老豆成日口芽夹夹要翻仁济路，年前同佢翻过一次，开心到咩咁一路鸡啄唔断。趁住天口无咁兴又无落雨，顺便训练翻下佢啲脚骨力，晒晒太阳咪成日恰眼训，就又同佢翻去行行。
本嚟谂住去爱群旋转餐厅饮茶怀念一下，点知去到先知而家旋转餐厅唔做中餐了，只有西餐。佢对西餐麻麻。阿妈谂住去附近其他酒楼食，结果东方之珠、大同、新华全部都无得食了，阿妈好唏嘘：点解会咁㗎……
年前翻去个阵，一路几乎都水静河飞，而家就好嘘冚，嘘冚到我哋擘大个口得个竉：成条街隔几户就係一个批发衫嘅仓库，拉车街头拉到巷尾，加上外卖送餐痴卓咁转，同年前对比……你都唔知话佢旺定唔旺……门口石凳依旧在，住家无见几个人。
街口就真係旺过卢旺达，买快餐嘅后生仔女係马路边排到入巷，老豆撞到上次个街坊，好傻好天真咁问人哋：佢哋排队做咩[允悲]——揾食咯大佬！街口以前係猪肉档，又卖下菜咁，记得细个个阵四五点定係五六点就会听到好大声嘅斩猪肉声，好似仲听过劏猪叫[裂开]凌晨静英英，啲木楼根本无咩隔音可言，简直好似就係耳仔边响咁样。而家唔同晒咯，两边打横同年前两个样，快餐店烧腊铺粥粉面饭间间爆棚，仲有啲水果铺士多仔係店外面摆出少少摊，人行道本身就窄，货人车精彩过六角大封相。

记得细个个阵，有次落课翻到屋企楼下，係都要同同学仔玩一餐再翻上去，就係隔离再隔离屋门口，石板铺嘅石梯上面玩sir滑梯。个阵有把深蓝色嘅企鹅图案嘅直柄遮，我好钟意，个日挪个柄勾住人哋铁门嘅铁支，自己同同学仔揸住遮尾好似扯大揽咁，幻想攀岩‍♀️拉住上去……大人觉得好无聊，细路反正唔做功课嘅嘢都係正嘢。记得咁清楚係由于玩得太嗨，遮柄都焖断咗，俾老豆闹咗一烂餐。大人係唔记得噶喇，只有已经变成大人嘅细路仲记得。
印象中，个几级石级好高，我哋拉住遮，攀啊攀啊攀，好“辛苦”——虽然有演戏成分——先爬到上去。但係而家睇翻，就係一个高抬腿嘅距离。

大人真係好无聊啊。

图係年前影嘅，呢棵唔记得係九里香定係米仔兰，同个棵唔记得係乜嘅藤，从我细个纠缠到家阵时都依旧咁健硕。希望大家都一样。

6/2:爷爷想她好好吃饭好力气，就问她，“爷爷点解咁大力啊？”bb：“爷爷饮烧酒所以好好力”。bb叫爷爷按手机，爷爷说爷爷不会，bb：“叫嫲嫲示范下俾爷爷睇啦”。[笑cry]6/3:她拿着樱桃很可爱，我说帮她拍照她摆了这个pose，不知道哪里学的。我吃完樱桃说要去倒核，她说：咁D水驶唔驶倒啊？（泡樱桃的水）[思考]。6/6:去逛吉之岛，我拿起商品看，翻面看配料，放回去。她学我，拿起来，翻面看，放回去。[哈哈]6/7:“妈咪快d过来坐下张凳啦！咁舒服，又有猫耳朵。”6/9:嫲嫲：“同妈咪讲bb冲咗凉喇。”bb却说：“爸爸冲咗凉未啊？”爸爸：“未啊”bb又说：“妈咪冲咗凉未啊？”我：“未啊。”bb：“bb冲咗囖啵！”6/11:拿着一包白芝麻问我是什么颜色，她自己说：“係白色係米呀？”然后又说：“应该“算”係白色。”[并不简单]6/12:看电视有工程车和海豚，bb：“（工程车）海豚都惊？海豚唔惊啊嘛。”我：咁鲨鱼惊唔惊啊？bb：“惊…”6/13-14:成日叫弟弟唔好做咩做咩，“做咩食羹羹啊，唔好食啊，糟糟噶，唔好食啦！”6/14:买了新口罩要求出门散步，主动叫士多的姨姨，同姨姨讲话去街口散步，话自己有新口罩：“我地去街口散步啊，bb有新口罩啊嘛！”6/18:指着自己的白云衫：“白云都会落雨噶咩？唔系乌云先会落雨噶咩？”[并不简单]6/19:叫妈咪进房间玩，我说bb先进去，妈咪吃完这颗荔枝进来，她说：“bb‘等埋’妈咪入房间。”进了房间她又跑出来：“bb‘唔记得’拿部车车”。[嘻嘻]

又到四点几了⏰ 宜家发周记应该冇人睇吧
讲一下最近想讲嘅说话吧咁就
1⃣️之前整咗个手磨翻嚟结果心碎时刻用嚟形容最近生活情绪真系冇得顶[跪了]
3⃣️今日收到咗Timetable新店邀请函嗯加油
7⃣️“系我拣嘅云吞面，其实三星粉同云吞面都好好噶！三星粉一滴唔差噶真系好好[跪了]最后果日都系拣咗云吞面都好好食”
9⃣️本来想拉个郁金香俾条女 结果变咗k型我真系无语自己[摊手]
2⃣️叫czx嚟试下我杯拿铁毒害佢哈哈 果日拉嘅花都算有轻轻少少进步 应该算系比较好的一次了吧 虽然还是很烂[拜拜]
5⃣️系今个礼拜二系师傅度（士多咖啡）拍产品，我同杰佬已经饮到fafa声了
：我发现我真的很喜欢天空 睇住滴云慢慢郁真系好想乜都唔理 就咁发ou斗 咩都唔使烦
8⃣️23号果日一早心态临近崩溃去番禺稳yyx倾聊心事[跪了] 跟住下昼yjm都嚟咗一起去大石打麻将打完出嚟见到好治愈的蓝天
P15 :手冲咖啡的时候望住粉层冒泡咕嘟咕嘟真的很舒服
P13 :我真系无力吐槽我点解要接这个推广，这么大个牌子包装能不能搞体面一下，真不知道怎么拍了 头痛
P10 :对的是星之卡卡比呜呜好得意
P13 :富士好兄弟
-
师傅问我今年打唔打比赛，我话打如果有的话，[泪]上年的比赛因为第一次经验不足有遗憾，大家话点解滴比赛相冇我嘅[泪]今年摞个Abrc广州冠军翻嚟！加油
ps：“人总是要进步的啊，总结自己做得不好的地方，如果还有机会的话就要改正啊[跪了]不要再错下去了就算再怎么内疚痛苦和憎恨自己，”
凌晨五点了，训觉啦