【ins更新】#20211028# .
你大概不知道這首歌是我填的吧。

（係咪覺得我係一個充滿驚喜嘅人呢？）

不是我最自豪的作品，但我至今還是很喜歡「俾獎金 數百萬當係碎銀 俾奬品 厚禮是 燈燈燈櫈」這兩句（還有連續三個「俾獎X」的句式），有生之年自己都應該比較難遇到這種「啱啱好」的旋律去超越自己了吧？

而且我還是很感激當時TVB某個我不知道是誰的人給我機會（呢度唔係姑諱其名係真係唔知），初入行當填詞人的我很需要這種曝光，雖然其實也不是說我當時的我有挑選工作的資格哈哈，事實上也沒有多少人留意到我這個創作哈哈哈，但得人恩典還是值得千年記的。

好多人都已經知道超人迪加嗰個「田中小百合」其實係我嚟，但呢首真係好少有人估到係我（或者應該話可能無乜人有興趣估過）。

順便一提，除咗一系列「超人的主題曲」貪得意改咗個日本名之外，至今仲未用過筆名寫歌詞。

#Y手稿
#就咁一個嘩字加個驚嘆號做歌名當年嚟講都算大膽兼黐綫

有「嘉欣BB」之稱嘅藝人鍾嘉欣去年回港拍攝無綫台慶劇《星空下的仁醫》，收放自如嘅演技，大有機會問鼎今年視后。依家已經返溫哥華同老公、一對仔女共聚天倫嘅佢，未能返港為新劇宣傳，亦都唔知佢幾時再返港拍劇，所以最近就有傳《星》劇係佢息影之作。
「嘉欣BB」嘅粉絲唔使傷心住，因為佢接受訪問時就話：「我冇講過退出娛樂圈喎，之前係話過想留多啲時間陪老公同仔女，但如果有好嘅劇本同合適嘅角色，我都會嘗試去拍嘅。」佢話唔會息影，啲粉絲梗係開心啦，不過如果想多啲支持吓佢，可以捧佢嘅新劇之餘，不妨睇吓佢首劇集歌《好好珍惜自己》MV。
呢首歌除咗係佢唱外，仲係佢自己作曲嘅，真係多才多藝，其實呢首《好》係佢第14首親自作曲嘅作品，而對上嗰次就係4年前，為咗向佢對仔女表達無條件母愛嘅《做你的晨曦》，嗰次佢仲自己填埋詞添。
啲粉絲話睇到佢喺新MV中個靚樣，同埋攬住個妹妹唱啲好正能量嘅歌，個個大叫回憶番晒嚟，話自己真係由細聽到嘉欣BB啲歌大，有啲又話聽住首歌，就會感受到很多愛同溫暖，既然佢啲歌咁有打動人心，「嘉欣BB」要拍多劇之餘，仲要作多幾首歌，慰藉吓粉絲心靈先得喇！

近年TVB在演員方面被討論得最多的就是青黃不接，無他的，新人雖然在近年得到的機會比起以前多，但若果沒有好的導師，盲摸摸地去闖依然是很難去接班。回歸TVB後的曾志偉顯然也發現這個問題，所以如果幫助新演員提升和如何留住一班好戲之人，便成為了他升任為總經理（節目內容營運）的重要任務。

曾生回巢後，不少藝人都重返TVB這個大家庭，最新一個梁思浩更曾與TVB反面，證明曾生的確有很大的叫座力。對於將來會否更多人回巢TVB，曾生表示：「呢個就睇未來，我希望我哋嘅劇有多啲電影界嘅好戲之人入嚟幫手，帶動新人，因為我哋新人係需要一啲好好演技嘅老戲骨帶動。我自己演戲我知，我哋同一啲新人會同佢講唔好咁演，我哋自己以前都錯，我新人嗰時以為咁就係戲，以為眨眉弄眼就係戲，其實唔係，其實唔做先係戲，但係唔做之中你要注意啲乜嘢，以前幾想有人同我哋分享呢啲嘢。」

他續說：「但係有冇呢啲人同我哋TVB嘅新人去分享呢？所以我希望未來好多劇都能夠加一啲好戲之人落去，否則我哋新人喺TVB紅咗，但係紅咗之後都係同返我哋TVB人塘水滾塘魚，滾嚟滾去都係嗰班。如果有部劇，大家都打醒十二分精神，紅姐喎，影后嚟喎，紅姐點做呀？紅姐一望住我就震，咁咪得囉？咁慢慢啲戲就有人見到，我希望呢啲嘢之後會喺TVB發生。」的確，現今TVB的演員很多時只局限於自己電視的劇集，最多就是邵氏的劇集，甚少可以跳上大銀幕，跟過往相差甚遠。

老戲骨對一個電視台當然重要，除了本身演技有保證，也是一個以老帶新的最好方式。不過近年不少甘草綠葉都選擇離開TVB，而且都是不歡而散，曾生也留意到這個情況，也決心要杜絕同類事件再發生。「其實好多內政嘢我不方便喺度講，但我想講樣嘢，我好慶幸我係一個由基層做起嘅人，我亦都係一個演員，我明白演員嘅心態，我返嚟嘅其中一個任務，都係話希望每一個演員都能夠愛TVB，即係點解我返嚟呀？因為我愛TVB。點解我愛TVB呢？因為我冇遭遇過大家所遭遇嘅嘢、唔開心嘅事，咁樣點將呢啲嘢避免發生呢？呢啲嘢就要慢慢去調整。

愛TVB當然是其中一個重要的因素，但除了情感之外，有甚麼更實際的行動呢？曾生說：「當然，以前一年做咁多個騷，而家少騷咗，TVB就會同你講減騷，減騷緊係會唔開心喇月薪少咗，但呢啲係會自然出現架喎，但係我哋點樣照顧呢班曾經為TVB立下汗馬功勞嘅人呢？咁呢啲要商討，制度問題，但點都好喇，我希望我返嚟其中一個任務，大家都搵到錢，我希望藝員比以前搵到更多嘅錢。

佢搵到錢，佢自然就開心，佢自然就會喺度，以前有好多藝員離開TVB變為仇人，我希望呢件事第日唔會發生。當大家應該拍嘅劇拍到，應該搵到嘅錢搵到，有機會喺出面拍啲嘢，件事慢慢就會好。」