明抽暗寸 《使徒行者2》 首集死5個串星

台慶劇《使徒行者2》雖然冇咗「釘姐」佘詩曼同「爆Seed」林峯坐鎮，不過一樣大卡士，淨係頭一集已經電影感十足。唔知係咪知觀眾唔鍾意大團圓結局，第一集已經死咗5個角色，仲要全部演員都唔係二打六，噏得出名之餘，部分更加係主角級人馬。劇情講到苗僑偉（三哥）嘅5個臥底手下，包括洪永城、連詩雅、何雁詩、古明華同楊潮凱，出場半集就喺基地一鑊熟齊齊被炸死；第二集連張兆輝飾演嘅黎Sir都無得倖免，壯烈犧牲，明明佢喺上套劇《全職沒女》仲擔正緊男一，估唔到今次只係客串幾場。頭兩集就玩到咁激，睇嚟大開殺戒嘅編劇一定唔會就咁收手，無綫與其叫觀眾估邊個係臥底，不如畀啲新意，估下30集內會死幾多個人啦？分分鐘破到《同盟》死廿幾三十人嘅紀錄！

在香港电台第二台节目《有冇搞错》内，方梓豪负责的「游游学听我讲」，再次请来瞓身旅飞人曾剑华分享旅游故事。想知是什麽故事，可留意今晚9月12日11点至1点内播放。
9月4日 北海道 会消失的桥
https://t.cn/RpCkc74
8月28日 槟城 老饼铺三不卖
https://t.cn/RpCkc7U
8月21日 槟城 填海计划
https://t.cn/RpCkc7y

【on.cc】黃心美暗寸馬國明老：唔用年過半百已好好

藝人黃心穎與胞姐黃心美出席電訊活動，兩人在台上演出趣劇，在劇中，心美自爆有男友，又狠狠地拍了心穎的頭一下。接受訪問時，心穎表示今次是姊妹檔第四次合作，她說：「我哋做咗廿幾年姊妹先合作得四次，希望客戶多啲搵我哋。」提到之前心美打了心穎的頭，心穎即時投訴：「佢喺屋企就係咁對我。」心美反駁：「因為我平時冇機會咁做，所以頭先先咁狠。」

問到心美是否有男友，她解釋只是跟稿讀，那麼心穎有男友才是真？心穎說：「咁唔真實嘅嘢唔好喺台上講。」再問會否叫緋聞男友馬國明（馬明）為她安裝家居電器，心美笑着反問：「邊個嚟㗎？」心穎笑指是之前傳跟你不和的人，心美緊張說：「我要澄清我係高度讚揚佢（馬明），有次我喺活動見到佢，佢好好，佢等埋我round up先落台，對司儀有份尊重，所以我對佢印象好好。」

祝福心穎馬國明

她對着心穎揚言：「如果你同佢係真嘅話，我會祝福你哋。」心穎直言其實平時安裝電器之類由她負責，心美則負責叫她執屋，並自嘲：「我間房好亂，可以話係個黑洞或者迷你倉。我個房門開唔晒，要側身入房，仲要跨過啲嘢先可以上到床。（叫馬國明幫你執屋？）佢有排執，佢要搬屋。（你將你嘅嘢放喺佢屋企？）咁又唔得，咁遠。（叫佢幫手搬，佢有經驗？）好多人都有經驗。」問到會否想妹妹快點搬出去？心美坦言：「我發脾氣嗰時會叫佢搬走。之前同佢鬧交，佢話下個月搬出去，我放長雙眼睇佢幾時搬。」

黃心美寄語唔好28歲結婚

記者笑指心穎出嫁就會搬出去，心美坦言妹妹今年才28歲，有想過28歲結婚是否太早：「我唔介意佢爬我頭，我婚都離埋。我當年結婚都係28歲，以我經驗嚟講，唔好28歲就結婚，我當初結婚都唔知為乜，等佢腦囟生埋先。」記者指男方已經一把年紀，不能等太久，心美即抵死地說：「你哋唔用年過半百呢個字已經好好。」心穎直言結婚不應受年齡限制，亦難計劃太多。