ཚིག་གི་རོ་ལ་འཐམས་པའི་ཨོ་ལོ་ཚོ།།
ཆོས་ཉིད་ཟབ་མོའི་རྣམ་ཤེས་མི་མཐོང་ཡང་།།
མི་ཡུལ་དུར་ཁྲོད་སྒང་ནས་གཉུག་གཤིས་ཀྱི།།
གླུ་ཞིག་ལོངས་དང་ས་རྡོ་རི་བྲག་ངུ་།།

༢

ཆུང་དུས་སུ་ལྷ་ས་ནི་ལྷ་ཡུལ་ཡིན་པ་དང་། ཆེ་དུས་སུ་ལྷ་ས་ནི་མི་ཡུལ་ཡིན་པའི་འདུ་ཤེས་སྣ་ཚོགས་ཀྱིས་སེམས་ལ་རྗེས་ཤུལ་ཅི་རིགས་བཏོད་ཅིང་། རྗེས་ཤུལ་ཁ་ཤས་ནི་ཆུ་དང་ཆར་བ་ཙམ་གྱིས་གཞིས་ཀའང་རྩ་མེད་དུ་བཏང་། ཡང་རྗེས་ཤུལ་ཁ་ཤས་ནི་འཇོག་སྟངས་མ་འདྲ་བས་ཡིན་ནམ། འཇོག་མཁན་མ་འདྲ་བས་ཡིན་ནམ། འཇོག་པའི་རྒྱུ་མཚན་མ་འདྲ་བས་ཡིན་ནམ་གང་ལྟར་སེམས་ལ་སེམས་གནས་པའམ། ཆུ་ལ་ཆུ་བླུགས་པ་དང་འདྲ་བར་སོ་སོར་བཀར་ཐབས་མེད་པའི་ཆོས་ཉིད་ཀྱི་ནམ་མཁའ་བཞིན་དུ་རྟག་ཏུ་སྐྱེ་འཆིའི་འཕོ་ལྟུང་མེད།

བར་ཆད་ནི་བདུད་ཀྱིས་ཁྱོད་ལ་རྨི་ལམ་ངན་པ་ཞིག་བཏང་བ་མིན་པར།
གལ་ཏེ་རང་ཉིད་ནང་ཆོས་དང་བར་ཐག་ཇེ་རིང་དུ་སོང་བ་ཡིན་ཚེ།
དེ་ནི་བར་ཆད་ཡིན།
-དིལ་མགོན་མཁྱེན་བརྩེས།
障碍并不是妖魔给你
一些恶梦，不是这样的，
如果发现自己和佛法的距离
越来越远，这就是障碍。

—顶果钦哲法王
​