བོད་ཀྱི་བུད་མེད་ཤེས་འཇོན་གཉིས་ལྡན་བུ་ཁྲིད་ལགས་དཀར་པོ་ཆེ་མཆོག ཁེ་ན་ཌ་རྒྱལ་ཁབ་ཀྱི་མངའ་སྡེ་ཆེ་ཤོས་ཨང་གཉིས་པ་ས་ཁྱོན་སྤྱི་ལེ་གྲུ་བཞི་མ་(square kilometres)ས་ཡ་༡ ལྷག་དང་། མི་འབོར་ས་ཡ་༡༥ ལྷག་ཡོད་པའི་ཨོན་ཁྲོ་རིའོ་མངའ་སྡེའི་(Ontario Legislature)གྲོས་ཚོགས་སུ་འཐུས་མི་གྲངས་༡༢༤ ཡོད་པའི་ནང་ནས་ཚོགས་གཞོན་དུ་འདེམས་ཐོན་བྱུང་བར་སྙིང་ནས་དགའ་བསུ་དང་བཀྲིས་བདེ་ལེགས་གྲངས་མེད་ཞུ། བོད་མི་ཞིག་རང་ཉིད་ཀྱི་འཇོན་ཐང་དང་ནུས་པ་ལ་བརྟེན་ནས་འདི་ལྟ་བུའི་མཚན་གནས་དང་མཛད་འགན་བཞེས་ཐུབ་པ་ནི། བོད་དང་བོད་མིའི་ནང་ནས་དང་པོ་རེད་ལ། འདི་ལ་འཇོན་ཐང་དང་ནུས་པ་ཟེར། ཁོང་ནི་བོད་དང་བོད་མིའི་གཟི་བརྗིད་རེད།

དགྲ་བླའི་རྒྱལ་པོ་གེ་སར་གྱི་གསོལ་བསྡུས་བཞུགས་སོ། །

ཀྱེ།
སྔོན་ཚེ་པད་མའི་ཕྲིན་ལས་ཕོ་ཉ་བ། །
དཀར་ཕྱོགས་དབུ་འཕང་བསྟོད་ལ་དགྲ་བླ་ཆེ། །
ནག་ཕྱོགས་བདུད་རིགས་འདུལ་ལ་མཐུ་སྟོབས་ཅན། །
འཛམ་གླིང་གེ་སར་རྒྱལ་པོ་བསང་ངོ་མཆོད། །
ཕྱི་ནང་གསང་བའི་མཆོད་པའི་རིགས་བྱེད་ཚོགས། །
མ་ཚང་མེད་པར་འབུལ་ལོ་དགྱེས་པར་བཞེས། །
ཡིད་ལ་བསམ་པའི་འདོད་དོན་མ་ལུས་པ། །
འབད་མེད་ལྷུན་གྲུབ་ཕྱོགས་ལས་རྣམ་རྒྱལ་མཛོད། །
ཅེས་པ་འདི་སྔགས་མིང་འཛིན་པ་འཇམ་དབྱངས་རྡོ་རྗེས་དགེ་བྱེད་ཆུ་སྟག་ལོའི་སྟོན་ཟླ་ར་བའི་ཚེས་༡༨ཉིན་བྲིས་པའོ། །མངྒ་ལཾ།།

གྲོགས་པོ་ཞིག་ལ།

སེམས་ཀྱིས་ཚོད་བསྒམ་བྱས་པའི་བྱ་ལས་ཀུན།།
མཆོག་དང་ཕུལ་དུ་རིགས་པར་འདོད་པ་ནི།།
སྣང་ཚུལ་གནས་ཚུལ་ཐ་དད་ཡིན་ནོ་ཞེས།།
གནའ་བོའི་ལེགས་བཤད་འདི་ཀོ་སྙིང་ལ་ཆོངས།།

གཙང་བོའི་བཞུར་རྒྱུན་ཁ་རྩང་ག་འདྲ་འདུག།
སེམས་ཀྱི་ཚོར་རླབས་དེ་རིང་ཇི་འདྲ་དུག།
གནམ་ས་གཉིས་ཀྱི་མཛེས་པ་ཡོད་དོ་ཅོག།
གཅིག་ཏུ་འདུས་པ་ལྟ་བུ་ཚོར་བྱུང་ངམ།།

རང་བྱུང་ཁམས་ཀྱིས་བསིལ་བ་སྦྱིན་བྱུང་ངམ།།
གཞས་ཡས་ཁང་ནས་ཚ་བ་འཕར་བྱུང་ངམ།།
དྲན་པའི་རྟེན་ཞིག་དེ་ནས་ལྷག་བྱུང་ངམ།།
རྩ་ཕྲན་ལྷོད་ལྷོད་འདྲ་ཞིག་ཆགས་བྱུང་ངམ།།

ང་ཅག་བཙན་གྱིས་བྱོལ་བའི་ཡུལ་གྱར་བ།།
ཞལ་གྱི་འཛུམ་པ་གྲོལ་བ་རེ་གཉིས་ཙམ།།
ལུས་སེམས་སྡུག་གིས་མནར་བའི་མཆི་མ་དག།
རེ་ཞིག་ལྐོག་མིད་བྱོས་ལ་ངལ་གསོ་མཛོད།། https://t.cn/RqUdkM5