འོ་དེ་བླ་མ་དཀོན་མཆོག་མཁྱེན།།
ད་ནི་དེ་རིང་ཉི་མ་ནས།།
ལྷ་ཞིག་ཡོད་ན་བབས་རན་འདུག།
ཀླུ་ཞིག་ཡོད་ན་ཐོན་རན་འདུག།
འདྲེ་ཞིག་ཡོད་ན་འདུལ་རན་འདུག།
ནད་དང་འཁྲུག་པས་གཙེས་པ་ན།།
གནམ་འོག་མ་ལུས་ཚར་རན་བྱ།།
ཡིན་ཡང་ཕྱིར་འདང་རེ་བརྒྱབ་ན།།
རྒྱུ་འབྲས་འཁོར་པའི་སོ་འཁོར་ནས།།
ལས་ངན་ཐར་ལམ་མེད་བཞིན་དུ།།
སྐྱབས་སུ་འདོད་པ་སྙིང་མ་རྗེ།།
我心中的佛陀
若您在天有灵
看看普天之下
这边瘟疫四起
那别战火纷飞
您没下凡之前
祸从天降已久
除非因果之轮
到点无法挽回
请您不要让那
世间变成炼狱

佛啊佛，说好了每年的这一天您要从天而降，所以我们早已搭好了天梯，铺好了藏毯，点着了桑烟，但愿那天梯的尽头不只是云，还有您应约而来的法身。

ཁྱོད་ནི་འགྲོ་བའི་དོན་གྱི་སླད། །ཅུང་ཟད་ཙམ་ཡང་མི་ངལ་ཞིང༌། །
འགྲོ་བ་རྣམས་ཀྱང་ཁྱོད་ཀྱི་ནི། །ཡོན་ཏན་བརྗོད་ལ་ངལ་མ་གྱུར། །
སྟོན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ་ལྷ་དང་མི་རྣམས་ཀྱི་སྟོན་པ་ཤཱཀྱ་ཐུབ་པ་ལ་ཕྱག་འཚལ་ལོ།།
དེ་བཞིན་གཤེགས་པ་ཁྱེད་སྐུ་ཇི་འདྲ་དང་།།
འཁོར་དང་སྐུ་ཚེའི་ཚད་དང་ཞིང་ཁམས་དང་།།
ཁྱེད་ཀྱི་མཚན་མཆོག་བཟང་པོ་ཇི་འདྲ་བ།།
དེ་འདྲ་ཁོ་ནར་བདག་སོགས་འགྱུར་བར་ཤོག།

གཡོ་ཅན་རྫུ་བག་སྒྱུ་མའི་རླབས་རིས་ཀྱིས།།
ཡང་ཡང་བསླུས་པའི་འཇིག་རྟེན་མུན་ཁྲོད་དུ།།
གུས་རྟག་ཐོས་བསམ་སྒོམ་པའི་ཤེས་རབ་ཀྱིས།།
བླང་དོར་འབྱེད་པའི་མིག་བཟང་སླར་ཡང་བྱིན།།

ཆགས་སྡང་གཅོང་རོང་འཐབ་པའི་ངན་རྟོག་གིས།།
འགྲོ་ཀུན་སྡུག་གི་གྲོང་ལ་འདེད་པའི་སྐབས།།
ལྷག་བསམ་དྲི་མེད་སྤོབས་པའི་ཤེ་མོང་གིས།།
ལུང་རྟོགས་ཆོས་ཀྱི་སྒྲ་ཆེན་སླར་ཡང་བསྒྲགས།།

མདོར་ན་སུ་དང་གང་གིས་མི་མཚོན་པའི།།
ཁྲིམས་ལྡན་ངུར་སྨྲིག་འཛིན་པའི་དགེ་འདུན་སྡེས།།
ལེགས་བྱས་ཐར་བ་ཐམས་ཅད་མཁྱེན་པའི་རྒྱུ།།
ཡོངས་སུ་ཉམས་པ་མེད་པར་སླར་ཡང་བསྐྲུན།།

སྔ་འགྱུར་ཕྱག་ཚ་དགོན་གྱི་བཤད་གྲྭ་ཐུབ་བསྟན་ལེགས་བཤད་བྱང་ཆུབ་ཆོས་གླིང་དབུ་བརྙེས་ནས་ལོ་བཅུ་དྲུག་འཁོར་བའི་ཉིན་གུ་རུ་ཉི་མས། 2022 11 15