ཁ་རྩང་སྟེ་བོད་རབ་བྱུང་བཅུ་བདུན་པའི་ཆུ་ཕོ་སྟག་གི་ལོའི་སྟོན་པ་ལྷ་བབ་དུས་ཆེན་ཏེ། ཧོར་ཟླ་དགུ་པའི་ཚེས་ཉེར་ལྔ་ལ་ཁམས་གསུམ་ཆོས་ཀྱི་རྒྱལ་པོ་སྐྱེ་དགུ་འདྲེན་པའི་དེད་དཔོན་ཆོས་རྗེ་ཐམས་ཅད་མཁྱེན་པའི་ཚེམས་གདུང་ངེད་སྨར་དང་རུ་ཆེན་དུ་གདན་འདྲེན་བྱས་ནས་རུ་སྡེ་མི་སེར་ཡོངས་ལ་མཆོད་མཇལ་བྱས་པའི་ལས་དང་སྐལ་བ་ལྡན་སོང་།

བསྟོད་ཚིག་སེམས་ཀྱི་ཕྲེང་བ།

－－གངས་སྨྱུག་སྲས།

རབ་ཡངས་མཁྱེན་རྒྱ་ནམ་མཁའི་ཀློང་དཀྱིལ་ནས།།
ལེགས་ཚོཊ་ཤེས་བྱའི་རྒྱུ་སྐར་དཔག་མེད་འཁྲུངས།།
བྱམས་བརྩེ་བཅུ་དྲུག་ཆུ་གཏེར་ཉམས་འཛིན་པ།།
ཟླ་མེད་བཤེས་གཉེན་ཁྱེད་ལ་གུས་པས་འདུད།།

ཕུན་ཚོགས་འདབ་སྟོང་བཞད་པའི་ངུར་སྨྲིག་མདངས།།
མཛའ་བའི་སེམས་ཀྱིས་བཅུ་ཕྲག་རིག་གཞུང་ལ།།
རྣམ་དག་ཤེས་རབ་མཚོན་གྱིས་རྣམ་དཔྱོད་ལྡན།།
ཟླ་མེད་བཤེས་གཉེན་ཁྱེད་ལ་གུས་པས་འདུད།།

ལྷག་བསམ་བཅོ་ལྔའི་དུང་ཟླའི་རང་གཟུགས་ཤར།།
བྱམས་བརྩེ་རྟ་བདུན་དབང་པོའི་མུན་པ་སེལ།།
བླང་དོར་ཟབ་མོ་གདམས་ངག་མཆོག་སྟེར་བ།།
ཟླ་མེད་བཤེས་གཉེན་ཁྱེད་ལ་གུས་པས་འདུད།།

༢༠༢༢/༩/༢༢/ཉིན་བྲིས།

࿇

     སློབ་མ་མང་པོས་ང་ལ་ཅི་ཞིག་ལ་དགའ་བོ་ཡོད་ཅེས་ཞེས་དྲིས་ཀྱང་ངས་ཇི་ལྟར་བྱས་ནས་ལན་འདེབས་དགོས་པ་མི་ཤེས། རྒྱུ་མཚན་ནི་ངས་“ང་”བསྐྱུར་ནས་ཡུན་རིང་འགོར་སོང་བས་རེད། དོན་དངོས་སུ་ངས་མི་གཞན་ལ་བདེ་སྐྱིད་སྟེར་ཐུབ་ན་དེ་ནི་ངའི་བདེ་སྐྱིད་ཡིན།

                           -རྗེ་ཀརྨ་པས།

༶

    很多弟子问我喜欢什么，我也不知道该怎么样回答，因为我已放弃“我”很长时间了。其实呢，只要我能令别人快乐，那就是我的快乐。

—大宝法王噶玛巴