དེ་རིང་བོད་ཚེས་ཉེར་གཉིས་རེད།
今天是藏历初二十二、
དེ་རིང་ནི་ལྷ་བབས་དུས་ཆེན་རེད། ལྷ་བབས་དུས་ཆེན་ནི་ནང་པ་སངས་རྒྱས་པའི་དུས་ཆེན་བཞིའི་ཡ་གྱལ་ཡིན། དེའང་བདག་ཅག་གི་སྟོན་པ་ཤཱཀྱ་ཐུབ་པ་མཆོག་སྐུ་འཁྲུངས་ནས་ཞག་འགའ་ལོན་པ་ན་ཡུམ་སྒྱུ་མ་ལྷ་མཛེས་གྲོངས། རིགས་དྲུག་གང་དུ་སྐྱེས་ཡོད་མེད་གཟིགས་པས་ལྷ་ཡུལ་དུ་སྐྱེས་པ་གཟིགས། མྱུར་བར་ལྷ་ཡུལ་ཏུ་ཕེབས་ནས་ཡུམ་གཙོ་བོར་གྱུར་པའི་ལྷ་རྣམས་ལ་ཆོས་སྣ་ཚོགས་པ་བསྟན་ཏེ་བདེ་བ་ལ་བཀོད་ཅིང་། སླར་ཡང་གདུལ་བྱའི་དོན་དུ་མི་ཡུལ་ལ་བབས་པས་ལྷ་བབས་དུས་ཆེན་ཞེས་གྲགས།
ལྷ་བབས་དུས་ཆེན་ནི་སངས་རྒྱས་ཀྱིས་བྱིན་གྱིས་བརླབས་པས་དགེ་བ་གང་བྱས་ན་བྱེ་བ་ཕྲག་བརྒྱར་འགྱུར་བ་མདོ་ལས་གསུངས། དེ་བས་རང་གི་ནུས་པ་གང་ཡོད་ཀྱིས་སྦྱིན་པ་གཏོང་བ་དང་། ཚུལ་ཁྲིམས་སྲུང་བ། བཟོད་པ་སྒོམ་པ། དགེ་འདུན་ལ་བསྙེན་བཀུར། གཙུག་ལག་ཁང་དུ་ཕྱག་མཆོད་འབུལ་བ། སངས་རྒྱས་ཀྱི་རྣམ་ཐར་མཇལ་བ་སོགས་ཚོགས་བསགས་སྒྲིབ་སྦྱོང་གང་བྱས་ན་ཕན་ཡོན་དང་འགྱུར་བསྐྱེད་ཧ་ཅང་ཆེའོ། །
藏历九月二十二天降节（11月15日）也是佛教最殊胜的四大吉祥月之一，释迦牟尼佛在三十三天界，为了母亲等天众解脱而讲法后，返回人间的天降日，功德增上十亿倍，清净业障，积累福德，资粮的绝佳时机。
不止要多行善业，尤其是赡养父母，恭顺听从，报答现在的父母的同时，以父母为主无边的众生而做一些善业是特别重要！

ལྷ་བབས་དུས་ཆེན།

ཕན་མཛད་དེ་ཡི་བསྟན་པའང་སྲིད་པའི་མཐར། །
ངན་རྟོག་རླུང་གིས་རྣམ་པར་མི་གཡོ་ཞིང་། །
བསྟན་པའི་ངང་ཚུལ་ཤེས་ནས་སྟོན་པ་ལ། །
ཡིད་ཆེས་རྙེད་པས་རྟག་ཏུ་གང་བར་ཤོག །

​རྟེན་ནས་འབྱུང་བའི་དེ་ཉིད་གསལ་མཛད་པ། །
​ཐུབ་པའི་ལུགས་བཟང་སྐྱེ་བ་ཐམས་ཅད་དུ། །
​ལུས་དང་སྲོག་ཀྱང་བཏང་ནས་འཛིན་པ་ལ། །
​སྐད་ཅིག་ཙམ་ཡང་ལྷོད་པར་མ་གྱུར་ཅིག །

ཞེས་​རྗེ་ཙོང་ཁ་པས་གསུངས་པ་བཞིན་སྨོན་ནོ། །

ལྷ་ལས་གླང་ཆེན་མཆེ་དྲུག་ཚུལ་གཤེགས་ཤིང་།།
ཤཱཀྱའི་རིགས་སུ་ལྷ་མོ་སྒྱུ་འཕྲུལ་མའི།།
ལྷུམས་སུ་ཞུགས་ནས་ལུམྦིའི་ཚལ་བལྟམས་ཏེ།།
མ་ག་དྷཱ་ཡི་བྱང་ཆུབ་ཤིང་དྲུང་དུ།།
མངོན་སངས་རྒྱས་ནས་བྱང་ཆུབ་རྫོགས་མཛད་པ།།
སྟོན་མཆོག་མཚུངས་མེད་བུ་རིམ་ཤིང་བར་འདུད།།

—༩.༢༢ཉིན་གྲུ་ཆར་ནས་བྲིས།