࿑མུ་མེད་ཁམས་གསུམ་འཁོར་བའི་བཙོན་ར་ནས།།
ལས་ཀྱི་ཐ་གུས་རྣམ་ཤེས་འགའ་ཞིག་ནི།།
ལྷན་དུ་སྦྲེལ་ཏེ་ཡུལ་ལུང་འདི་ཉིད་དུ།།
སྐྱེ་འཕྲེང་གཅིག་ནི་འདི་ལྟར་རྫོགས་དགོས་བྱུང་།།

བྱིས་པའི་དུས་ནས་མགོ་ཟླུམ་ཚུལ་བཟུང་སྟེ།།
བགྲང་བྱ་བཅུ་ཕྲག་ལྷག་ཅིག་འདས་ན་འང་།།
གཉེན་གྱི་ཕྱོགས་ལ་ཆགས་ཞེན་མཚོ་ལས་ཀྱང་།།
ཟབ་པའི་གཏམ་འདི་ད་དུང་ངག་ནས་ཐལ།།

འདི་ལྟར་འདོད་པའི་དྲ་བའི་སྦུབས་སུ་ལ།།
ཚུད་པར་བརྟག་ན་འཁོར་བའི་གཏིང་རྡོ་ནི།།
ང་ལས་ལྷག་ཅིག་མེད་པར་ཅིས་མི་རྟོགས།།
སྐྱེ་འཆིའི་གནས་མལ་འདི་ནས་བཟློག་ཐབས་བྲལ།། ༢༠༢༢\ ཧོར་ ༡\ ༡༤\ ཉིན་རྨ་པྲཛྙཱ་ནས། https://t.cn/R2WxDvV

࿑ ཕྱོགས་སོ་སོ་རུ་བཞུགས་པའི་ཀློག་པ་བོ་ཡོངས་ལ་ཆེད་ཞུ། དེ་རིང་ནས་བཟུང་ངེད«རང་གྲོལ་དཔེ་ཁང»གི་སྒོ་ཕྱེས་ཡོད་ལ། སང་ཉིན་ནས་དུས་ལྟར་ཕྱོགས་སོ་སོར་དཔེ་ཆའང་བསྐུར་ཐུབ། དེ་བས་ལོ་གསར་བ་འདིའི་ནང་དུ་ཀློག་པ་བོ་ཡོངས་ཀྱིས་ངེད་དཔེ་ཁང་ལ་རྒྱབ་སྐྱོར་དང་ཐུགས་ཁུར་ཡོད་པར་ཞུ་ཞེས་རེབ་གོང་རིག་པ་འབྱུང་བའི་གྲོང་ཁྱེར་ནས་«རང་གྲོལ་དཔེ་ཁང»གི་འགན་འཛིན་པས་གུས་པ་དང་བཅས་ཏེ་བརྡ་འདི་སྤེལ་བའོ། ། བཀྲ་ཤིས་བདེ་ལེགས། https://t.cn/z8yMKma

࿑ཆོས་ཞེས་པ་ནི་གཞན་ལ་མགོ་སྐོར་གཏོང་བའི་གོ་སྐབས་སླེབས་
སྐབས་མགོ་སྐོར་མི་གཏོང་བ། རྒྱག་རེས་རྒྱག་རྒྱུའི་ཉེན་ཁ་སླེབས་
སྐབས་རྒྱག་རེས་མི་རྒྱག་པ། མི་ལ་གནག་སེམས་བྱེད་པའི་གོ་སྐབས་བྱུང་དུས་གནག་སེམས་མི་བྱེད་པ་སོགས་ནི་ཆོས་བྱས་པ་ཡིན་པ་ལས། མཆོད་ཁང་ནང་ཆོས་བྱེད་ཀྱི་ཡོད་ཅེས་མིག་བཙུམས་ནས་ཁ་བཏོན་འདོན་པ་དང་། སྔགས་བགྲང་བ། སྒོམ་རྒྱག་པ་ལྟ་བུ་བྱས་ཀྱང་། མི་ཚེ་སྐྱེལ་སྐབས་ཆགས་སྡང་གི་གཞན་དབང་དུ་ཕྱིན་ན་དེ་ནི་ཆོས་བྱས་པ་ཞིག་ག་ལ་ཡིན། དཔེར་ན། སྨན་ནི་ན་བའི་སྐབས་སུ་སྨན་ཟ་དགོས་པ་ལས་གཟུགས་གཞི་བདེ་ཐང་ཡིན་པའི་སྐབས་སུ་ཟ་དགོས་དོན་མེད། དེ་བཞིན་ཆོས་ཞེས་པ་དེའང་ཕྱི་ནང་གི་ཡུལ་རྐྱེན་འཕྲད་པའི་སྒོ་ནས་ཉོན་མོངས་མངོན་དུ་གྱུར་ནས་ཆགས་སྡང་གི་ལས་གསོག་པའི་མཚམས་སུ་སླེབས་སྐབས་དེ་ལྟར་མི་རུང་བསམ་པའི་དྲན་ཤེས་ཀྱིས་ཟིན་པ་བྱས་ཏེ་སྡོམ་དགོས་པ་ཡིན།། 
——༧ལྷ་མིའི་རྣམ་འདྲེན་མཆོག་གིས། https://t.cn/R2Wx1ZL