今日去咗Jusco儲定D糧，禮拜日又係會員日，居然出奇少人。我望咗下，成間Jusco大概得廿零個客。

保安嚴密咗好多，所有人一定要出示健康綠碼先可以進入——不過，上兩個月開始都係要出示，之不過今日明顯更加嚴格。

我去稱西瓜，問阿姐點解今日咁少人嘅？佢話：「梗係啦，禮拜五晚已經係第一輪來掃貨啦！琴日禮拜六係第二輪，今日算第三輪了。」我本來諗著買少少嘢，同阿姐傾落，基於某個未證實原因，我又返轉頭添咗D食物，有備無患啦。

買咗生果、麵包、酸奶同肉類，聽日去另一間生鮮舖頭拿埋今日訂嘅蔬菜，就真係可以半個月唔出街了～～

荔枝品種叫「白臘荔枝」，唔知好唔好味呢？我見阿姐新鮮開箱剪枝就買咗斤；尾後見到有勁大粒嘅「荔枝王」都有猶豫換唔換好，不過冇我揀嘅白臘咁新鮮喎⋯⋯算啦，唔換啦。西瓜係黃肉嘅，好甜噶！我年年天熱都買。火龍果係國產紅肉，國產生果穩陣D.本來想買多隻榴槤噶，但係D殼好厚，細細隻已經五斤幾，而且個包唔大，咁出肉率就好低了⋯⋯成¥30/斤，性價比唔高。好多人行過想買最後都放棄，我都係其中之一。[汗][汗]

艺人敖嘉年在TVB剧《伙记办大事》中与马德钟碰头，指从前辈身上获益良多：“喺TVB咁耐同马德钟合作唔多，但就好放心去交流，大家都会睇到啲问题去谂办法解决，希望每场戏都调节到完美。”

嘉年2019年离巢转以部头形式与TVB合作，继续拍剧之馀，还挑战电影、唱歌、舞台剧，多方面发展，他说：“离开无綫系因为当时要做舞台剧，刚好合约到期，就谂不如停一停，依家转咗部头约，自由度大啲，挑战系好多嘢要自己落手落脚去做，不过都锺意呢种形式。”修读电影的他近期除了拍新片，更兼任电影幕后，希望将来也有机会一尝执导演筒。

向海嵐（Anne）同王賢誌（Vinci）日前出席剪綵儀式，「疫市」下即場公布二人成為健康產品嘅最新代言人。

Anne 跟Vinci 不時被讚凍齡有術，二人異口同聲表示心態決定狀態，保持心境樂觀開朗是秘訣之一。Anne坦言自己在保養方面下了不少功夫，更分享keep fit心得。「其實去年全年疫情影響下，自己都比之前注重健康，即使每天點懶都堅持喺屋企做30分鐘簡單運動，晚上六點後則戒食澱粉質，亦有食保健產品，畢竟有些supplement是平日飲食中吸收唔到，咁啱呢個時候因為傾代言人，自己就試食產品一段時間，就係咁一拍即合，疫情加逆市，有工作當然好感恩。」

Anne係1998年度四料香港小姐冠軍，稍後更會為今屆港姐競選擔綱導師一角。「其實詳細要做些甚麼還未知道，但自己港姐出身，眼見佢哋今年咁重視香港小姐競選，當然好開心，佢哋有呢個構思好好，自己希望以過來人身份俾貼士師妹，我應該唔算係好嚴苛嘅導師。」

對於舊作經典劇集《無頭東宮》最近又被網民追捧，成為最想重播劇，Anne大表驚喜，更估不到網民會喜歡。「都成20年作品，自己睇番當時演技真係好差，有好多改進空間，不過作為集體回憶都OK 。」

至於另一代言人王賢誌，好直接說：「我過咗五十歲就唔係秘密，keep住運動好重要，自己都好好彩，遺傳下手手腳腳都瘦，所以望上去就fit啲。」但好多人結婚後都會「幸福肥」，Vinci跟另一半Kevin 卻越愛越fit。「我哋結婚就快五年，但大家一齊生活就已經好耐，拍拖時候都試過有幸福肥問題，加上我飲食方面唔算好小心，好喜歡食煎炸及肥膩嘢，反而佢就好節制，雞皮一定唔食，做運動恆心又堅定過我，我有時太熱就推遲明天才做，他在身邊就不時鞭策我，見我食雞皮又『喝』一下阻止我，互相影響下，大家都有好多好嘅影響。」

講到幕前演出，Vinci透露將在熱播劇《逆天奇案》最後的七集亮相，並揚言所飾演的律師角色跟本身的形象截然不同；雖然有時會有戲癮，但公務繁忙的Vinci自言總不能像以往般捱更抵夜，現在拍劇只會遇到好的劇本和時間才接拍。