#噶举祖庭一洛卓沃龙寺[超话]#
࿐མངའ་བདག་མཻ་ཏྲི་པས་མར་པ་ལ་ཞལ་གདམས་བཅུ་གཉིས་རྡོ་རྗེའི་མགུར་འདི་གསུངས་སོ། །

༈ བུ་དད་པའི་རྩ་བ་མི་བརྟན་ན། ། གཉིས་མེད་ཀྱི་རྩ་བ་བརྟན་མི་འགྱུར། ། ཕྱོགས་མེད་ཀྱི་སྙིང་རྗེ་མ་སྐྱེས་ན། ། གཟུགས་སྐུ་རྣམ་གཉིས་ཐོབ་མི་འགྱུར། ། ཤེས་རབ་རྣམ་གསུམ་མ་བསྐྱངས་ན། ། རྟོགས་པ་རྒྱུད་ལ་སྐྱེ་མི་འགྱུར། ། བླ་མ་རྗེ་བཙུན་མ་བསྟེན་ན། ། དངོས་གྲུབ་རྣམ་གཉིས་ཐོབ་མི་སྲིད། ། སེམས་ཀྱི་རྩ་བ་མ་ཆོད་ན། ། ཤེས་པ་གང་དགར་བཏང་མི་བྱ། ། སྣང་བ་རྒྱ་ཡིས་མ་ཐེབས་ན། ། བདེ་བ་ཆེན་པོར་དབེན་མི་གནས། ། ཞེན་ཆགས་ཤེས་པ་སྐྱེས་གྱུར་ན། ། གླང་ཆེན་རབ་དགའི་སྤྱོད་པ་བྱ། ། སྐབས་སུ་ཉོན་མོངས་སྐྱེས་གྱུར་ན། ། སེམས་ལ་ལྟོས་ལ་མ་ཡེངས་སྒོམས། ། རྐྱེན་གྱིས་སེམས་ལ་གནོད་གྱུར་ན། ། དབང་བཞིའི་ཉམས་ལེན་རྒྱུན་དུ་གྱིས། ། ཉོན་མོངས་རང་རྒྱུད་ཤོར་གྱུར་ན། ། བླ་མའི་གདམས་པ་དྲན་པར་གྱིས། ། རྩེ་གཅིག་གསོལ་བ་མ་བཏབ་ན། ། དམ་པའི་ཐུགས་དགོངས་ག་ལ་ལོངས། ། བསྐྱེད་རྫོགས་ཟུང་འཇུག་མ་བསྒོམས་ན། ། འཁོར་འདས་དབྱེར་མེད་ག་ལ་རྟོགས། ། བཅུ་གཉིས་རྡོ་རྗེའི་མགུར་ལྡན་པ། ། དྲན་པ་དང་བཅས་བཅུ་གསུམ་འདི། ། རྣལ་འབྱོར་ཉམས་སུ་བླངས་པས་ན། ། བཅུ་གསུམ་པ་ལ་གནས་པར་འགྱུར། །

ཞེས་གསུངས་པས། མར་པའི་ཐུགས་ལ་ཤིན་ཏུ་འཐད་ཅིང་འཇགས་པར་གྱུར་ནས། མཻ་ཏྲི་པ་ལ་མི་ཕྱེད་པའི་དད་པའི་ངང་ནས་བྱོན།
རྗེ་མར་པའི་རྣམ་ཐར་ལས་བཤུས།

འཇིག་རྟེན་སྤྱི་སྨན་གྱི་བཟང་སྤྱོད་ལས།
དངོས་པོའི་རིན་ཐང་ལ་དོ་གལ་གཙོ་བོ་བྱེད་པ་དེ་སྲིད་དུ། དྲང་བདེན་མེད་པ་དང་། ལྐོག་ཟ་རུལ་སུངས། འདྲ་མཉམ་མེད་པ། བཟོད་བསྲན་མེད་པ། འདོད་རྔམ་བཅས་ནང་སེམས་ཀྱི་རིན་ཐང་ལ་དོ་སྣང་མེད་པའི་ཕྱིའི་རྣམ་པ་འདི་དག་མུ་མཐུད་གནས་རྒྱུ་རེད། ཅེས་གསུངས་སོ།།

࿐མདོ་མཛངས་བླུན་ལས། དགེ་བ་ཆུང་ངུ་དག་ལ་ཡང་། །མི་ཕན་སྙམ་དུ་བརྙས་མི་བྱ། །ཆུ་ཡི་ཐིགས་པ་བསགས་པ་ཡིས།

།སྣོད་ཆེན་རིམ་གྱིས་གང་བར་འགྱུར། །ཞེས་གསུངས།
《贤愚经》：
莫想诸善微，无益而轻视，水滴若积聚，渐次满大器。