【晴報】梁競徽被網民開名斥酒店扮大牌 一言不合叫經理見洋人即口啞啞

明星之所以叫星，就係因為佢哋有一種遙不可及嘅神秘感，唔少人喺街遇到明星都會非常興奮，如果見到發哥周潤發呢類巨星更加會開心幾日都有。不過其實星都唔係人人恨見，今日就有一位網民分享佢遇星嘅不愉快經歷。

今日有位網民開Post同大家分享佢嘅「遇星記」，之後就引嚟一位朋友分享自己做酒店接待時被不禮貌對待，佢留言：「是咁的，件事大概係4年前左右，由於我冇睇三色台嘅關係，事前真喺我唔識香港嘅三色台明星。小弟是做酒店reception嘅，有一日，唯萎（網民對梁競徽戲稱）出現喺大堂，而我就係唯一一個企緊counter，佢就行埋嚟問我嘢，我重申一次，我嗰刻真的不知道梁烈唯（現名梁競徽）是誰。」

呢位網民打出佢同梁競徽當時嘅對話：

網民: 有咩可以幫到你？

梁競徽 : 有冇得睇下你哋個ball房

心諗乜x嘢ball房呀，冇受過教育？Ballroom就Ballroom啦，我記得嗰時係夜晚8點幾同個ballroom有event做緊，佢個樣仲要好寸。再加上睇ballroom喺要搵event sales預約時間先可以睇，唔係話睇就睇。

網民 : 唔好意思先生，我哋而家個ballroom有event進行緊，如果要睇嘅話(畀咗張酒店卡片佢)，可以同我哋event sales預約番個時間呀。

梁競徽 : 下？你哋而家冇sell屎咩？

網民：呢個時間都多數已經收晒工喇。

梁競徽 : 哈，咁準時呀，咁你叫你經理出來，你幫唔到我。

嗰一刻已經好想打佢。

網民 : 好呀，請問先生貴姓呢？

梁競徽 : 我喎！(佢指著自己個樣) 我再問

網民: 先生貴姓？

梁競徽: 你 ，你經理會識得我。

網民 : 請你等等。

不過呢位網民話佢嘅經理係外籍人士，唔識講廣東話，亦都冇睇過TVB。

經理 : Good evening sir, may I help you?
梁競徽 : Er... I want see ballroom.
經理 : I am very sorry that there’s an event on going in the ballroom which is quite impossible to show you. But you may contact our event sales associate for any further questions. (又畀張酒店卡片佢 )
梁競徽 : Thank you
佢望一望經理，望一望張卡片，再望一望我，之後就走咗
事後經理問我佢邊位，我話我都唔識佢，之後我都係問同事先知道佢原來喺唯萎。

唔少網民都話如果真有其事嘅話，梁競徽都幾冇禮貌；不過都有人話唔知係咪真，可能係同當年「關家姐」嘅翻版，只係純屬虛構。

圖片來源：微博

#梁竞徽[超话]#

【01 娛樂】陳展鵬簽約做歌星唔夠兩年公司執笠　重談地盤撈散工：唔使睇面色

J2全新節目《人夫放假約出去滾》由林盛斌（Bob）主持，節目中Bob以台式火鍋盛宴款待嘉賓，最新一集請來陳展鵬，展鵬與Bob無所不談，笑言年輕時候很壞，常常出去浦：「我係頑皮嘅，咁我又唔會犯法嘢，出去浦一定會，讀書點會唔去睇女仔，去下Clubing，中環大部份都去晒，我哋專企埋啲俗稱狗公位，一杯嘢玩成晚。」

《人夫放假約出去滾》由林盛斌（Bob）主持，今次請咗展鵬做嘉賓。（影片截圖）

當Bob談到演藝事業，展鵬坦言那時候並不是想做演員，只是同學們做什麼，就陪他們一起，「我最記得有一次演藝學院都收咗我，但我又唔知道要畀錢，同時我哋又報咗工業學院，又教小朋友打乒乓波，TVB藝員訓練班又收，都幾好。」

之後選擇入讀訓練班後，展鵬認為是開心好玩，但絕對不是順風順水，更可以說是不如意：「我諗每一個人入呢行都會有不如意，但就係好精彩同開心。做咗兩三年都覺幾辛苦，辛苦係捱唔到，冇時間休息，我以前做運動員係11點瞓，但嚟到TVB凌晨4點起身，放工又天光先放。個時拍戲唔興有凳，係啲大哥大姐先有得坐，我哋就企，有時十粒鐘。個段時間係要捱囉，生活節奏同體能搞唔掂。」，過了一年後這個辛苦階段，演藝事業開始順利，由三千多月薪加到六千幾，當年是很高人工，再加上接Show，接到變爆Show。

展鵬話曾經有段時間冇乜錢。（影片截圖）

有段時間是展鵬的人生交叉點，究竟是選擇歌唱事業還是拍戲事業呢？因為那時候唱片公司寶麗金看中展鵬沒有經理人合約，想簽他做歌手，展鵬那時候只有18-19歲，並不太了解有經理人和沒有經理人的分別，所以最終選擇了唱歌，然後電視台工作全面停止，他說：「其實都好失望，喺TVB都做咗一段時間，本身想雙線發展，但就只能夠二選一，然後入咗去寶麗金唔夠兩年執笠。夢碎咗唔緊要，但冇錢，唔知之後點行，又唔想冇嘢入返TVB，唔想咁樣，然後好彩識咗出面電影公司人去拍電影，但又唔夠一年又冇。個段時間一高一低，5-6年係輸比自己，個段時間又返地盤，日日都有糧出，又唔使睇人面色，都有$300一日。」

#陈展鹏[超话]#

娛圈爆疫，香港甲一籃球隊球員出身嘅歌手謝高晉，呢日自爆日前初步確診新冠肺炎，休息9天後疑已經康復，佢喺社交網晒出快速檢測後，未有驗出病毒嘅照片，並交代早在16日時已懷疑自己中招，：「因為又頭暈又有兩聲咳又攰。最初期用Text kik會見到個T字隱約見到一條線。18號起身再驗，T字好快就出現咗，但身體上所有病徵已經無晒，但有小小肚屙。打去衞生署，佢嘅回覆係叫我等下先。」佢續指及後多飲水及瞓覺休息，至今日（24日）檢測結果終變回一條線：「總括而言，瞓多啲，飲多啲水，食吓生果就無事㗎啦。」並指會繼續隔離數天。

謝高晉接受東網訪問說：「我都唔知喺邊度感染到，因為始終每一日都咁多日人確診，我只記得頭兩日好頭暈同肌肉痛，把聲都變埋，每日帶埋口罩瞓覺，飲多啲水，食啲橙補充維他命C，過咗兩日開始冇乜嘢，個人都變得精神。」他指最初檢測時，只係好隱約見到確診條線，到他有一刻精神，已經冇乜病徵時再驗，已經好肯定係2條線，直至今日他再驗，終於得番一條線，他說：「我打咗疫苗，不過要中都係會中，避唔到，我冇去醫院，有打過去衞生署，都係叫我喺屋企每日檢測，留意住身體狀況，如果有大問題先去醫院，到今日暫時都未收到消息要點做。」
他親身經歷過，覺得確診唔使咁害怕，因為聽人講過會呼吸困難，但他冇乜大病徵，他說：「我都停晒手頭上工作，本身都要準備錄新歌，依家希望快啲好番晒，其實已冇乜大礙，大家都係做好個人衞生，中招都同普通感冒相似，冇乜特別。」