今晚校車叔叔同老師分別打電話比我..好消息係穎穎[豬頭]以為唔駛塞車了[鼓掌][鼓掌][鼓掌]..由於得4️⃣個人坐司機叔叔可自行改用OS山路返學..問我介唔介意肥[豬頭]最後1️⃣個先上車仲可遲10分鐘先出門口，我當然唔介意啦[色]簡直開[心]到飛起..至於老師今晚打來update我上堂情況..話穎穎其實係學校都不停有[淚]..頭一日仲[淚]到勁大聲要主任拖出課室安慰隻[豬頭]..老師話佢雖然喊但一邊喊都不停重複講到好多嘢..老師話今日穎穎[豬頭]算有點進步..特別上英文同普通話堂唱歌就冇[淚]了..最攪笑係老師話最後做勞作穎穎知道差不多要放學..即刻話唔駛做啦可以返屋企了..老師話你要填埋顏色先..然後教佢揸筆畫畫隻肥[豬頭]就毫不客氣坐喺老師大髀上面一齊畫..呢個貼身膏藥跟住老師話要過去幫一幫其他同學...穎穎望一望見到老師返嚟就同老師講你仲未畫完[污][疑問]老師同我講我真係笑到我飛起..到食茶點時間原來佢同老師講唔食係因為要留俾媽媽一齊分享..返咗兩日學老師發現穎穎用左手同埋唔可以食大啖都算佢有細心觀察到..跟住我問老師有冇踩單車‍♀️原來呢兩日穎穎[豬頭]都有踩單車時間[照相机]..我問老師穎穎夠唔夠力踩？佢話大架單車佢只踩到少少..然後佢叫老師喺後面幫佢推..笑到我..由於老師都怕佢日後繼續喊到好大聲影響到其他同學一齊喊..叫我今晚放張相落個度等穎穎掛住媽媽就拎出黎睇..總括來講幼稚園教師冇番咁上下愛[心]真係分分鐘比小朋友玩謝..希望肥[豬頭]每日[淚]少一點點

張艾嘉（張姐）日前接受香港開電視主播馬梓軒專訪，分享為楊凡執導的動畫電影聲演的感受，張姐笑言：「其實楊凡叫我做咩我都做架啦，哈哈！佢叫我契媽，所以契仔叫我做嘢，我點可能Say No呢？我同楊凡最開心嘅年代，係以前我住喺佢屋企附近嗰陣！當時佢係攝影師，我發覺佢影啲相真係好靚！到現時為止，我覺得冇一個導演或者攝影師可以影我影到最靚，除咗楊凡，所以佢永遠都係我嘅No.1！」

疫情期間，張姐一直留在香港，這段期間亦令她有另一番體會，張姐謂：「我覺得我更加認識香港！其實我喺香港住咗30幾年，但過去多數時間都拍緊戲，有時又要出埠，我根本冇真正長時間留喺香港生活過！而疫情呢段時間，留喺香港生活，我開始跑步，然後認識咗香港好多地方，好多係以前未去過，我發覺香港真係好美麗！」

談及兒子王令塵（Oscar），張姐表示雖然經常與兒子分隔兩地，但彼此關係從未疏遠：「我哋關係不嬲都好親密，雖然佢現時唔喺香港！Oscar一直都好獨立，佢14歲開始已經唔係成日喺我身邊，佢又喺外地讀書同工作，所以算係一個幾獨立嘅男仔！我一直畀Oscar自由發展自己嘅興趣，但同時我都要佢有規矩，特別係禮貌同埋誠實，呢兩樣嘢會對佢要求多啲！」

帶病開工巧遇發哥 蔣家旻即刻成個人醒晒

國際巨星周潤發（發哥）出名熱愛行山，不少行山友經常「野生捕獲」發哥，他亦樂於跟大家selfie，成了行山界的吉祥物。

不過要「野生捕獲」發哥同撞鬼一樣都好講緣份，蔣家旻今日在社交平台分享《換命真相》劇組與發哥的合照，表示昨日喺中環拍外景前，一直有偏頭痛，唔想靠藥物止痛，唯有痛住開工，加上皮膚敏感，令佢非常唔舒服。幸好拍攝地點附近有皮膚科醫生診所，喺休息時間就去咗睇醫生，期間巧遇發哥，原本又頭痛又皮膚敏感嘅佢，頭痛冇晒，成個人都精神晒，新嘅一樣。
蔣家旻見到發哥真係好驚喜，睇吓佢喺社交平台點寫，「超幸運！唔洗(使)行山都見到發哥！發哥呀！今次仲唔到我集郵！？成個人呆咗 興奮 心跳加速 成身熱咗 紅都面晒！就係咁 頭痛短時間停咗！成個人突然醒咗！今日既通告係值得架！感恩感恩，多謝發哥！」最後仲hashtag「發哥可唔可以返嚟幫我醫頭痛」