ཆོས་ཡང་དག་པར་སྡུད་པའི་མདོ་ལས།
སངས་རྒྱས་ཀྱི་ཆོས་ཐོབ་པར་འདོད་པས་ཆོས་མང་པོ་ལ་བསླབ་པར་མི་བགྱི་ཡི། ཆོས་གཅིག་ལ་བསླབ་པར་བགྱིའོ། །དེ་གང་ཞེ་ན་སྙིང་རྗེ་ཆེན་པོའོ། །གང་ལ་སྙིང་རྗེ་ཆེན་པོ་ཡོད་པ་དེ་ལ་སངས་རྒྱས་ཀྱི་ཆོས་ཐམས་ཅད་ལག་མཐིན་དུ་ཡོད་པ་ལྟར་འགྱུར་རོ། །ཞེས་གསུངས།#叶西达瓦[超话]#

སློབ་ཁང་ཕྱིའི་སློབ་ཚན་ཉན་ཐེངས་གཉིས་པ་དེ་ཡིན། ཐེངས་དང་པོ་ཙད་པས་མནར། ཐེངས་གཉིས་པ་གྲང་ངར་གྱིས་བརྙས། དུས་རྒྱུན་སློབ་ཁང་སྒེའུ་ཁུང་ཕྱིའི་ལུས་རྩལ་ཐང་དུ་ལུས་རྩལ་སློབ་ཁྲིད་བྱེད་མཁན་དག་ལ་སྨོན་པའི་སེམས་ཁམས་དེའང་འགྱུར་བ་ཞིག་གཏོང་དགོས་བྱུང་།[挖鼻] https://t.cn/RIa6kI6

གཏིང་མཐའ་བརྗོད་མེད་བཻཌཱུར་བདུད་རྩིའི་མཛེས།།
སྲིད་གསུམ་སྙིང་སྡུག་མཚོ་བྱུང་ལྷ་མོ་ཞེས།།
དྲི་ཟས་དབྱངས་སྙན་སྒྲོག་པའི་ཛ་ན་མོ།།
ད་དུང་ངག་གི་དབང་ཕྱུག་ཁྱེད་ལེགས་མཛེས།།

སྒྲིབ་བྲལ་ཉ་གང་ཟླ་བ་དཔྱིད་ཀྱི་དཔལ།།
ཚངས་པའི་ངག་གི་སྲས་མོ་དབྱངས་ཀྱི་དཔལ།།
ཁམས་སུམ་ཡིད་རྣམ་འགུག་པའི་ལྕགས་ཀྱི་མ།།
ཕྱོགས་ལྷུང་མེད་པར་དབྱངས་ཀྱི་ཤེས་པ་སྩོལ།།

དབྱར་ཟླའི་ཆར་ཆུའི་ལོ་ཏོག་ལྷག་པར་ངོམ།།
དྲི་ཟས་ངག་རིགས་གཙང་མའི་ཡིད་རྣམ་དྭངས།།
སྒེག་ཉམས་ལང་ཚོའི་མེ་ཏོག་འགྱེད་མཁས་མ།།
ལྷ་ཆེན་ཚངས་པའི་ཐུགས་ཀྱི་གཟི་དཔལ་མཆོག།

སྤྱི་ལོ་/༢༠༢༢/༡༡/༡༧/ཉིན་སྣང་རྒྱ་ཡན་གྱིས།