ཆག་ལོ་ཆོས་རྗེ་དཔལ་གྱི་ལམ་ཡིག་ལས་སློབ་དཔོན་ནག་མོ་ཁོལ་གྱིས་སྒྲའི་བསྟན་བཅོས་ཀ་ལཱ་པ་བྱཱ་ཀ་ར་ཎ་བརྩམས་ཞེས་པ་དང་། ལྷ་མོ་ནག་མོ་བསྒྲུབས་པའི་དངོས་གྲུབ་ལས་སྒྲ་ལ་ཤིན་ཏུ་མཁས་པར་བྱུང་ཞེས་པ་ནི་སློབ་དཔོན་ཀླུ་སྒྲུབ་ཀྱི་སྦྱིན་བདག་རྒྱལ་པོ་བདེ་སྤྱོད་བཟང་པོའི་གཏམ་རྒྱུད་དང་འཁྲུལ་གཞི་བྱུང་འདུག་སྟེ། ནག་མོ་ཁོལ་གྱིས་ཀ་ལཱ་པའི་མདོ་བརྩམས་པ་ཡོངས་སུ་མ་གྲགས་པའི་ཕྱིར། གཞན་དུ། སཾསྐྲྀཏ་སྐད་དུ་བཙུན་མོར་བསྐུར་བའི་འཕྲིན་གྱི་དོན་ཡང་གཅིག་ཏུ་སོང་འདུག་གོ ། དེ་ལྟར་ནའང་། འཕགས་ཡུལ་དུ་ཡུན་རིང་བཞུགས་ཤིང་ཕྱི་ནང་གཞུང་གང་ལའང་འཆད་རྩོད་རྩོམ་པའི་སྤོབས་པ་བརྙེས་པའི་ལོ་ཙཱ་བ་ཁོང་གིས་དེ་སྐད་གསུངས་པ་ལ་རྒྱུ་མཚན་ངེས་པར་ཡོད་སྲིད་དོ་སྙམ། -འབྲོག་མིང་བས།

བར་ཆད་ནི་བདུད་ཀྱིས་ཁྱོད་ལ་རྨི་ལམ་ངན་པ་ཞིག་བཏང་བ་མིན་པར།
གལ་ཏེ་རང་ཉིད་ནང་ཆོས་དང་བར་ཐག་ཇེ་རིང་དུ་སོང་བ་ཡིན་ཚེ།
དེ་ནི་བར་ཆད་ཡིན།
-དིལ་མགོན་མཁྱེན་བརྩེས།

#炳灵寺石窟# [鲜花]

ཀན་སུའུ་མངའ་ཁོངས་ན་ཡོད་པའི་བྱམས་པ་འབུམ་གླིང་ནི་བོད་ཀྱི་ལོ་རྒྱུས་སྟེང་ན་གནས་བབ་གལ་ཆེན་ཟིན་ཡོད་དེ། སྟག་གི་ལོ་སྟེ་སྤྱི་ལོ་༧༦༢ལ་བློན་ཞང་རྒྱལ་གཟིགས་དང་ཞང་སྟོང་བཙན། བློན་སྟག་སྒྲ་སོགས་ཀྱིས་གནས་འདི་རྒལ་ནས་རྒྱ་ཡུལ་དུ་དྲ་མ་དྲངས་ནས་ཡུལ་མང་པོ་དབང་དུ་བསྡུས་ཤིང་། རྒྱ་རྗེ་ཐང་ཏའེ་ཙུང་ཡང་རེ་ཞིག་ཁྲི་ལས་བྲོས་ཏེ་རྒྱལ་ས་ཀེང་ཤྀ་ལན་ཅིག་ཤོར་བའི་ལོ་རྒྱུས་ཀྱང་ཡོད། འདིར་རྒན་ཚེ་རིང་ལགས་ཀྱིས་བྱམས་པ་འབུམ་གླིང་ཞེས་པའི་ཆོས་ལུགས་བརྡ་ཆད་ཀྱི་མིང་འདི་མིང་རྒྱལ་རབས་ནས་བྱུང་ཞིང་། དེའི་ཡར་སྔོན་ལ་བུམ་ལྀང་ཞེས་འབོད་ལ་རྒྱའི་ཡི་གེར་凤林ཞེས་ཟེར། ཨ་ལགས་ཚེ་ཏན་ཞབས་དྲུང་གི་རང་རྣམ་དུ་ཡང་བྱམས་པ་འབུམ་གླིང་ཞེས་འབོད་པ་དང་ཁོང་ཡང་དེར་ཕེབས་པའི་ལོ་རྒྱུས་ཡོད།