入廚有高下 夢想零差別
鄧穎芝張紋嘉演藝有團火 彭秀慧Like爆

歌手鄧穎芝（Vangie）與張紋嘉（Crystal）日前為彭秀慧主持的香港開電視節目《日本命力呈獻：自煮女人最漂亮》擔任嘉賓，Vangie與Crystal早年跟彭秀慧進修演技而認識，在節目中三人合力炮製具高營養、適合女士食用的「黑豆茨實節瓜盅」，當中廚藝麻麻的Crystal，甫出場即表示對入廚感到緊張，期間她亦雞手鴨腳，反觀對烹飪頗有心得的Vangie有板有眼，難怪當主持人彭秀慧笑言要每集都邀請Crystal做嘉賓時，廚藝麻麻的Crystal自嘲表示：「再喺咁我會嫁唔出！」

提到健康，Vangie透露以前性格大情大性，不時尖叫大叫，最後因此而喉嚨生繭，令她非常痛苦，她說：「好彩醫生話有得醫，唔使開刀做手術，但代價就係三個月唔可以講嘢，好痛苦，嗰次之後，我唔敢再成日大叫。」

在節目中三師徒無所不談，期間提到Vangie曾自資出唱片及Crystal曾自資開騷時，彭秀慧表示挺欣賞她們，彭秀慧指她們雖然合資發展不同生意，例如：賣大閘蟹、賣盤菜、賣二手衫等，但其實她們為圓夢亦會不惜自掏腰包，而Vangie與Crystal異口同聲表示，對演藝事業的熱誠算是受媽媽遺傳所影響，Crystal說：「唔知點解我咁鍾意做舞台劇？其實媽媽喺我細個時做業餘劇團，媽媽第一次帶我喺台上演出，我記得當時仲係用手寫稿。」至於Vangie亦透露媽媽在她年幼時，曾在酒廊唱歌，不過最後為了屋企，而放棄了歌唱事業。

唱歌隨心 滿足感行先

對於演藝路，Vangie直言最緊要舒服，她說：「喺呢行咁耐，曾自資出唱片亦付出咗好多，但一直停留喺同一位置，所以都想嘗試其他發展，但唔係完全放棄演藝事業、唔係要完全退出，如果突然有日我想錄首歌，可能有天我會再想唱歌，我覺得咁樣會舒服啲。」Crystal對於將來的演藝事業，最重要是有滿足感，她謂：「我會去做啲畀到我滿足感嘅事、舉行自己嘅騷、講自己想講嘅說話、演自己想演嘅戲。」

子華生日快樂，Happy Birthday ！！！今年你終於六十歲可以叫你一聲黃伯對老人家要用番啲傳統啲嘅祝賀詞， 恭祝你福如東海，壽比南山，老而彌堅
正式登六，做左老人家，都要keep住身體健康，日日都要開開心心！雖則今年你六十大壽，但係宜家疫情仲未過，我諗你都唔會搞啲咩party慶祝嫁啦，我地啲fans又無乜禮物送比你賀壽就當我地嘅祝福係禮物啦不過我諗《乜代宗師》嘅成功對你嚟講應該都係一份好好嘅禮物啦，係咪？
雖然你已經六十歲，不過我真係懷疑你內心年齡有無三十歲，因為你到宜家仲好有夢想！我知道你真係好鍾意拍電影，你可以放心，拍幾多套我地都一定會支持你！水裏水裏去，戲院裏戲院去！

今屆港姐啱啱出爐，由混血靚女謝嘉怡勇奪冠軍，其真性情個性贏得觀眾芳心，實至名歸當選。一直揚言為圓爸爸夢想、先越洋來港參選嘅佢，今日上載同「頭號粉絲」撐枱腳嘅合照，而呢位忠粉就係年輕有型嘅爸爸，相中見謝嘉怡素顏上陣，着住工人褲即時減齡，樸素少女味十足，完全係佢所講唔愛打扮嘅真身！

佢留言話到依家仲未能相信成為港姐嘅事實，因為呢個一直係佢同家人嘅夢想，最後仲提醒大家疫下要做好防疫，Keep Safe！