【ins更新】#20221107# .
無論食得幾小心，都係中！

而且一定係著白衫嗰日中！

而且一定係著件新嘅白衫嗰日中！

而且一定係著件新嘅白衫嗰日啱啱出門口冇幾耐仲有成day流流長嗰陣中！

其實我只係想食個MosBurger啫，因為倫敦冇吖嘛，呢個願望都好卑微啫。

咁都要我中？

#中男中女團請舉手
#中字個音係縱使個縱而唔係鍾意個鍾呀吓

【ins更新】#20221106# .
呢幾條 Number(N)ine 珠鍊，2006年1月1號上叱吒頒獎台時戴過（嗰年係我第二次攞填詞人大奬，所以仲好清楚記得，後來就 lost count 了），之後一直唔知擺咗去邊，舊年執屋先執返出嚟。咁又16年。

無錯，我就係嗰種靠自己著過乜嘢衫（同人哋著過乜嘢衫），去記低自己人生大小事同年份嘅人。

唔自豪亦都唔自卑，我就係咁。

#至於呢度就係數寄屋敷阿次郎大師壽司店所在地
#亦即係我為洪卓立寫嗰首歌嘅背境

【01娛樂】陳山聰手指韌帶斷裂長戴固定器

腫成個星期方就醫：抱到仔就得

陳山聰今日（9日）帶傷出席《萬千星輝賀台慶》的錄製，現場見他的手指尾帶上了固定器，被問到他手指尾為何受傷？他就表示拍戲時撞向替身繼而韌帶斷裂，手指尾不慎插入替身的護腰器內，手指腫了一個星期才就醫：「當場以為篤魚蛋，咁我就冇理佢啦，咁跟住過咗一個禮拜鬆啲，我太太話老公你好似仲好腫喎，咁跟住去咗照磁力共振，原來係韌帶斷咗。」醫生要生山聰戴着個固定器六個星期待傷口愈合。而山聰對於傷勢就不是很擔心，直言抱到啊仔就得：「抱個仔都冇乜問題嘅，最緊要抱到啊仔就得。」

山聰就睇好林敏驄會攞今屆視帝！（葉志明攝）

陳山聰今年有三套劇播出，分別是《金宵大廈2》、《美麗戰場》、《超能使者》，三套劇角色上都有很大挑戰，網民都睇好他可以奪得今屆視帝，不過他認為今年有郭晉安、林敏驄坐陣競爭極大，視帝獎項都凍過水啊：「今年對手好多喎，全部都係前輩級，我睇好驄哥應該今年會攞視帝。」

山聰保重身體啊！（葉志明攝）

#陈山聪[超话]#