རྗེ་ལམ་རིམ་པའི་ལམ་རིམ་ཟིན་བྲིས་མཁས་པའི་ཡིད་འཕྲོག་ལས།
ལམ་རིམ་གྱི་དོན་བསྡུས་ན། བསྒོམ་པ་བརྒྱད། ལག་ལེན་གསུམ། ལྡོག་འཇུག་གསུམ་དུ་འདུ་བར་གསུངས་ཏེ། 
དེ་ལ་བསྒོམ་པ་བརྒྱད་ནི། ཆུང་ངུའི་སྐབས་སུ་དལ་འབྱོར་དོན་ཆེ་རྙེད་དཀའ། འཆི་བ་མི་རྟག་པ། ངན་སོང་གི་སྡུག་བསྔལ། དཀར་ནག་གི་ལས་འབྲས་བསྒོམ། 
འབྲིང་གི་སྐབས་སུ་འཁོར་བའི་ཉེས་དམིགས་དང་། ཐར་པའི་ཕན་ཡོན་བསྒོམ། 
ཆེན་པོའ་ིསྐབས་སུ་ཀུན་རྫོབ་བྱང་ཆུབ་ཀྱི་སེམས་དང་། དོན་དམ་པའི་བྱང་ཆུབ་ཀྱི་སེམས་བསྒོམ་པའོ། །
ལག་ལེན་གསུམ་ནི། ཆུང་ངུའི་སྐབས་སུ་དཀོན་མཆོག་ལ་སྐྱབས་སུ་སོང་ནས་ལས་འབྲས་ཀྱི་བླང་དོར་ལ་འབད། འབྲིང་གི་སྐབས་སུ་ཐར་པ་ལ་དོན་གཉེར་བསྐྱེད་ནས་ཐར་ལམ་ཚང་ལ་མ་ནོར་བ་ལྷག་པའི་བསླབ་པ་རིན་པོ་ཆེ་རྣམ་པ་གསུམ་ལ་སློབ། ཆེན་པོའ་ིསྐབས་སུ་བྱང་ཆུབ་ཏུ་སེམས་བསྐྱེད་ནས་སྦྱིན་སོགས་ཕ་རོལ་ཏུ་ཕྱིན་པ་དྲུག་དང་བསྡུ་བའི་དངོས་པོ་བཞི་ལ་སློབ་པའོ། །
ལྡོག་འཇུག་གསུམ་ནི། ཆུང་ངུའི་སྐབས་སུ་ཚེ་འདི་ལ་ཞེན་པ་ལོག་ནས་ཚེ་ཕྱི་མའི་དོན་ལ་འཇུག །འབྲིང་གི་སྐབས་སུ་འཁོར་བ་ལ་ཞེན་པ་ལོག་ནས་ཞི་བ་མྱང་འདས་ཀྱི་དོན་ལ་འཇུག །ཆེན་པོའ་ིསྐབས་སུ་རང་དོན་ལ་ཞེན་པ་ལོག་ནས་གཞན་སེམས་ཅན་ཐམས་ཅད་ཀྱི་དོན་ལ་འཇུག་པའོ།། །།

༈ མི་ཉག་སྐྱོར་དཔོན་གྱི་རྩོད་པ་དེ་ཙམ་ལན་འདེབས་རྒྱུ་ཁག་པོ་མ་བྱུང་ཡང་། དེ་དུས་ངའི་འགྲམ་དེར་དགེ་བཤེས་ཞལ་ངོ་ནག་ཐིང་ཙམ་ཞིག་འདུག་པ། དེས་ས་སྲོས་རྗེས་ཙམ་ལ་རྩ་ཤེ་ཊཱིཀ྄་ཆེན་དང་ཚིག་གསལ་སོགས་ཀྱི་ལུང་དྲངས་ནས་རྟགས་གསལ་སྤུས་དག་པོ་ཞིག་བཏང་བྱུང་། དེ་འདྲའི་ལུང་རིགས་སྦྱར་ཚུལ་ལེགས་པ། དེ་ཐད་ཀྱི་རྩ་ཤེ་ཊིཀ྄་ཆེན་སོགས་ལ་ཞིབ་པ་ཞིག་མ་མཇལ་བ་ཕངས་པ་ལ་ཨང་སྙམ་པ་ཞིག་བྱུང་། ཕལ་ཆེར་དེ་དེང་སང་ཚལ་གུང་ཐང་གི་ཕུ་ན་བཞུགས་འདུག་ཟེར་བའི་ཏྲེ་ཧོར་སྐྱོར་དཔོན་ཞུ་བ་དེ་མིན་ནམ་ཨང་།

—— མདོ་སྨད་པ་དགེ་འདུན་ཆོས་འཕེལ། https://t.cn/R2Wx3sA

སྐྱབས་གནས་ཀུན་འདུས་བླ་མ་རིན་པོ་ཆེ། །
བློ་སྣ་ཆོས་ལ་སྒྱུར་ཅིག་ཡིད་བཞིན་ནོར། །
ལམ་གོལ་དམན་པར་མ་གཏོང་ཆོས་ཀྱི་རྗེ། །
རེ་ས་གཞན་ན་མེད་དོ་ཐུགས་རྗེས་ཟུངས། །

བླ་མ་ཚུལ་ཁྲིམས་བློ་གྲོས་ཀྱིས།