我家崽,真系超抵锡兼通人性果种~话说下午喂佢两个,今日开左包妙鲜包加落猫粮度,叫佢两个慢慢食,我上二楼拎个纸箱落来,稳好纸箱,准备行落楼梯,见佢企住响梯口担高头望住我,眼神传递的信息是叫我小心d行落来,我话,知了,妈咪依家拎纸箱行落来,你行开d哈,佢就企定定响度望住我无郁,我慢慢一级级行落来,行到倒数第二级佢先行开,依然唔急住去食猫粮,离我大概米半距离望住,等我行落来到地面先再去食野,我行过去,摸下佢个头,又摸下佢耳仔,话,真乖仔~你话,点得我唔锡佢吖,真系猫比人仲知我心意……
我釣魚的路(57)
我美孚有位好釣友叫發燒陳,佢介紹咗佢老細我識,老細新買咗隻美國遊艇就叫我一齊出塔門釣,我堅持要坐阿松艇而吾坐佢隻豪華遊艇出,佢冇計唯有佢地坐遊艇從西貢匡湖居出系塔門獨牛大排同我從塔門坐阿松出隻快艇仔匯合,系獨牛大排匯合佢地時我打咗突,塔門快艇係P牌只限4人,佢地嚟咗三人,加上我同阿松就5個人超載,不過隨時可以走返一個上遊艇就算啦!
坐好晒人就殺到獨牛大排開波,一落繩就有魚咬!石頭滑!你扯我扯!冇停!好快就十幾二十斤,突然老細中條大野起吾到頭,問佢幾磅絲,佢話12磅,咩話?12磅都起吾到頭咪好大?係釣技渣定魚真係大呀?佢放咗幾手就斷咗!我不以為意,心諗你太渣啦!又釣!又係石滑!老細個老頭又大叫起吾到頭!吾係啩?掛底瓦?見綫系佢手上係咁出冇停,斜晒繩喎!真係魚!出出下又斷!暈!㸃解吾食我囗餌呀?吾通我用半隻蝦D大野吾食?妖!馬上鈎隻大生蝦落,頂!又係滑仔食!揚開你!一揚就大大力特埋嚟!跟住責行底實晒!領都吾使領就出力抽佢,中!中底?郁都吾郁?我用力隊下佢,郁啦!而且郁得好快添,佢係咁標!滴都滴吾緊!真係有怪物系下面搞搞震,我雙手扣絲嘗試落手制剎停佢,吾得!又俾佢行咗十幾米繩,阿松立即著機追,好快就追到企頭,我就快手收咗七八手,到企頭魚又向前標,又追!我自問都發揮到條8磅絲盡都係只有放綫嘅份,冇計!只有同佢挨時間啦!不過我時刻都保持六七磅力頂佢,等佢快D冇力,就係咁樣我同魚僵持咗十幾分鐘,收收放放頂頂!佢一直都磨住底行但係又冇過石,我估計佢都係白魚,係班都埋咗排啦!又過幾分鐘魚開始擰頭,一擰頭即係冇力俾我拉側佢個頭打扁你就死啦!我嘗試加D力隊下佢,上喎!上到就吾客氣扯快D啦!連俾我隊到四五手,又發我圍!你惡我咪俾D你囉!又出咗兩手!好啦!出兩手拉四手好快就扯到你上嚟,出二上四,出二上四!到啦到啦!真係一條長長嘅白魚呀!再上四手到艇,14斤大青鱸!好野!同大家報咗牛!
未完待續
我美孚有位好釣友叫發燒陳,佢介紹咗佢老細我識,老細新買咗隻美國遊艇就叫我一齊出塔門釣,我堅持要坐阿松艇而吾坐佢隻豪華遊艇出,佢冇計唯有佢地坐遊艇從西貢匡湖居出系塔門獨牛大排同我從塔門坐阿松出隻快艇仔匯合,系獨牛大排匯合佢地時我打咗突,塔門快艇係P牌只限4人,佢地嚟咗三人,加上我同阿松就5個人超載,不過隨時可以走返一個上遊艇就算啦!
坐好晒人就殺到獨牛大排開波,一落繩就有魚咬!石頭滑!你扯我扯!冇停!好快就十幾二十斤,突然老細中條大野起吾到頭,問佢幾磅絲,佢話12磅,咩話?12磅都起吾到頭咪好大?係釣技渣定魚真係大呀?佢放咗幾手就斷咗!我不以為意,心諗你太渣啦!又釣!又係石滑!老細個老頭又大叫起吾到頭!吾係啩?掛底瓦?見綫系佢手上係咁出冇停,斜晒繩喎!真係魚!出出下又斷!暈!㸃解吾食我囗餌呀?吾通我用半隻蝦D大野吾食?妖!馬上鈎隻大生蝦落,頂!又係滑仔食!揚開你!一揚就大大力特埋嚟!跟住責行底實晒!領都吾使領就出力抽佢,中!中底?郁都吾郁?我用力隊下佢,郁啦!而且郁得好快添,佢係咁標!滴都滴吾緊!真係有怪物系下面搞搞震,我雙手扣絲嘗試落手制剎停佢,吾得!又俾佢行咗十幾米繩,阿松立即著機追,好快就追到企頭,我就快手收咗七八手,到企頭魚又向前標,又追!我自問都發揮到條8磅絲盡都係只有放綫嘅份,冇計!只有同佢挨時間啦!不過我時刻都保持六七磅力頂佢,等佢快D冇力,就係咁樣我同魚僵持咗十幾分鐘,收收放放頂頂!佢一直都磨住底行但係又冇過石,我估計佢都係白魚,係班都埋咗排啦!又過幾分鐘魚開始擰頭,一擰頭即係冇力俾我拉側佢個頭打扁你就死啦!我嘗試加D力隊下佢,上喎!上到就吾客氣扯快D啦!連俾我隊到四五手,又發我圍!你惡我咪俾D你囉!又出咗兩手!好啦!出兩手拉四手好快就扯到你上嚟,出二上四,出二上四!到啦到啦!真係一條長長嘅白魚呀!再上四手到艇,14斤大青鱸!好野!同大家報咗牛!
未完待續
我釣魚的路(56)
由於自己手感較好釣手絲都尚算合格,扯魚兇狠係我風格,控魚自成一套,早期絕少甩魚斷魚,偶有甩斷都成晚瞓吾著,一晚都反省自己衰咗咩!亦會做筆記寫低流水快慢,釣點,季節月份,陰天晴天,風向,用餌等等!
今集我想講講好多人識嘅西貢名艇家妹宜,記得當年剛做船家冇幾耐,有晚送我釣夜水,釣㸃係長嘴寨邊,到位冇耐就釣到雞魚,我有一要好釣友揸企頭絲鈎蝦腰冇食過一囗,佢隻蝦吾大,一枝煙咁長,真係冇可能冇雞魚騷擾ga喎!釣魚有時真係冇得解釋,運氣吧!釣咗個幾鐘十幾條雞魚都冇其他怪獸(當年西貢夜水成日斷),妹宜主動轉位,車到飯震離山大約十零呎作釣,一放落去又係雞魚,仲要除咗揸企頭絲嘅釣友之外個個起魚,爽啦!我釣友最終都係向現實低頭換釣組,佢就收起副20磅企頭綫,咁我就話俾我揸下吾好浪費咗隻蝦啦(其實隻蝦都死咗9年),佢就將副繩俾咗我,我接過綫就放,到底!拎返起一潯!我一拎起下面就隊,大力一抽!嘩!好重!吾係!係好鬼死重!憑手感肯定條怪獸超過10斤!佢標埋寨邊,我死頂佢返出嚟!頂到佢翻頭佢又標出頭,走得咁勁吾通係十斤八斤大紅油?吾理啦!總之拉得郁就快拉,拉吾郁就頂,釣㸃只幾米水魚肯定惡啦!佢左標右標,我又頂又隊又放,佢真係幾好力,但係㸃好力都要同你死過架!幾位釣友都側晒一邊艇睇下條魚到水未,妹宜就揸定撈基,有一位釣友就開電筒照海等妹宜容易兜魚D,開始見到魚影啦!不過一見到小小佢又發惡走返落去,我當然出力頂住吾俾佢落啦!又俾我頂返佢上嚟!見啦見啦!大呀大呀!吾係我估計嘅大紅油呀!係係係。。。。。班呀!妹宜見魚就一撈基兜頭插落去,哎呀!兜吾到!我馬上叫妹宜吾使急等我帶條魚向撈基先兜,因為綫幼用吾到咁大力頂條魚佢上到嚟都仲有吾少力,兜佢吾到又俾佢走咗幾下,上啦!我帶魚頭俾妹宜,今次順利多啦!一兜搞掂!睇下條魚,青班啩!嘻!冇人識!後期問人先知道係稀有品種。。。。。花鬼班!一條死蝦仔20磅起嘅28斤花鬼班!釣友話佢揸成日都冇囗你一揸就食埋嚟,真係好運
由於自己手感較好釣手絲都尚算合格,扯魚兇狠係我風格,控魚自成一套,早期絕少甩魚斷魚,偶有甩斷都成晚瞓吾著,一晚都反省自己衰咗咩!亦會做筆記寫低流水快慢,釣點,季節月份,陰天晴天,風向,用餌等等!
今集我想講講好多人識嘅西貢名艇家妹宜,記得當年剛做船家冇幾耐,有晚送我釣夜水,釣㸃係長嘴寨邊,到位冇耐就釣到雞魚,我有一要好釣友揸企頭絲鈎蝦腰冇食過一囗,佢隻蝦吾大,一枝煙咁長,真係冇可能冇雞魚騷擾ga喎!釣魚有時真係冇得解釋,運氣吧!釣咗個幾鐘十幾條雞魚都冇其他怪獸(當年西貢夜水成日斷),妹宜主動轉位,車到飯震離山大約十零呎作釣,一放落去又係雞魚,仲要除咗揸企頭絲嘅釣友之外個個起魚,爽啦!我釣友最終都係向現實低頭換釣組,佢就收起副20磅企頭綫,咁我就話俾我揸下吾好浪費咗隻蝦啦(其實隻蝦都死咗9年),佢就將副繩俾咗我,我接過綫就放,到底!拎返起一潯!我一拎起下面就隊,大力一抽!嘩!好重!吾係!係好鬼死重!憑手感肯定條怪獸超過10斤!佢標埋寨邊,我死頂佢返出嚟!頂到佢翻頭佢又標出頭,走得咁勁吾通係十斤八斤大紅油?吾理啦!總之拉得郁就快拉,拉吾郁就頂,釣㸃只幾米水魚肯定惡啦!佢左標右標,我又頂又隊又放,佢真係幾好力,但係㸃好力都要同你死過架!幾位釣友都側晒一邊艇睇下條魚到水未,妹宜就揸定撈基,有一位釣友就開電筒照海等妹宜容易兜魚D,開始見到魚影啦!不過一見到小小佢又發惡走返落去,我當然出力頂住吾俾佢落啦!又俾我頂返佢上嚟!見啦見啦!大呀大呀!吾係我估計嘅大紅油呀!係係係。。。。。班呀!妹宜見魚就一撈基兜頭插落去,哎呀!兜吾到!我馬上叫妹宜吾使急等我帶條魚向撈基先兜,因為綫幼用吾到咁大力頂條魚佢上到嚟都仲有吾少力,兜佢吾到又俾佢走咗幾下,上啦!我帶魚頭俾妹宜,今次順利多啦!一兜搞掂!睇下條魚,青班啩!嘻!冇人識!後期問人先知道係稀有品種。。。。。花鬼班!一條死蝦仔20磅起嘅28斤花鬼班!釣友話佢揸成日都冇囗你一揸就食埋嚟,真係好運
✋热门推荐