇拍TVB剧集，我只系知同山聪合作，其他嘢全部未知，操就一定要操啦！（山聪叫你睇住佢㖞！）哗！佢系我前辈，系都佢睇住我啦！”

唐诗咏何依婷同属考虑人选

至于女主角方面，视后唐诗咏及龚嘉欣亦曾在剧集做过打女，尤其龚嘉欣于剧集《杀手》打得出色，获一致好评，而唐诗咏之前在《铁拳英雄》亦露过两手。

嘉欣表示与吴卓羲未曾合作，对于要演女PTU，她说：“如果监制拣我，都好多谢佢嘅信任，相信呢个组合会有新鲜感。拍动作戏冇问题呀！之前拍《四十二章经》都有练番，如果真系再拍（动作戏）都会再操番，练好啲体能，我冇演过呢类型嘅角色，觉得好有挑战。”

同是考虑人选的何依婷，早前曾入院做割肿瘤手术，她说：“我康复晒喇！不过冇收到公司通知，详细嘅嘢唔清楚。

蔡穎恩x時裝x雕塑
演繹木頭陶瓷的生命與溫度

最近蔡穎恩（Evelyn）參與本地品牌「30menu」，及台灣雕塑家曾岩懌創立的「身體山島」聯乘計劃，將雕塑作品投映在她身上的衣服上，讓三個媒體連接起來，互相輝映。而另一輯相，Evelyn與另一個自己「合照」，正配合她喜歡自言自語的性格。

將演員、衣服和雕塑作品融為一體，Evelyn坦言接到任務初時感到迷惘，她說：「三個媒介各有特色，究竟點樣融合？我一方面要帶出衣服嘅輕巧、好薄、好舒適嘅感覺，同時要演繹投映喺衣服上嘅雕塑作品，有力量、有生命、有溫度嘅感覺。經過多次討論和嘗試，終於做出大家都滿意嘅效果。所以我特別喜歡與不同藝術單位合作，互相聆聽和接納對方，一齊進步，好開心遇上好團隊。」在另一個場景Evelyn與自己的大頭像合照，這樣令她好興奮：「我好鍾意呢個Setting，我本身好鍾意同自己傾偈，係認識自己、反醒、進步嘅過程。」

喜歡穿鬆身服裝的Evelyn，這次合作正合她心意，她說：「我喜歡穿著透氣度高嘅衫，例如麻質和純綿，又特別鍾意著鬆身衫，因為香港天氣太熱和潮濕，如果衣服太貼身，流汗時好唔舒服，難得『30menu』嘅設計唔係一味鬆身，當中有好多細緻嘅設計，顯示到身形線條，好有心思和好手工，我好欣賞。」

對於今次合作的雕塑家，雖然未見過真人，但Evelyn表示與他對靈魂的想法很相似，她說：「因為今次嘅合作，我特別去留意雕塑家曾岩懌嘅作品和訪問，佢話過曾被一本書其中一句『每個男人體內都有一個女人』啟發，我覺得好有趣，因為我都有同樣想法。有時躺喺床上望住天花板，抽離去諗：『我係邊個？點解會喺度？』唔係靈魂出竅，係從身體外睇返自己嘅內在。身體係一個軀殼，每個人嘅內在同時存在男性和女性嘅特質，人嘅外在有性別之分，但靈魂不分性別。」

Evelyn希望親手觸摸這些雕塑作品，她說：「『身體山島』主要以木和陶瓷製作，木頭來自樹木，陶瓷原料係泥土，都係來自大自然，雖然觸摸時手感冰冷，但用心去感覺，就會感覺到生命和生命嘅溫度。將大自然賦予嘅力量和溫度注入作品，加上佢巧手創作，即使係堅硬嘅木頭，佢都能造到視覺上好輕、好柔軟，我好期待觸摸到呢啲雕塑作品嘅真身。」

譚俊彥暗中助兄弟圓夢催淚 戴耀明收朋友短訊再被感動

香港文匯報訊（記者 李思穎）無綫「綠葉王」戴耀明前晚在林盛斌（Bob）主持《360 秒人生課堂》節目中，直認綠葉生涯艱難的他，重申只有一個心願：「眨吓眼做咗廿幾年，我呢團火冇熄到。各位街坊，如果第時見到我，我唔係邊個邊個，我亦唔係茄哩啡（臨時演員），我個名叫做戴耀明，我係一個演員。」

戴耀明還大談已年逾80歲的母親，他坦言最慚愧的不是還未吐氣揚眉，而是竟連媽媽「電視城一日遊」的心願仍尚未實踐。為了一圓戴耀明母子心願，《360 秒人生課堂》台前幕後以及戴耀明好友譚俊彥早有準備。原來戴耀明錄影當日，其好友譚俊彥悄悄地帶戴媽媽參觀電視城，更於古裝街向戴媽媽大談戴耀明拍劇點滴，過程中還不忘表達對好友的感激，譚俊彥說：「我嗰時啱啱嚟TVB，個個都唔識，佢成日照顧我，最緊要大家照顧大家。有時我有啲戲唔明白，我都會打畀佢。」 之後，譚俊彥與戴媽媽坐定定於後台欣賞戴耀明演講，譚俊彥更為好友直流眼淚，與戴媽媽一起哭個不停，之後再將戴媽媽帶上台並向戴耀明送上擁抱，場面感人。

戴耀明事後受訪時，笑指節目播出後，不少好友傳訊息給他表示「喊咗」，令他感動了一整晚：「連好耐冇聯絡，十幾廿年冇搵嘅朋友，都整個Message嚟話感動，好耐冇試過咁嘅感覺，多謝公司搵我參與呢個節目。」