ཚུལ་ཁྲིམས་ཐར་པ་བོར་ནས་ཁང་ཁྱིམ་འཛིན། །
བདེ་སྐྱིད་ཆུ་ལ་ཕོ་མས་སྡུག་ལ་སྙེག། །
ཕུང་བྱེད་རྟོག་པའི་མགོ་ལ་ཆེམ་སེ་ཆེམ། །
དགྲ་བདག་གཤེད་མའི་སྙིང་ལ་མཱ་ར་ཡ། །

དགེ་འདུན་ཆོས་འཕེལ་ནི་ཆོས་ལུགས་པ་ཞིག་ཡིན་ལ་དད་པ་ཙམ་གཙོ་བོར་མི་བྱེད་པའི་ཆོས་ལུགས་པ་རྣམ་དཔྱོད་ཅན་ཞིག་ཀྱང་ཡིན་ཏེ། ཁོང་གི་རྒྱལ་ཁམས་རིག་པའི་བསྐོར་བའི་གཏམ་རྒྱུད་གསེར་ཐང་ལས། ཁྱེད་ཚོའི་སེམས་ལ་ངེད་དབང་རྟུལ་གཞན་གྱི་ཅི་ཟེར་ལ་དེ་མ་ཐག་ཡིད་ཆེས་མཁན་དེ་འདྲ་ཞིག་ཡིན་སྙམ་པ་མ་བྱེད། ངེད་དབང་པོ་ཡང་རྣོ་རབ་ཅིག་ཡིན། བསྟན་པའི་ཕྱོགས་སུའང་ཆོས་བཤད་པ་ལ་སློབ་མ་མ་སྙེད། དགོན་པ་འདེབས་པ་ལ་ཆ་རྐྱེན་མ་འགྲིག་པས་བྱ་བ་རླབས་ཆེན་དེ་ཚོ་བྱེད་མ་ནུས་ཏེ། ཆོས་ཀྱི་ཤ་ཚ་ཁྱེད་ཚོ་ལས་མི་ཆུང་ཙམ་ཡིན།། https://t.cn/A6tCn4m0

སེམས་གཅོང་།

ངག་ནས་ཅི་འབྱུང་ཅ་ཅོ་མང་བ་འདིས།
ཁྱེད་རང་ལ་སྡིགས་དམོད་དང་འཁང་ར་བྱེད་པ་མིན་ཞིང་།
བརྩི་བཀུར་དང་གུས་ལུགས་བོར་སོང་བ་ཡང་མ་ཡིན་པར།
འདས་སོང་གི་ཁ་བཤད་ལ་དྲན་གསོ་དང་སེམས་པའི་ཁ་དོག་གི་མདངས་ལ་བྱིལ་བྱིལ་འདོད་པས་ཡིན།
ང་ཡི་ཚིག་ཚོགས་ཀྱི་གོམ་འགྲོས་ལ་ཡིད་འཇགས་མེད་པ་ནི་ཁྱེད་ཀྱིས་སྣང་མེད་དུ་བཏང་བ་མ་ཡིན་པར།
ང་ཡི་ཐ་སྙད་ལ་ཐན་པ་བྱུང་བས་ལེན་ནམ།