ས་སྐྱ་ལེགས་བཤད།

萨迦格言
ས་སྐྱ་པཎྜི་ཏ་ཀུན་དགའ་རྒྱལ་མཚན།
萨迦班智达.贡嘎坚赞
འཇུངས་ལ་ཕྱུག་པོ་མི་སྲིད་ཅིང་།།
གཏོང་ལ་དབུལ་བོ་མི་སྲིད་པས།།
འཇུངས་པ་ནོར་དད་ཆུང་བ་དང་།།
གཏོང་བ་ནོར་ལ་རྔམས་པ་འདྲ།།
吝啬变富世难见，施舍致贪天下无。
故此小器似察欲，慷慨却被当贪财。

ལོ་ཙཱ་བ་སོག་པོ་དཔལ་གྱི་ཡེ་ཤེས།(བསྟན་པ་སྔ་དར་སྐབས་ཀྱི་ལོ་ཙཱ་བ།)
ལོ་ཙཱ་བ་སྣ་ནམ་ཡེ་ཤེས་སྡེ།(བསྟན་པ་སྔ་དར་སྐབས་ཀྱི་ལོ་ཙཱ་བ།)
ལོ་ཙཱ་བ་སྣ་ནམ་རྡོ་རྗེ་བདུད་འཇོམས།(བསྟན་པ་སྔ་དར་སྐབས་ཀྱི་ལོ་ཙཱ་བ།)
ལོ་ཙཱ་བ་ས་སྐྱ་པཎྜི་ཏ་ཀུན་དགའ་རྒྱལ་མཚན།(༡༡༨༢-༡༢༥༡)
ལོ་ཙཱ་བ་གྲུབ་ཆེན་ཨུ་རྒྱན་པ་རིན་ཆེན་དཔལ།༡༢༣༠-༡༣༠༩)
ཐུགས་སྲས་ལོ་ཙཱ་བ་རིན་ཆེན་རྣམ་རྒྱལ།(༡༣༡༩-༡༣༩༠)
སྟག་ཚང་ལོ་ཙཱ་བ་ཤེས་རབ་རིན་ཆེན།(༡༤༠༥-༡༤༧༧)
སྨིན་གླིང་ལོ་ཆེན་དྷརྨ་ཤྲཱི།(༡༦༥༤-༡༧༡༨)
ལོ་ཙཱ་བ་སི་ཏུ་གཙུག་ལག་ཆོས་ཀྱི་སྣང་བ།༡༧༠༠-༡༧༧༤)

དཔལ་ཕྱག་རྒྱ་ཆེན་པོའི་ཐིག་ལེ་ཞེས་བྱ་བ་རྣལ་འབྱོར་མ་ཆེན་མོའི་རྒྱུད་ཀྱི་རྒྱལ་པོའི་མངའ་བདག་མཛད་པ་པོ་སྟོན་པ་ཤཱཀྱ་ཐུབ་པ།
ང་སྡེ། ལྡེབ་མ། (༦༦)
དབང་མེད་ན་ནི་དངོས་གྲུབ་མེད། །
བྱེ་མ་བཙིར་ཡང་མར་མེད་ལྟར། །
གང་ཞིག་རྒྱུད་ལུང་ང་རྒྱལ་གྱིས། །
དབང་བསྐུར་མེད་ལ་གསལ་བྱེད་པ། །
སློབ་དཔོན་སློབ་མ་ཤི་མ་ཐག །
དངོས་གྲུབ་ཐོབ་ཀྱང་དམྱལ་བར་འགྲོ། །
དེ་བས་འབད་པ་ཐམས་ཅད་ཀྱིས། །
བླ་མ་ལ་ནི་དབང་དོན་ཞུ། །

རྒྱུད་ཀྱི་རྒྱལ་པོ་དཔལ་བདེ་མཆོག་ཉུང་ངུ་ཞེས་བྱ་བ་མཛད་པ་པོ་སྟོན་པ་ཤཱཀྱ་ཐུབ་པ། ཀ་སྡེ། ལྡེབ་མ། (༢༡༦)
སྔགས་པ་དཀྱིལ་འཁོར་མ་མཐོང་བར། །
གང་ཞིག་རྣལ་འབྱོར་པ་ཉིད་འདོད། །
མཁའ་ལ་ཁུ་ཚུར་གྱིས་བརྡེག་དང་། །
སྨིག་རྒྱུའི་ཆུ་ནི་འཐུངས་དང་མཚུངས།།

འཕགས་པ་མཁའ་འགྲོ་མ་རྡོ་རྗེ་གུར་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོའི་བརྟགས་པ་མཛད་པ་པོ་སྟོན་པ་ཤཱཀྱ་ཐུབ་པ།
ང་སྡེ། ལྡེབ་མ། (༤༩)
རྣལ་འབྱོར་པ་གང་དབང་བསྐུར་མེད། །
དཀྱིལ་འཁོར་དུ་ནི་མ་ཞུགས་དང་། །
གང་ཞིག་རབ་གནས་མ་མཐོང་དང་། །
གང་ཞིག་སྦྱིན་སྲེག་མ་བྱས་པ། །
འཇིག་རྟེན་འདི་དང་ཕ་རོལ་དུ། །
དེ་ཡི་དངོས་གྲུབ་མཆོག་ཉིད་མེད། །

རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་བརྗོད་པ་རྒྱུད་ཐམས་ཅད་ཀྱི་སྙིང་པོ་གསང་བ་རྣམ་པར་ཕྱེ་བ་ཞེས་བྱ་བ་མཛད་པ་པོ་སྟོན་པ་ཤཱཀྱ་ཐུབ་པ། ཅ་སྡེ། ལྡེབ་མ། (༢༡༢)
ཡང་དག་དབང་བསྐུར་གྱིས་དབེན་ན། །
སྒྲུབ་པོས་རྒྱུད་ཀྱི་དོན་ཤེས་ཀྱང་། །
སློབ་དཔོན་སློབ་མར་མཚུངས་པར་ནི། །
མི་བཟད་དམྱལ་བ་ཆེན་པོར་འགྲོ། །

མངོན་པར་བརྗོད་པའི་རྒྱུད་བླ་མ་ཞེས་བྱ་བ་མཛད་པ་པོ་སྟོན་པ་ཤཱཀྱ་ཐུབ་པ། ཀ་སྡེ། ལྡེབ་མ།  (༢༥༡)

གང་ཡང་དབང་བསྐུར་མེད་པ་ལ། །
གཞན་དུ་དེ་ཉིད་མ་བསྟན་ཅིག །
མངོར་བརྗོད་རྒྱུད་ལ་བླ་མ་ཡིས། །
དབང་བསྐུར་སློབ་མ་ངག་ལ་སྦྱིན། །
གཞན་དུ་སློབ་མ་སྨྱོ་བ་དང་། །
བརྒྱལ་དང་རྨོངས་པ་དག་ཏུ་འགྲོ། །
མནར་མེད་འཇིགས་པ་ཆེན་པོ་དང་། །
ངན་པ་དེར་ནི་ལྟུང་བར་འགྱུར། །

དཔལ་སངས་རྒྱས་ཐོད་པ་ཞེས་བྱ་བ་རྣལ་འབྱོར་མའི་རྒྱུད་ཀྱི་རྒྱལ་པོ་མཛད་པ་པོ་སྟོན་པ་ཤཱཀྱ་ཐུབ་པ། ང་སྡེ། ལྡེབ་མ། (༡༥༠)

དཔེར་ན་པི་བང་སྦྱོར་ཀུན་ཚོགས། །
རྒྱུད་དང་བྲལ་ན་བརྡུང་མི་རུང་། །
དེ་བཞིན་དབང་དང་བྲལ་ན་ནི། །
སྔགས་དང་བསམ་གཏན་འགྲུབ་མི་འགྱུར། །
རྨོངས་པ་གང་ཞིག་དབང་མེད་པར། །
བདག་ནི་དབང་བསྐུར་ཞེས་སྨྲ་བ། །
ཇི་སྲིད་སངས་རྒྱས་བཞུགས་ཀྱི་བར། །
སློབ་མར་བཅས་ཏེ་དམྱལ་བར་འགྲོ། །

དབུ་མ་བཞི་བརྒྱ་པ་མཛད་པ་པོ་འཕགས་པ་ལྷ། རབ་བྱེད་ལྔ་པ། ལྡེབ་མ། (༦)

གང་ཞིག་གང་གང་ལ་དགའ་བ། །
དེ་ཡིས་དེ་དེ་སྔར་དཔྱད་བྱ། །
ཉམས་པར་གྱུར་པ་དམ་ཆོས་ཀྱི། །
སྣོད་ནི་ཅིས་ཀྱང་མ་ཡིན་ནོ། །

སྡོམ་གསུམ་རབ་དབྱེ་མཛད་པ་པོ་ས་སྐྱ་པཎྜི་ཏ། ན་སྡེ། ལྡེབ་མ། (༡༨)
རྡོ་རྗེ་ཕག་མོ་ཉིད་ལས་ཀྱང་།།
དབང་བསྐུར་ཐོབ་ཅིང་དམ་ཚིག་ལྡན།།
དེ་ལ་བྱིན་རླབས་བྱ་ཞེས་གསུངས།།
དབང་བསྐུར་མེད་ལ་བྱིན་རླབས་བཀག།
དཔེར་ན་མུ་ཟིའི་བཅུད་ལེན་འཇུ།།
དེ་ནས་དངུལ་ཆུ་བཟའ་བར་གསུངས།།
མུ་ཟི་ཐོག་མར་མ་བསྟེན་པར།།
དངུལ་ཆུ་ཟོས་ན་འཆི་བ་ལྟར།།

སྡོམ་གསུམ་རབ་དབྱེ་མཛད་པ་པོ་ས་སྐྱ་པཎྜི་ཏ། ན་སྡེ། ལྡེབ་མ། (༢༧)

དབང་བསྐུར་དང་པོ་མ་ཐོབ་པར།།
བསྐྱེད་པའི་རིམ་པ་བསྒོམ་པ་དང་།།
དབང་གཉིས་པ་མ་ཐོབ་པར།།
གཏུམ་མོ་ལ་སོགས་བསྒོམ་པ་དང་།།
དབང་བསྐུར་གསུམ་པ་མ་ཐོབ་པར།།
བདེ་སྟོང་ལ་སོགས་བསྒོམ་པ་དང་།།
དབང་བསྐུར་བཞི་པ་མ་ཐོབ་པར།།
ཕྱག་རྒྱ་ཆེན་པོ་སོགས་བསྒོམ་དང་།།
དགེ་སློང་སྡོམ་པ་མ་ཐོབ་པར།།
མཁན་སློབ་ལ་སོགས་བྱེད་པ་ནི།།
གསང་སྔགས་མེད་པར་སྦྲུལ་གདུག་གི།
མགོ་ལས་རིན་ཆེན་ལེན་པ་ལྟར།།
རང་གཞན་བརླག་པའི་རྒྱུ་རུ་བས།།
མཁས་པ་རྣམས་ཀྱིས་རྒྱང་རིང་སྤང་།།