༼འཇིག་རྟེན་བསྐྱར་བརྟགས༽ལས་ཁཱན་ཐྲིའི་བོད་འབྲེལ་ལྟ་གྲུབ་དང་གླིང་དུམ་གྱེས་གྱེད་རིག་པའི་བོད་ཀྱི་ཁམས་འཚོལ་ཞིབ་བར་བལྟས། ད་ལྟ་དྲན་ཚུལ་ཞིག་བདོག་པ་ནི་རྭ་སེ་དཀོན་རྒྱམ་གྱི་སྐད་ཆ་དེ་ཆེས་དྲང་མོར་འདུག་ཅིང་། ཚངས་དབང་ལགས་ཀྱི་བསྟོད་པ་དེ་ཅུང་ཙམ་ཐལ་ཆེ་བར་མཐོང་། གཏམ་རྒྱུད་གསེར་ཐང་ལ་ཚིག་ཁོ་ནས་ཀྱང་འགྲན་ཡ་ཡེ་ནས་མེད་དོ། གཞན་ༀ་འབར་ལགས་ཀྱི་སྐད་ཆ་དེ་ཡང་བསམ་པ་བཟང་པོའི་རྟགས་སུ་འདུག དེ་མིན་ཤེས་ཡོན་པ་དག་གི་སྐད་ཆ་ལ་ཡང་ཆ་བཞག་བྱེད་ཐབས་མེད་དེ། སྐབས་རེར་རང་གི་སྒེར་དོན་བརྩམས་ཆོས་ཀྱི་སྟེང་ལ་བཞག་ནས་ལབ་པར་བྱེད། བདག་རང་རེའི་ད་ལྟའི་ཤེས་ཡོན་པ་དག་ལ་རྒྱུས་ཆེས་བས་ཁོ་ཚོས་ཅི་བཤད་ཅི་བྲིས་ངའི་འཚར་ལོངས་ཀྱི་ལོ་ཟླར་འགྲོགས་ཡོད། ད་ཐེངས་དགུ་སྤུན་ལགས་ཀྱིས་དཀའ་ལས་རྒྱབ་ཡོད་ཤག་རེད། གང་ལྟར་དབྱངས་གསལ་སོ་བཞིའི་འཕྲེང་བར་བརྒྱུས་བའི་དེབ་རྒན་འདི་ཡང་ང་དང་ང་འདྲ་བ་རྣམས་ཀྱིས་བཀླགས་པར་འོས་སོ།།
࿑ མདོ་ཁམས་ས་ངན་བསོ་བའི་མཁས་པ་ཀཿ ཐོག་རིག་འཛིན་ཚེ་དབང་ནོར་བུ༡༦༩༨-༡༧༥༥ལགས་ཀྱི་བཀའ་འབུམ་ལས་རྒྱ་ནག་ཧྭ་ཤང་གི་བྱུང་ཚུལ་གྲུབ་མཐའི་ཕྱོགས་སྔ་བཅས་ས་བོན་ཙམ་སྨོས་པ་ཡིད་ཀྱི་དྲི་མ་དག་བྱེད་དགེ་བའི་ཆུ་རྒྱུན་བྱ་བ་ལས༼འོན་ཀྱང་བོད་ཡུལ་འདི་ན་མཁས་རྨོངས་ཕལ།། ཕྱོགས་སྔ་མ་ལོང་ཚིག་ཙམ་ལ་ཞེན་ནས།།༽ཞེས་གསུངས་པ་ལྟར་རང་རེའི་ལོ་རྒྱུས་སྨྲ་བ་མང་ཤོས་ཀྱིས་ད་དབར་དུ་ཚིག་ཙམ་ལ་ཞེན་ནས་གླང་དར་གྱིས་སངས་རྒྱས་བསྟན་པ་བསྣུབས་ཞེས་པའི་དོན་ནི་གསང་སྔགས་ཀྱི་བསྟན་པ་བསྣུབས་པར་བཞེད་ནས་ཡོང་བ་ཡིན། འོན་ཀྱང་། དོན་ལ་དེ་ལས་ལྡོག་སྟེ། ལྷོ་ཁ་འཕྱོངས་རྒྱས་ཁུལ་རྒྱས་སྨན་ལྷ་ཁང་གི་མདའ་འམ་པ་རའི་གྲོང་ནག་མེད་དགུའི་མཁས་དབང་ཡེ་བཟང་རྩེ་པའམ་འགོས་ལོ་གཞོན་ནུ་དཔལ༡༣༩༢-༡༤༨༡གྱི་དེབ་ཐེར་སྔོན་པོ་ལས༼དེ་ལྟར་བོད་ཡུལ་འདིར་འདུལ་བའི་བསྟན་པ་ལ་འཕེལ་འགྲིབ་ཆེར་བྱུང་མོད་ཀྱི། ཐེག་པ་ཆེན་པོའི་གསང་སྔགས་ཀྱི་བསྟན་པ་ནི་དེང་སང་གི་བར་དུ་ནུབ་མ་མྱོང་།༽ཞེས་གསུངས་པ་ལྟར་ལྷ་སྲས་དར་མ་འུ་དུམ་བཙན་མཆོག་གིས་སངས་རྒྱས་ཀྱི་བསྟན་པ་བསྣུབས་ཞེས་པའི་གོ་དོན་ནི་ཁོང་གིས་སོ་ཐར་གྱི་བསྟན་པ་བསྣུབས་པ་ལས་གསང་སྔགས་ཀྱི་བསྟན་པ་ལ་གནོད་པ་ཡེ་བསྐྱལ་མ་མྱངས་བ་དེབ་སྔོན་ལ་བལྟས་པས་ཤེས་ནུས་སོ།། ཞེས་གྲོགས་ཚོམས་སུ་དཔེ་ཀློག་རེག་ཟིག་ཙམ་གྱི་ཚབ་ཏུ་བོད་སྐད་སྨྲ་བ་ནབས་ཀྱིས་བྲིས། [太阳]
གནའ་དུས་སུ་འཕཊ་པ་ཐོགས་མེད་དང་། འཕགས་པ་ཀླུ་སྒྲུབ། སློབ་དཔོན་ཕྱོགས་གླང་། དཔལ་ཆོས་ཀྱི་གྲགས་པ་ཞེས་མཚན་ཐུང་ངུ་སྙན་ཞིང་ཡིད་དུ་འོང་བ་ཞིག་འབོད་སྲོལ་འདུགདེ་དུས་ཀྱི་དགེ་སློབ་ཚོས་མིང་རིང་ཐུང་ལ་དོ་སྣང་དེ་ཙམ་བྱས་མེད་པ་འདྲ།
དཔལ་ན་ལེནྡྲ་ཡང་པཎྜི་ཏ་ལྔ་བརྒྱ་གནས་ཤིང་མཁས་གྲུབ་གྲངས་མང་ཡོད་པའི་དགོན་པ་ཞིག་ཡིན་པར་ལོ་རྒྱུས་ཀྱིས་ར་སྤྲོད་དང་བདེན་དཔང་བྱས་འདུག་ལ།
དགོན་པ་དེ་ཡང་༼དཔལ་ནཱ་ལེནྡྲ༽ཞེས་པའི་མཚན་ཐུང་ངུ་དེས་མཚོན་ཡོད་ཅིང་།
དེ་འདྲའི་ཡིག་འབྲུ་ཉིང་ངུ་ཞིག་གིས་ཆོག་པར་བྱས་ཤིང་།
ཡིད་ཚིམ་པ་ནི་ཅི་འདྲའི་ཡིད་འོང་ཞིག མེས་རྟེན་གྱིས།
དཔལ་ན་ལེནྡྲ་ཡང་པཎྜི་ཏ་ལྔ་བརྒྱ་གནས་ཤིང་མཁས་གྲུབ་གྲངས་མང་ཡོད་པའི་དགོན་པ་ཞིག་ཡིན་པར་ལོ་རྒྱུས་ཀྱིས་ར་སྤྲོད་དང་བདེན་དཔང་བྱས་འདུག་ལ།
དགོན་པ་དེ་ཡང་༼དཔལ་ནཱ་ལེནྡྲ༽ཞེས་པའི་མཚན་ཐུང་ངུ་དེས་མཚོན་ཡོད་ཅིང་།
དེ་འདྲའི་ཡིག་འབྲུ་ཉིང་ངུ་ཞིག་གིས་ཆོག་པར་བྱས་ཤིང་།
ཡིད་ཚིམ་པ་ནི་ཅི་འདྲའི་ཡིད་འོང་ཞིག མེས་རྟེན་གྱིས།
✋热门推荐