བཀའ་དྲིན་ཅན་གྱི་བླ་མ་ལགས།
ཁྱེད་ཀྱི་མཛད་མཐའ་མེད་པའི་ཆོས་ཁྲིད་དེ་རིང་གི་བསམ་ནས་དཀའ་སྣང་ཤར་མྱོང་མོད་ཁྱེད་ཀྱི་ལྷག་བསམ་གྱིས་གང་བའི་ཆོས་ཁྲིད་དེ་རིན་ཐང་དང་བྲལ་བ་ཡིན་པར་སྔ་མོ་ནས་ཤེས། །
ཁྱེད་ཀྱི་དྲག་ཉམས་ཅན་གྱི་གཤེ་གཤེ་དེ་རྩུབ་གི་བསམ་ནས་སྐྲག་སྣང་སྐྱེས་མྱོང་མོད་ཁྱེད་ཀྱི་བསམ་བཟང་ལས་བབས་པའི་གཤེ་གཤེ་དག་བསླབ་བྱ་ཡིན་པར་སྔ་མོ་ནས་མྱོང་། །

ཁྱེད་ཀྱིས་དམ་འཛིན་བྱས་པའི་ལོ་ཟླ་དག་དཀའ་གི་དྲན་ནས་སུན་སྣང་ཤར་མྱོང་མོད་ཁྱེད་ཀྱི་བརྩེ་བ་ལས་འཁྲུངས་པའི་དམ་འཛིན་དག་སྒེར་དོན་མེད་པར་སྔ་མོ་ནས་གོ །
ཁྱེད་ཀྱི་ངོ་བསྟོད་མི་ཤེས་པའི་སྒེར་ཚུགས་དེ་གྱོང་གི་བསམ་ནས་འཁར་ར་བྱེད་མྱོང་མོད་ཁྱེད་ཀྱི་ཤེས་རབ་ལས་དྲངས་བའི་སྒེར་ཚུགས་དེ་ཡོན་ཏན་གྱི་མཆོག་ཅིག་ཡིན་པར་སྔ་མོ་ནས་ཚོར། །
ཁྱེད་དང་གྱེས་ནས་ཟླ་བ་ཁ་ཤས་ཤིག་འགོར་སོང་། དེ་རིང་ཁྱེད་ཉིད་ལྷག་ཏུ་དྲན།

ཁྱེད་ཀྱིས་གནང་བའི་ཐུགས་ཁུར་དང་བསླབ་བྱ། ལམ་སྟོན་དང་གཤེ་གཤེ་སོགས་ཡོད་ཚད་ནས་ཡོད་ཚད་ལ་ཐུགས་རྗེ་ཆེ་ཡང་ཡང་ཞུ།

ཁྱེད་ཀྱི་མཛད་འཕྲིན་ཡར་ངོའི་ཟླ་ལྟར་འཕེལ་བར་སྨོན་སྨོན་སྨོན།

དཀོན་མཆོག་གསུམ་གྱིས་ཁ་འཛིན་དང་མགོན་སྐྱོབས་མཛོད།

རང་ངོ་འཕྲོད་ནས་སེམས་ངོ་ཤེས་པ་དང་སྣང་བ་དཔེ་རུ་སོང་བའི་གདམས་པ་མིན་ནའང་། པཎ་གྲུབ་གྱི་གླེག་བམ་བཀླགས་ནས་ཡིག་འབྲུའི་ངོ་གདོང་ལ་ཅེར་བཞིན་ཤོག་ལྷེབ་ཀྱི་ཉིན་སྲིབ་ལ་འཚོ་བས་བདག་གིས་ཐོལ་བྱུང་དུ་སྣང་ངོར་འཆར་བ་དག་ཤར་མར་བྲིས་པ་ལགས་དགེའོ། མངྒལཾ།

དུས་གསུམ་ཕྱོགས་བཅུར་བཞུགས་པའི་བླ་མ་དང་། །
རིན་ཆེན་མཆོག་གསུམ་ཕྱག་འོས་ཐམས་ཅད་ལ། །
དད་ཅིང་མོས་པའི་བསྟོད་དབྱངས་རྒྱ་མཚོར་བཅས། །
ཞིང་རྡུལ་མཉམ་པའི་ལུས་སྤྲུལ་ཕྱག་འཚལ་ལོ། །

དཔལ་ལྡན་བླ་མའི་ཐུགས་དགོངས་རྫོགས་པདང་།།
མཁའ་མཉམ་ཡོངས་ལ་བདེ་སྐྱིད་འབྱུང་དང་།།
བདག་གཞན་མ་ལུས་ཚོགས་བསགས་སྒྲིབ་བྱང་ནས།།
མྱུར་དུ་སངས་རྒྱས་ཐོབ་པར་བྱིན་གྱིས་རླབས།།

十方三世安住无上师,
最胜三宝一切正皈敬,
信力胜解赞韵大海具,
化身量等剎尘恭敬礼。

纪念尊贵的爷爷