དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་།

དུས་རབས་བརྒྱད་པའི་ནང་དུ་བྱུང་བའི་བོད་ཀྱི་གཙུག་ལག་སློབ་གཉེར་ཁང་ཆེས་ཐོག་མ་དེ་རེད། དེ་ལ་གླིང་ངམ་སྡེ་ཚན་བཅུ་གཉིས་ཡོད། ༡ ཤར་ཕྱོགས་མཁྱེན་རབ་འཇམ་དཔལ་གླིང་། ༢ དེའི་གཡས་གཡོན་དུ་རྣམ་དག་ཁྲིམས་ཁང་གླིང་། ༣ བརྡ་སྦྱོར་ཚང་མང་གླིང་། ༤ ལྷོ་ཕྱོགས་སུ་ཨཱརྱ་པ་ལོའི་གླིང་། ༥ དེའི་གཡས་གཡོན་དུ་བདུད་འདུལ་སྔགས་པ་གླིང་། ༦ སྒྲ་སྒྱུར་གླིང་། ༧ ནུབ་ཕྱོགས་སུ་དགའ་ལྡན་བྱམས་པ་གླིང་། ༨ དེའི་གཡས་གཡོན་དུ་དཔའ་བོ་པེ་ཧར་གླིང་། ༩ མི་གཡོ་བསམ་གཏན་གླིང་། ༡༠ བྱང་ཕྱོགས་སུ་བྱང་ཆུབ་སེམས་བསྐྱེད་གླིང་། ༡༡ དེའི་གཡས་གཡོན་དུ་སྣ་ཚོགས་ལྕགས་དྲ་གླིང་། ༡༢ པེ་ཧར་དཀོར་མཛོད་གླིང་བཅས་སོ། །

རྟེན་འབྱུང་ལང་ཚོ་མཛེས་པའི་ཡུལ་འདིའི་ཁམས་ན། །
མཐའ་བྲལ་ཤེས་རབ་སྒེག་གི་མདངས་དེ་གསལ་བའི། །
འཁོར་འདས་རིས་སུ་དོར་བའི་ཆོས་ཉིད་ལྷ་མོས། །
སྣང་བ་འགགས་པའི་བརྡ་གླུ་ཡིད་ནས་ཤོར་སོང་། །

མེ་རུ་དམར།

མཛངས་བླུན་ལྷའི་མེ་ཏོག་གི་ལེའུ་ལས།
བཅོམ་ལྡན་འདས་ལ་འདི་སྐད་ཅེས་གསོལ་ཏེ། དགེ་སློང་ལྷའི་མེ་ཏོག་འདིས་སྔོན་བསོད་ནམས་ཅི་ཞིག་བགྱིེས་ན་ལྷའི་མེ་ཏོག་རང་འབབ་ཅིང་རིན་པོ་ཆེའི་གདན་དང་ཞལ་ཟས་སྣ་ཚོགས་ཡིད་བཞིན་དུ་སྤྲུལ་པ་བཅོམ་ལྡན་འདས་ཀྱིེས་བསྟན་དུ་གསོལ། བཅོམ་ལྡན་འདས་ཀྱི་ཀུན་དགའ་བོ་ལ་བཀའ་སྩལ་པ། ཐོས་པར་འདོན་ན་ལེགས་པར་ཉོན་ཅིག སྔོན་འདས་པའི་དུས་ན་སངས་རྒྱས་གསེར་ཐུབ་ཅེས་བྱ་བ་འཇིག་རྟེན་དུ་གཤེགས་ཏེ་སེམས་ཅན་གྱི་དོན་རྒྱས་པར་མཛད་དོ།། དེའི་ཚེ་ན་དགེ་འདུན་མང་པོ་གྲོང་རྒྱུ་ཞིང་གཤེགས་པ་ལས་ཁྱིམ་བདག་རིགས་ཆེ་ཞིང་མཐོ་བ་དག་གིས་མཆོད་པ་བྱས་སོ།། དེའི་ཚེ་ན་མི་དབུལ་བོ་ཞིག་ལོངས་སྤྱོད་ཅི་ཡང་མི་བདོག་པས་དགེ་འདུན་དེ་དག་ལ་རབ་ཏུ་དགའ་བའི་སེམས་སྐྱེེས་ཏེ། བདག་གིས་ཅིས་ཀྱང་མཆོད་དུ་ཡང་མེད་དོ་སྙམ་ནས་སྤང་དང་ནེའུ་གསེང་ལས་མེ་ཏོག་རྣམ་པ་སྣ་ཚོགས་བཏུས་ཏེ་དགེ་འདུན་ལ་གཏོར་ནས་བསམ་པ་དག་པས་ཕྱག་བྱས་ཏེ་སོང་ངོ་།། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་བ། དེའི་ཚེ་དེའི་དུས་ན་མི་དབུལ་བོ་མེ་ཏོག་གིས་གཏོར་བ་དེ་ནི་དགེ་སློང་ལྷའི་མེ་ཏོག་འདི་ཡིན་ནོ།། དེ་ལྟར་འདས་པའི་དུས་ན་བསམ་པ་དག་པའི་དད་པས་མེ་ཏོག་བཏུས་ཏེ་དགེ་འདུན་ལ་གཏོར་ནས་སྨོན་ལས་བཏབ་པས་བསྐལ་པ་དགུ་བཅུ་རྩ་གཅིག་གི་བར་དུ་གང་དང་གང་དུ་སྐྱེས་ཀྱང་བྱད་གཟུགས་ལེགས་ཤིང་བཟང་བ་དང་། ལྟ་ན་སྡུག་པ་དང་། ཇི་ལྟར་བསམ་པ་བཞིན་དུ་བཟའ་བའམ་བཏུང་བའམ། ཁྲི་སྟན་ལ་སོགས་པ་ཡིད་བཞིན་ནི་འབྱོར་ཅིང་ལྡན་ཏེ་བསོད་ནམས་དེས་འབྲས་བུའི་བར་ཐོབ་པར་གྱུར་ཏོ།། ཞེས་སོགས་གསུངས་སོ།།