ཇོ་བོ་མི་འགྲོ་གསུང་འབྱོན།
ངག་རྒྱུན་དུ་ལྷ་སའི་གཙུག་ལག་ཁང་གི་ཇོ་བོ་བཞུགས་ཁྲི་དེར་དང་ཐོག་སངས་རྒྱས་ཀྱི་འཇིམ་སྐུ་ཞིག་ཡོད་ཅིང་། ཕྱིས་ཇོ་བོའི་སྐུ་འདི་ཉིད་བཞུགས་སུ་གསོལ་དགོས་པས་འཇིམ་སྐུ་གཞན་དུ་སྤོ་རྩིས་བྱེད་དུས་ང་མི་འགྲོ་ཞེས་གསུང་བྱོན་པར་བརྟེན་ད་ལྟའི་བཞུགས་ཁྲིའི་རྒྱབ་ཏུ་ཇོ་བོའི་སྐུ་དང་ལྟག་སྤྲོད་ཀྱི་ཚུལ་དུ་བཞུགས་པ་དེའི་མཚན།

༄༅།།དེ་རིང་གཟའ་ཟླ་བ་རེད། གཟའ་ཟླ་བ་ལ་ཕྱོགས་བསྡོམས་ཀྱི་ཉིན་མོ་ཞེས་བཏགས་ཀྱང་ཆོག་སྟེ། གཟའ་ཟླ་བའི་སྔ་མོའི་སློབ་གསེང་ལུས་རྩལ་དུས་ཚོད་སྤྱད་དེ། དགེ་སློབ་ལས་བཟོ་ཡོངས་རྫོགས་བསྡུས་ཏེ། འཛིན་གྲྭ་ཞིག་གིས་རྒྱལ་དར་སྒྲེང་ཞིང་། རྒྱལ་དར་འོག་གི་གཏམ་བཤད་དུ། འཛིན་གྲྭ་དེའི་སློབ་མ་རྣམས་ལ་ཐོབ་པའི་བསམ་བློའི་གོ་རྟོགས་ཅི་བྱུང་ཕྱོགས་བསྡོམས་བྱེད་པ་དང་། གཟའ་ཉི་མའི་ཉིན་དགུང་ལ་འཛིན་བདག་རྣམས་བསྡུས་ནས། གཟའ་འཁོར་སྔ་མའི་གཟའ་རེས་པས་གཟའ་འཁོར་སྔ་མའི་ནང་གི་གནད་དོན་ཆེ་ཕྲ་ཀུན་ཕྱོགས་བསྡོམས་བྱེད་པ་དང་། ཕྱི་དྲོའི་ཚོགས་ཐུན་གཉིས་པ་གྲོལ་རྗེས་སུ། སློབ་གྲྭ་ཡོངས་ཀྱི་སློབ་མ་རྣམས་བསྡུས་ཏེ། གཟའ་འཁོར་སྔ་མའི་ནང་དུ་བྱུང་བའི་གནད་དོན་ཆེ་རིགས་དང་། ཉམས་མྱོང་བསླབ་བྱ་ཕྱོགས་བསྡོམས་བྱས་ཏེ། སློབ་མ་རྣམས་ལ་ལེགས་ཉེས་བླང་དོར་ཚུལ་བཞིན་སྟོན་པ་དང་། ཞོར་དུ། གཟའ་རེས་དགེ་རྒན་རྣམས་ཀྱི་ལས་ཀ་བཟང་ངན་དང་ཆད་ལྷག་ཕྱོགས་སྡོམ་པའམ། གཟའ་རེས་ལྟ་སྐུལ་སློབ་མས་བྲིས་པའི་ཕྱོགས་བསྡོམས་ཡི་གེ་དེ་ཉིད། སློབ་མ་ཁང་ནས་བརྒྱུད་སྒྲོག་བྱེད་པ་རེད། སློབ་མ་རྣམས་ལ་དགེ་རྒན་གྱི་ལས་ཀར་ལྟ་སྐུལ་དང་དཔྱད་ཞིབ་བྱེད་པའི་དབང་ཆ་ངེས་ཅན་ཡོད་པ་འདི་ཡང་། རང་རེའི་སློབ་གྲྭས་སློབ་མ་རྣམས་སློབ་གྲྭའི་བདག་པོར་བཀུར་ཞིང་། སློབ་མ་རྣམས་དོ་དམ་བྱ་ཡུལ་ཡིན་ལ་དོ་དམ་བྱེད་མཁན་ཡང་ཡིན་པར་ལྟ་བ་དང་། དགེ་སློབ་ལས་བཟོའི་ཐོབ་ཐང་འདྲ་མཉམ་དང་དམངས་གཙོ་ལག་བསྟར་བྱེད་སྟངས་ཀྱི་ཐུན་མིན་ཁྱད་ཆོས་ཤིག་ཏུ་གྱུར་ཡོད།
དེ་ནས་མཚན་སྦྱོང་གི་སློབ་ཐུན་གཉིས་ནི། འཛིན་བདག་རྣམས་ཀྱིས་རང་རང་གི་འཛིན་གྲྭའི་ནང་དུ། འཛིན་གྲྭ་དེའི་གཟའ་འཁོར་གོང་མའི་གནད་དོན་ཅི་རིགས་པ་ཕྱོགས་བསྡོམས་དང་། ལེགས་བསྟོད་ཉེས་སྨོད་ཀྱིས་སློབ་མ་རྣམས་ལ་སྐུལ་འདེད་བྱེད་པའི་དུས་ཚོད་ཅིག་རེད། དེའི་དུས་སུ་འཛིན་གཙོ་དང་སློབ་སྦྱོང་འགན་འཁུར་བ་སོགས་ལའང་ཕྱོགས་བསྡོམས་བྱེད་པའི་གོ་སྐབས་ཡོད་པ་རེད།

དོ་དགོང་ཡང་འཛིན་བདག་ཚོས་རང་རང་གི་འཛིན་གྲྭའི་ནང་དུ། ཧ་ཅང་ནན་ཏན་སྒོས་ཕྱོགས་བསྡོམས་གནང་གིན་ཡོད་པའི་གནས་ཚུལ་དག་མཐོང་ཞིང་། དེ་དང་ལྷན་དུ་སེམས་སུ་ནམ་རྒྱུན་འཛིན་བདག་ཚོས་སློབ་མའི་བདེ་ཐང་དང་འཚོ་བ། སློབ་སྦྱོང་དང་སྤྱོད་ལམ་སོགས་ལ་ཐུགས་ཁུར་དང་འོ་བརྒྱལ་མང་པོ་མྱངས་དང་མྱོང་བཞིན་པ་རྣམས་དྲན་ཚེ། རང་རེའི་སློབ་གྲྭའི་སློབ་མ་རྣམས་ཅི་འདྲའི་བསོད་ནམས་ཆེ་བ་ལ་ཨང་བསམས་བྱུང་། ས་གང་དུ་ཕྱིན་ཡང་མཐར་ཕྱིན་སློབ་མ་ཚོའི་ཁ་ནས་ངའི་འཛིན་བདག་ཅིག་ཅིག་དང་། ང་འཛིན་བདག་ཅིག་ཅིག་གི་སློབ་མ་ཡིན་ཞེས་པའི་ཚིག་ལས་མི་བུད་པ་ཡང་རྒྱུ་མཚན་དེའི་དབང་གིས་ལོས་ཡིན་སྙམ་མོ།།

࿐ཆོས་འཇིག་རྟེན་གཉིས་ལ་མེད་དུ་མི་རུང་བའི་གདམས་པ།
世间与出世间都不可缺少的妙法

ཁྱེད་རྣམ་པས་བདེ་བ་ཅན་དུ་སྐྱེ་བའི་སྨོན་ལམ་འདེབས་རྒྱུ་མ་འཆུག རྒྱུན་དུ་དེ་བརྗེད་ཀི་མ་འཇུག དེ་དོན་དག་གཅིག་ཡིན།
你们要发愿往生极乐世界，要念念不忘，这是第一 件事 。

ཁྱེད་རྣམ་པས་སེམས་ཅན་གྱི་སྲོག་མི་གཅོད་རྒྱུ་དེ་ལ་གཟབ་གཟབ་གྱིས། ཨུ་རུ་མུ་རུ་གྱིས། མ་ཡོ་མ་འཆུག དེ་དོན་དག་གཉིས་པ་ཡིན།
你们要尽力做到不杀生，再再拜托，这是第二件事。

སྐྱེ་བོ་མཆོག་དམན་རབ་འབྲིང་སུ་ལའང་བསམ་པ་བཟང་པོ་སྐྱེ་ཐབས་ཨེ་ཐོན་ལྟོས། དེ་དོན་ཚན་གསུམ་པ་ཡིན།
你们要想办法对上中下各阶层的人都生起善良的心，这是第三件事。

དོན་ཚན་གསུམ་པོ་འདིའི་ནང་དུ་མ་འདུས་པའི་ཆོས་ཤིག་མེད།
这三件事包含了一切佛法。

——༧ཆོས་རྗེ་དམ་པ་ཡིད་བཞིནནོར་བུའི་ཞལ་ནས།
——法王如意宝