【On.cc】走蔭+小背心　炎明熹轉Look超模上身

《聲夢傳奇》三料冠軍炎明熹（Gigi）唱功好就係人都知，但其實佢好有潛質行天橋做模特兒。日前佢喺社交網甫咗新相，相中化咗裸妝嘅佢，嗰對鳳眼炯炯有神，電到人都暈，又畫韓式粗眉加添英氣，而最令人驚喜係齊蔭長黑直髮係icon嘅佢，束起條辮兼撥開咗啲齊蔭，露出佢嗰飽滿額頭，唔使靠p圖都變成另一個人咁，瞬間大過咗好多，稚氣冇晒，只有潮、型、靚，成個超模咁款喎。加上佢又着咗件背面有交差帶嘅貼身小背心，本身偏瘦嘅佢，原來側面睇，身材好有曲線，都係屬有料到之人喎。

着咗小背心，原來係有料之人。

成個超模咁款。

大家都睇慣Gigi齊蔭Look，都係時候轉吓喇！

佢呢輯好似城市驚喜嘅相，好多網民都大讚，連佢嗰班《聲夢》friend都排住隊嚟話靚，好似文凱婷就「O」晒嘴：「Oh My God…天生明星相。」既然咁多人鍾意呢個新look，Gigi不妨考慮自拆「招牌」，走蔭見人啦。

文凱婷都話Gigi天生明星相。

#炎明熹[超话]#

【01娛樂】陳展鵬為婚禮保持神秘跑上40樓攞婚紗：我隔日真係腳軟呀

《諸朋戀友》一小時的特別版，請來3 Pair恩愛夫婦：陳展鵬及單文柔、黎諾懿及太太李潔瑩、徐榮及太太Kathy，還有熱戀中的情侶陸浩明與女友Ayan。

Phoebe話當年係煎Pan主動同佢講嘢，仲話因為當年煎Pan好紅，所以自己有啲開心。

結婚三年的陳展鵬（煎Pan）及單文柔（Phoebe）在節目中表現恩愛，由於Phoebe經常詞不達意，煎Pan與黎諾懿不下一次聯手取笑她，Phoebe則全程「任窒唔嬲」兼笑至合不攏嘴，令錄影廠氣氛開心又熱鬧。偶爾會被「亂講嘢」的太太弄至「冇你咁好氣」的煎Pan，暗地裏甚為細心留意太太一舉一動，更不時流露關愛眼神，溫馨爆燈。

呢個時候，黎諾懿即抵死補充謂煎Pan現在也很紅

二人除大爆相戀經過，還分享了無數甜蜜點滴，煎Pan大爆Phoebe是「夢幻型」，經常希望老公能像劇中角色一樣浪漫，煎Pan苦惱謂：「情人節最冧嗰次我送咗100枝玫瑰花，佢成日不停咁喺度搵我拍劇嗰啲嘢出嚟（要我對佢做番），但拍戲唔使我出錢畀架嘛。」黎諾懿聞言即搞笑搭嗲謂：「你成日拍劇啫，佢未必成日拍劇架嘛，調佢去劇組，咁就唔使煩喇。」

雖然煎Pan當時好辛苦，但單文柔講番起成件事心痛得嚟又有少少興奮，仲好驚嘆佢老公點解可以跑樓梯跑得咁快。

另Phoebe透露當年與老公出發前往英國影婚紗時波折重重，煎Pan為了氹太太開心，更來回喪跑四十多層樓梯。煎Pan解釋當時情況謂：「嗰時仲未公布，要保持神秘感，所以搵唔到人幫手，驚隨時會穿煲。咁我哋出發去拎婚紗，點知部lift壞咗，咁冇問題啦，仲要廿幾層樓梯喎，我隔日真係腳軟呀。」Phoebe再邊笑邊憶述謂：「本來諗住第二日先再攞婚紗，點知佢（煎Pan）話唔好，話佢上去攞，我就話廿幾層樓點上去呀？點知佢好快落返嚟，我冇特登數佢，但來回唔使廿分鐘。」

#陈展鹏[超话]##单文柔[超话]#

【On.cc】陳展鵬袁偉豪唱旺新年　單文柔張寶兒鬥快做「虎」媽

視帝陳展鵬與太太單文柔（Phoebe），以及袁偉豪與太太張寶兒，兩對夫婦日前與網民率先拜年，進行直播演唱，向大家送上祝福，唱旺虎年。期間，兩對夫婦拖晒手，相當甜蜜，網民都不斷派心心作互動。
兩位美美「人妻」Phoebe及寶兒私底下分屬好姊妹，二人接受東網訪問時，坦言都是罕有跟另一半合唱，故事前都有勤加練歌，出來效果非常合拍。Phoebe說：「可以同老公、自己熟悉嘅朋友一齊做Live節目當然開心，仲要係新年喎，可以留個好好嘅回憶！能夠為大家送來祝福及賀年氣氛，係好開心嘅事！之前我都不斷練歌，沖涼又唱，陪女兒（小豬比）玩嗰陣又唱，依家連佢都識唱！」

一齊唱旺新年！

有咩睇呢？

過年煮九大簋
說到明天（1日）便大年初一，問是否已經準備好一切時，Phoebe說：「已經準備好晒，買花啦！賀年食品啦！都幫佢哋買咗啲新衫，展鵬唔使開工，我會親自下廚，煮九大簋畀屋企人食，亦都會煎啲年糕、蘿蔔糕應吓節！」說到日前她於社交平台晒出一家三口照片，更被指肚凸凸「有喜」，她聞言笑言：「係又好呀！我都想呀，不過只係角度問題啫！我哋會繼續努力嘅！」
家中練歌
寶兒亦開心表示事前都有跟老公袁偉豪於家中練歌：「我哋有一齊練歌，喺屋企自己夾，唱埋和音添！好開心呀！因為未試過一齊表演唱歌，今次係第一次！」說到農曆年，她指現時忙於拍攝新劇《破毒強人》：「好忙碌，所以一路忙，一路約家人、朋友食團年飯，我自己就有寫揮春呢！」袁偉豪表示忙於手頭上工作會積極造人，寶兒被問到此時笑言：「以前講生BB個心都會好似覺得未係時候，但依家好似冇咁抗拒，等我完咗呢套劇睇吓有冇機會啦，睇吓有冇緣分先，唔係想有就有。」

單文柔話過年會煮九大簋畀屋企人食。

單文柔都想要生B，咁陳展鵬要努力啦！

張寶兒都唔抗拒生B。