【On.cc】一洗「女神收割機」污名　何依婷證羅天宇冇撩女

藝人羅天宇及何依婷因拍攝台慶劇《十月初五的月光》而傳出緋聞，今日（9日）首次於公開活動上碰頭，更大方一同受訪，男方說再見何依婷全不尷尬，但知道緋聞傳出後對方有少許不開心，女方解釋：「因為我哋真係做嘢，亦都好專業，真係冇做過任何嘢，覺得被屈好冤枉！但好彩我係金魚記憶，3秒之後就唔記得。」
她續大讚對方其實是「好仔」，並非外畀所稱的「女神收割機」：「佢係一個友善嘅人，好多人都可以做到好朋友，但佢唔花心、唔會周圍溝女、撩女仔、口花花，真係唔係。」羅天宇聞言即感動多謝何依婷讚賞，又自責謂：「我都唔好意思，好似累咗佢咁！其實都有少少影響自己心情，當時拍緊劇，有逼自己Focus番。（擔心影響你聲譽？）冇呀！都係咁，哈哈！身邊有朋友問過，我話『下！咁都信？』，張相話我哋拖手，但我對手明明喺上面冇拖，只係借題發揮。」之後或真有機會發展？他坦言：「冇向呢個方向諗，依家都係專心做嘢先！」

羅天宇笑得好怕醜。

何依婷力證羅天宇係好仔。

講回新劇《十》即將播出，他們均說好期待，其中何依婷首次孭飛台慶劇，問到會否大壓力？她表示沒有多想，拍攝期間完全專注劇本：「係咪台慶劇都唔由我控制，好彩成為台慶劇都係多得台前幕後嘅努力。」羅天宇讚對方雖然首次演重角，但都發揮得淋漓盡致：「唔似我之前做男一咁緊張，佢控制情緒自如，出到嚟效果更好，喊功又勁，真係可以10秒就喊到出嚟，呢方面我都要向佢請教！」何依婷謙稱只是代入感重才可猶如「水喉」般喪喊，再講到網民讚她於熱播劇《星空下的仁醫》中表現亮眼，她謂獲稱讚進步好開心，每次為演好角色，都會花時間研究劇本。

兩人外形合襯。

仲傳出緋聞。

羅天宇一洗「女神收割機」污名。

何依婷獲網民讚進步好開心。

#何依婷[超话]##罗天宇[超话]#

陳自瑤被質疑營造婚變假象 王浩信避談一家遊主題樂園

王浩信和陳自瑤（Yoyo）屢傳婚變，早前分別在不同日子，於社交平台上載與女兒到主題樂園遊玩的照片。有眼利網民指陳自瑤上周分享的早餐照片，疑似是3人份量，質疑他們始終沒有正面澄清是扮婚變。王浩信今日出席活動被問到此事時，繼續表示沒有回應，稱不想講太多家事。

講到早前他和囡囡慶祝萬聖節，他即說：「家人的事不講太多了。（之前帶囡囡去主題樂園，被網民指你和Yoyo扮婚變？）不回應了，都講了很多年。（是不是一家三口去玩？）屋企事不講太多了。」又說最近不用拍劇，會專注練好台慶唱歌的表演環節。

出爐港姐宋宛穎、梁凱晴、邵初及最上鏡小姐楊培琳均表示會用數百元投注，宋宛穎笑言首次到馬場，會試試是否有新手運氣。梁凱晴稱會用500元玩玩，指陳百祥前一場已「貼中」，可惜她們趕不及買，故會再問他攞貼士。邵初則表示會跟大隊，楊培琳笑謂會以自己的幸運號碼10號作投注。

【20211103】
#黄智雯[超话]##黃智雯#
更新Mandy相关新闻一则|hk01

黃智雯否認入廟求神庇佑攞視后 ：人哋話講咗會唔靈㗎！

黃智雯（Mandy)今日（3/11）現身將軍澳電視城出席my TV SUPER《Gi味俱全3》記者會。提到日前被拍得於大坑蓮花宮誠心拜佛，被指祈求神明庇佑力爭奪今屆視后寶座。Mandy笑言：「因為每年嘅觀音誕，其實我都會去同屋企人祈福，加上疫情嘅關係，我都想家人都健健康康，亦都唔係特登為咗要攞視后呢件事而去求嘅，只係每年都會做嘅一件事。（當中都有祈求攞視后？）各樣嘢順利啦，人哋話講咗會唔靈㗎，哈哈！」

被問能否有信心問鼎今屆視后寶座？Mandy表示：「其實每年都有提名，亦都有對手。要有一個機遇，而個角色觀眾要喜歡，而自己又要好投入到，令到觀眾有共鳴，幾樣嘢加埋要觀眾鍾意，其實係難嘅。不過始終對自己都要有信心嘅。（始終心情都會緊張！）其實我緊張台慶表演多啲，哈哈！因為嗰個已經過咗，其實演員嘅功課已經做咗，咁所以接住落嚟我都會專注返現有嘅工作上面。」