好耐无睇港剧了，以前噶溏心风暴啊、怒火街头啊、谈情说案啊、老表你好野啊、烈火雄心啊、我的野蛮奶奶啊、oncall36小时啊、使徒行者啊、冲上云霄啊、公主嫁到啊好多好多……
我都数唔完，特别系谈情说案唔知睇过几多次[doge]但系自从林峰、佘诗曼、陈法拉个滴演员唔系无线之后，好似失去左滴乐趣甘[失望]
好彩多得个NPC，搞到我系屋企闭关感多日，同妈咪晚晚睇翻港剧，最近呢部系真系好睇，最紧要系男主有甘上下颜值[哈哈]又盏鬼[doge]
女主生得似陈法拉有滴睇头甘啦
总之一句讲到尾，钟意港剧噶有趣

【愛花揸弗人】佘詩曼鼠年望吸劇本緣 拍好戲或演舞台劇

佘詩曼憑花寄意祝大家幸福平安。

佘詩曼（阿佘）過去一年工作忙碌，趁農曆年放自己假休息。她過年前先跟好友相聚，探望好姊妹梁靖琪及其初生B仔，大年初一做孝順女，陪媽咪去拜年。

阿佘每年新春只要在港，都會化身家中新春佈置的「揸弗人」，除幫媽媽整籮蔔糕，更會親自為屋企添置年花。阿佘說：「我向來好喜歡花，鍾意粉紅、紅色，感覺充滿喜慶的節日氣氛，望到滿室鮮花，有種好溫暖同幸福感覺。

鼠年是否希望加強桃花運？阿佘笑言：「桃花代表人緣，個個都想要，希望可以吸到好的劇本緣，2020年希望接到一部好電影，或者舞台劇都得，我想試下現場感受觀眾反應。愛情就隨緣啦！」阿佘今年特別買了不同的繡球花，據知繡球花的花語分別是希望、永恆、美滿及團聚，所以她憑花寄意，祝願讀者個個身體健康、幸福平安！

(即時娛樂)

#佘诗曼[超话]#

【On.cc】【雙贏攻略】佘詩曼化身美女鼠新春盼緣分到

阿佘化身美女鼠，喺大年初一同大家講聲恭喜發財，周年旺相

「視后」佘詩曼年前事業再創高峰，劇集連帶商演、廣告代言等工作，財源滾滾，名利雙收，令本身已有可觀身家的她，數字繼續直線向上，於內地劇《延禧攻略》劇效應下，保守估計其收入逾億，再加上名下幾個總值逾億的物業，其身家已暴漲至二億幾，認真令人羨慕！
去年大部分時間於內地拍劇的阿佘，難得新年放假返港鬆一鬆，為配合踏入鼠年的第一天，她悉心打扮穿上紅色貼身服飾晒弗爆身材，再於靚樣上「加工」化身美女老鼠，擺出不同可愛甫士向本報讀者拜年，祝願大家身體健康、事事順利！
睇住銀行簿就開心
談到去年事業成績，阿佘坦言的確唔錯，但尚有進步空間，寄望今年繼續努力，向全方位進發。對於有指她今年旺到爆，她聞言即開懷大笑說：「真係？咁我就會好開心，但都要做嘢嘅！（你舊年已經好好！）好好都要努力。（豬籠入水？）哎呀，我專注拍劇，拍兩部劇加埋70、80集，用好多時間，都開心，因為幾好發揮。（點獎勵自己？）冇時間獎勵，放喺銀行先。（你鍾意買『磚頭』喎！）冇睇行情，計劃都冇，但睇住銀行簿就開心。（好少時間見香港觀眾！）希望盡快同大家見面，TVB係有傾過，檔期唔啱啫！（過年後有咩工作？）最快3月先工作，所以非常珍惜喺香港嘅時間，會盡情吃喝玩樂同休息。（趁機約姊妹們出遊？）冇啦！全部都要湊小朋友。」
諗住生隊足球隊
貴為單身貴族，問到阿佘可渴望有愛情滋潤？她說：「希望啦！都冇咩所謂，工作、愛情、家庭、朋友，樣樣都好係好事，但邊有咁完美事發生，希望今年各方面會有更好成績。（唔係想行桃花運咩？）渴望唔到，因為唔係自己一個人嘅事，所以期待嘅。（都想脫單成功？）隨緣啦！」基於身邊朋友也升任父母，問到阿佘可會憧憬結婚生仔？她不諱言以前很喜歡小朋友，亦想過將來會生很多個：「諗住生一隊足球隊出嚟就正嘞！但當見到啲姊妹好辛苦，好忙、好攰，又冇乜私人時間，要畀晒佢哋喎！不過係另一種樂趣，但我自己都享受依家呢種生活，可以想做咩就做咩，想去邊就去邊。（拍散拖？）唔好喇啩！唔好畀壓力自己同對方，隨緣，兩個人開心就得。（呢段時間工作先？）一直都冇話咩行先，有咩做咩，遇到好戲就拍，遇到好拖又拍。（呢幾年有冇？）唔話畀你知，哈哈！（畀人影到先認？）影到先算！」正過着單身生活的她揚言也享受做契媽：「都係㗎！新年又嚟，派利是派到呢，但開心嘅，我都有成10個8個契仔契女。」
場地：Madame Fu Grand Cafe Chinois
化妝：Katherine Lo
髮型：Seiko Sin @ Hair Culture
服裝：Rosetta Getty @ Lane Crawford