དྲན་པ་ནམ་མཁའ་ཡངས་པའི་མུ་མཐའ་རུ།།
སྣང་བརྙན་ཡང་ཡང་འཁོར་བའི་རྣམ་འགྱུར་དེས།།
མི་ཚེ་མཛེས་པའི་དོན་སྙིང་རྣལ་མར་བསྟན།།
འཕྱན་པར་བརྗེད་ཐབས་མེད་དོ་རང་བྱུང་ཁམས།།⛅️

དེང་ནས་བཟུང་སྟེ་རང་ཅག་སྟོན་འཁོར་གྱི་ཚོགས་རྣམས།།
རབ་འབྱམས་ལུས་ཀུན་གཅིག་འདུས་ངོ་མཚར་གྱི་མཛད་བཟང་།།
སྣང་སེམས་དབང་དུ་སྡུད་པའི་ཐབས་མཁས་ལ་བརྟེན་ནས།།
འགྲོ་ཀུན་བདེ་ཆེན་ས་ལ་འགོད་ཐབས་དེ་སྙིང་གཏམ།།

སྙན་གཞུང་མེ་ལོང་མའི་རྒྱན་གྱི་རྣམ་བཞག་དང་བཙན་པོའི་སྐབས་ཀྱི་མགུར་མའི་རྩོམ་རིག་གཉིས་གཤིན་སའི་ས་ཆུ་དྲོད་གསུམ་མི་གཅིག་པའི་དབང་གིས་རིག་གནས་ཀྱི་ལྟ་གྲུབ་དང་མཆེད་ཁོངས་མི་འདྲ་བ་རེ་རེ་ངོས་འཛིན་ཡོད་པ་ལས་རྩ་བའི་སྒྲིག་རིམ་དང་ཉམས་དང་འགྱུར་བའི་འགྲོས་ལ་མི་མཐུན་མེད། འོན་ཀྱང་མགུར་མའི་རྩོམ་སྟངས་གི་ཚད་གཞི་ནི་མེ་ལོང་མ་འཛིན་པ་ནོར་འཁྲུལ་ཞིག་ཡིན་པས་མི་རུང་། དེ་བཞིན་གེ་སར་རྒྱལ་པོའི་སྒྲུང་ལས་ཐོན་པའི་དམངས་རྩོམ་ཡང་མེ་ལོང་མའི་རྒྱན་གྱི་འགྲོས་བཞིན་ཡོད་པ་ཤིན་ཏུ་མང་། དེ་དག་ནི་སྤུར་རྒྱལ་བཙན་པོའི་དུས་སྐབས་དང་སིལ་བའི་དུས། མེ་ལོང་མ་བོད་འགྱུར་མ་བྱས་གོང་གི་གདོད་མའི་ངག་ཐོག་གི་རྩོམ་རིག་ཁྱད་པར་ཅན་ཞིག་ཡིན་ལ། རྩོམ་རིག་དང་མིའི་བློ་གྲོས་བར་གྱི་སྔོན་ལས་ཀྱི་འབྲེལ་བ་ཡིན་སྙམ། [咖啡][咖啡][咖啡]