【你又十年我又十年】GR86、BRZ十周年特別版打孖上

唔經唔覺，豐田86及富士BRZ呢對孖生兄弟今年已經10歲，所以豐田及富士一齊喺日本推出十周年特別版。

先講架富士BRZ十周年特別版，以S版本而非頂級嘅R版本為基礎（Trim唔同啫），車身顏色係「掃把佬藍」，原本銀色嘅尾章及側鏡等改為黑色，尾窗加咗10周年字樣，座椅混合真皮及仿麖皮包裹兼加咗藍色點綴，波棍套及手掣套改用真皮，門板加咗10周年字樣等，自動波及棍波版嘅售價分別係355.3萬及338.8萬日圓，比普通S版本貴12萬日圓，以抽籤方法發售，7月28日起至9月30日期間接受申請，限量200架。

至於GR86十周年特別版，本身係RZ版本，炮製手法同BRZ十周年特別版大同小異，只係啲特色點綴係橙色，自動波及棍波版分別賣363.2萬及346.9萬日圓，比普通RZ版貴12萬日圓，以抽籤方法發售，即日起至9月30日期間接受申請，但廠方冇講限量幾多架。

#谭咏麟[超话]#
【News】頭條獨家丨譚詠麟落閘兒子繼承衣鉢 出新碟要唱到80歲

「樂壇校長」譚詠麟相隔4年，推出全新專輯《傾．聽》，將自己喜歡嘅8首流行歌曲，重新演繹為廣東歌。71歲嘅阿倫出道超過40年，但對音樂熱誠不變，揚言最快喺80歲後才諗退休問題，他唯一肯定，會好好為26歲兒子譚曉風把關，唔會畀佢繼承衣缽，他認真說：「做藝人壓力太大，好辛苦，宜家我最緊要係開心及享受過程。」 

譚詠麟全新專輯《傾．聽》，阿倫重新演繹咗汪峰、克麗絲叮、李健、六哲、江蕙、周杰倫和費玉清嘅作品，他尤其推介《水中傳奇》：「呢首歌係將我嘅《水中花》同李健嘅《傳奇》結合埋一齊，無論音樂結構及唱法上都好一體，效果想唔到咁好，李健仲唔收錢送咗版權畀我。」

明年在港開個唱

這張唱片由經理人張國忠策劃，「其實我乜歌都唱過晒啦！國忠就認為『一隻好嘅歌只要去到你嘅手，就變成一隻係你嘅歌。』咁我何樂而不為？而且我冇銷量壓力，反而係攞版權最難。」除咗出新碟，阿倫更打算明年喺香港舉行個唱。

40年前已「上咗岸」

對於面對近年一啲反對聲音及評價，阿倫心態正面，冇諗過為此而退休，「總之唔好理啦，鍾意點樣就點樣，人都過咗咁多年咯，睇到成個社會及世界係咁，與其係改唔到，何不自選一個開心角度，咁每一日都係賺嘅。」他輕鬆笑道：「好多人同我講：『你呢個年紀要享受生活，上岸啦……』上岸？唔係誇張呀，其實我40年前都已上咗岸啦！哈……因為我要求低呀，咁多年嚟我都係鍾意返40年前嘅嘢，着住波鞋踢波吹水、食大排檔、篤魚蛋、食臭豆腐，我又唔係追求大魚大肉，榮華富貴……」阿倫堅持keep住25歲心態，因為承諾過歌迷要唱到80歲後。

遺憾未圓導演夢

阿倫又自爆，宜家最遺憾係未能圓夢做導演：「1986年主演嘅音樂電影《歌者戀歌》，我有份度橋㗎！而且更早度出韓劇《來自星星的你》嘅橋段，講外星人及械劫案嘅故事，不過嗰陣時忙走埠就擱置咗。」

至於兒子，阿倫一定唔會俾佢做歌星：「佢唱得跳得，環球唱片高層Duncan成日打佢主意，但我同佢守住幫佢擋，做藝人咁辛苦，我唔贊成，加上好難出到一個頂級藝人，而且佢讀咁多書，有自己個世界，佢都唔鍾意入行。」

阿倫喺年青歌手中，特別睇好炎明熹（Gigi）及曾比特（Mike），但好言提示Gigi要注意學業嘅重要性，因為學識係跟一世嘅；他又擔心曾比特只局限於爆炸頭形象。

CR. 星岛日报，2022-07-01

引用老前輩體育主播伍晃榮的話來說就是：「#波係圓嘅#！」

【戰報】#漢密爾頓鍛鋼# ⚽️⚽️-⚽️⚽️ #卡爾加里騎兵#

入球：
漢密爾頓：霍賈布勒蒲爾、施瓦涅爾
卡爾加里：梅森、穆瑟

黃牌：
漢密爾頓：梅圖薩拉
卡爾加里：克隆普、卡里法・堯、洛圖里、埃斯卡蘭特

漢密爾頓首發陣容：亨利（守門員）、約恩松、延森（博爾赫斯）、貝克爾、梅圖薩拉、坎貝爾、南科（卡爾戴拉）、帕西厄斯（施瓦涅爾）、霍賈布勒蒲爾、薩謬爾、西索科（斯譚帕托里）。

卡爾加里首發陣容：羅洛夫（守門員）、克隆普（梅森・特拉福德）、查爾斯・特拉福德（西蒙斯）、埃爾德、穆瑟（埃斯卡蘭特）、洛圖里、菲斯克、梅森（阿德庫格貝）、阿錫（貝文）、小諾曼、卡里法・堯。