#有天-陈柏宇[音乐]#
今日终于好天返少少
咁啱着咗一样嘅蓝色衫
觉得自己同个天一样蓝
系开心個种蓝 唔系e嘅蓝

其实每日都系度等天晴
到今日发觉 我开始每日都等到少少我想要嘅天晴

我一直好担心嘅一样嘢系 惊有一日我只眼会无光
我今晚影相发觉我只眼好差 可能系太攰
我就谂 死啦 究竟系攰还是真系就咁了
以前有人同我讲过睇到我眼神入边系有光
我自己都一直有察觉
我甚至会将佢当成系一个衡量标准
去检验自己对个世界有无麻木

我唔知咁嘅方法啱唔啱
但系我宜家追求嘅一个目标系
唔好好似一个AI咁生活
虽然每日嘅生活就系返工了放工了
但系我想要每日都唔止系咁样咁程序化
我无嘢做嘅话 我就思考
思考個啲真正对我有意义嘅嘢
而唔系胡思乱想钻牛角尖
慢慢我就发觉好多嘢都通晒

今日我又搞唔明一个概念個时
我真系好想去搞明白
有人同我讲「你咁纠结做乜，咪就系点点点咯」
個一刻我觉得怯 亦唔知讲咩好
但系后尾另一个人同我讲「其实好少会有人好似你咁，真系可以平心静气咁去讨论一样嘢，即使有人会觉得個啲嘢好可笑」
依句真系又可以列入我最钟意嘅comment之一
因为我觉得系我认知外嘅嘢太多了
我又好好奇好愿意去了解
所以我真系一个好好好钟钟意同人吹水嘅人

即使好多时候都话唔会太在意人地嘅目光
但系始终有时会因为咁嘅问题而自卑恐惧
我问「你会唔会有时觉得你讲嘅嘢其他人会觉得唔理解甚至觉得好可笑？」
人地个回答我好钟意「我唔会觉得自己讲嘅嘢好可笑，我会觉得個个人好可笑。点解我要在意人地点睇我呢，咁点解佢哋又唔在意我点睇佢呢？」

擁有D Cup上圍兼長腿的29歲陳嘉桓（Rose）幕前產量唔多，因為她已由演員「踩過界」成為大腦皮紋分析師，之前仲以導師身份參與兩班學員的畢業禮。Rose更學以致用變身「愛情顧問」幫朋友解決疑難，單身的她享受宅女生活，再冇關注過氣緋聞男友黃宗澤的動態，坦言IG已Unfollow他。採訪：方騫平 頭髮化妝：Makeupbysueey

3年前，陳嘉桓只是皮紋分析「小師妹」，完全冇諗過會做到小師傅：「家識朋友先睇佢隻手指，對方應該會好高興。我成日話，新相識未必咁快會表露個人性格，睇完佢皮紋嘅設定，會知道用乜方式同佢溝通，都試過因為咁避開啲追求者，都幾有趣。」

以狗種比喻同黃宗澤唔啱KEY
因為3年疫情，加上工作轉型，完全改變了Rose貪玩性格：「家戒咗酒，少咗同朋友聚會，多咗時間留喺屋企煮吓飯，陪伴家人及小狗，簡簡單單又一日，真係唔想再浪費時間(飲飲食食)，而且人生中除咗拍拖仲有好多嘢。」她又表示家先知道自己需要乜嘢生活模式，已踼走所有負能量的朋友，社交網追蹤的朋友愈嚟愈少，更承認IG冇再Follow黃宗澤（Bosco），仲話：「佢啲嘢唔係特別好睇，我比較鍾意睇狗仔及煮食！」記者指Bosco都係狗癡，點知Rose卻耍手擰頭說唔啱：「但狗種唔同，我養迷你貴婦，呢啲寵物類型模式比較簡單；佢養唐狗，大狗應該係活動型，性格比較外向，需要散步同行山。」至於點形容同Bosco關係？她說：「我係有佢電話號碼嘅朋友，但唔會聯絡佢，不過又唔使block咗人哋電話號碼嘅！」

【On.cc】蕭正楠區永權伊館開騷　「Hea」住拍演唱會海報

音樂人伍仲衡宣布將於明年1月6日聯同蕭正楠和區永權假灣仔伊利沙伯體育館舉行演唱會，3子日前為演唱會拍攝海報時大放笑彈，揚言很欣賞演唱會海報型到如影時裝雜誌一樣，他們如睡佛般側躺在地上，完全配合主題夠晒Hea。3子解釋點解：「組合嘅演唱會個名都好型，又會用英文名，諗來諗去都冇一個好型嘅英文名襯到我哋。結果，諗到……Harry（伍仲衡）、Edwin（蕭正楠）和Albert（區永權），就變咗HEA喇。」

3子還不忘互窒，場面搞笑，以歌手身份入行的蕭正楠回憶當初的唱歌生涯就在灣仔伊利沙伯體育館開始：「2001年參加唱歌比賽就在伊館攞到冠軍啫，當時唱陳奕迅《傷信》。」又表示當時有幾千人參賽，區永權提議蕭正楠演唱會再唱，作為《中年好聲音》評判的伍仲衡就笑言：『畀紅燈你！』區永權笑指伍仲衡是殺手。

伍仲衡認真表示當時是靠區永權而認識蕭正楠：「佢哋上過我Studio玩過一次Live，一拍即合，大家好多火花，一齊開Live唱歌都好多人睇。」區永權即連環炮發笑問伍仲衡：「好多人都上過你Live，但都冇一拍即合咩？係咪嗰啲人冇火花？其他上過你Live嘅歌手，完全睇唔上眼？」伍仲衡輕鬆接招：「因為嗰啲太貴，你哋就……講心唔講金！」區永權笑罵對方：「嘩！你個賤人呀！哈哈！我知今次酬勞近乎零，原來畀你啲咁嘅人吸晒。」為了是次演唱會，伍仲衡自爆會創作一首好好玩的3人合唱歌，區永權即時乘機催對方交歌，「等你咋，快啲！」

今次演唱會，撞正是好是蕭正楠出道20年，他開心表示：「啱啱叫出道20年，有一個自己音樂會，同歌迷可以有一個好好交代。」區永權讓對方索性將此演唱會叫做《2023蕭正楠演唱會》，區永權擔任和音，伍仲衡負責彈琴。

蕭正楠與區永權為今次演唱會笑言要一齊增肥，並指住伍仲衡肚腩：「大家明啦！咁樣Balance番啲吖嘛。」伍仲衡即回應：「你（指蕭正楠）千祈唔好呀，增肥唔係個個都好睇。你增肥之後，應該冇晒劇拍，要肥但都要有人鍾意，係功夫嚟架，需要培訓至做到，呢啲叫大隻。」

蕭正楠

伍仲衡

區永權

齊齊開騷！

#萧正楠[超话]#