ཐབས་མཁས་ཐུགས་རྗེས་ཤཱཀྱའི་རིགས་འཁྲུངས་ཤིང༌།།
གཞན་གྱིས་མི་ཐུབ་བདུད་ཀྱི་དཔུང་འཇོམས་པ།།
གསེར་གྱི་ལྷུན་པོ་ལྟ་བུར་བརྗིད་པའི་སྐུ།།
ཤཱཀྱའི་རྒྱལ་པོ་དེ་ལ་ཕྱག་འཚལ་ལོ།།
善巧慈悲生于释迦族
他不能胜摧毁魔大军
犹如金妙高山巍峨身
释迦胜王于彼前顶礼
མཚན་སྔགས། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱཧཱ།
心咒；翁牟尼牟尼 嘛哈牟尼耶娑哈
[合十][合十][合十]

༼གལ་ཏེ་ང་ལ་ཉིན་ཐོ་ཞིག་འབྲི་སྲོལ་ཡོད་ན༽
࿑མིའི་རིགས་ཀྱི་རྣམ་རྟོག་གི་འཇུག་པ་མྱུར་བ་དང་གསལ་བ་ལ་སོགས་པའི་དབང་གིས་ཕྱིའི་དངོས་པོ་ཡར་རྒྱས་སུ་ཕྱིན། གོ་ལ་དང་གོ་ལའི་བར་གྱི་འགྲོ་འོང་དེའང་ གདོད་མའི་དུས་ཀྱི་ཁྱིམ་མཚེ་ཕན་ཚུན་བར་གྱི་འགྲོ་འོང་ལྟ་བུར་ཆགས་ཡོད། འོན་ཀྱང་དེ་ཙམ་གྱིས་ང་ཚོའི་སྡུག་བསྔལ་གྱི་ངོ་བོ་ལ་འགྱུར་བ་གང་ཡང་གཏོང་ཐུབ་ཀྱིན་མེད།
ལོ་ངོ་དུ་མའི་སྔོན་གྱི་མཁས་པ་དག་གིས་ སྐབས་དེའི་གནས་སྟངས་ལ་གཞིགས་ནས་གསུངས་པ་དག་ཀྱང་དེ་དགོང་ཁོ་བོ་ལ་བལྟས་ནས་གསུངས་པ་འདྲ་བ་བཞིན་དུ་ སང་ཉིན་ང་དང་ཁྱོད་ལ་བལྟས་ནས་གསུངས་པ་རེད་སྙམ་པའི་སྣང་ཚུལ་ཞིག་འབྱུང་ངེས།

ངས་འདི་ལྟར་བཤད་ཡོང་དུས་ཁྱེད་ཚོ་རྨོངས་སྲིད་པས། དེ་སེལ་བྱེད་དུ་ངས་དཔེ་མཚོན་གཅིག་ཁོ་ན་འདིར་དྲངས་ན།

རྒྱལ་སྲས་ཆེན་པོ་ཞི་བ་ལྷའི་ཞལ་ནས།
࿑བདག་ནི་མལ་ན་འདུག་བཞིན་དུ། །
གཉེན་བཤེས་ཀུན་གྱིས་མཐའ་བསྐོར་ཀྱང་། །
སྲོག་འཆད་པ་ཡི་ཚོར་བ་དག །
བདག་ཉིད་གཅིག་པུས་མྱོང་བར་འགྱུར། །
གཤིན་རྗེའི་ཕོ་ཉས་ཟིན་པ་ལ། །
གཉེན་གྱིས་ཅི་ཕན་བཤེས་ཅི་ཕན། ། ཞེས་གསུངས་པ་བཞིན་ནོ།། གལ་སྲིད་ང་ལ་ཉིན་ཐོ་ཞིག་འབྲི་སྲོལ་ཡོད་ན་འདི་ནི་དེ་རིང་ངའི་ཉིན་ཐོ་ཡི་ཆ་ཤས་ཤིག་ཡིན་པར་ངེས།༢༠༢༢\ ༡༠\ ༢༢\ ཉིན་རྨ་པྲཛྙཱ་ནས།

པཱ་ལགས། སྐར་མ་ཁྲི་སྟོང་ཁྲོད་ཀྱི་དུང་ཟླ་དཀར་པོ་དེ་ཁྱེད་རང་ཡིན་ནམ། དོ་ནུབ་ངོ་མ་ངས་ཁྱེད་རང་ལྷག་པར་དྲན་བྱུང་། པཱ་ལགས། ཟླ་འོད་དེ་ཁྱེད་ཀྱི་ངའི་སྐྱོ་རོགས་སུ་བཏང་བའི་ཕོ་ཉ་ཡིན་ནམ། ངོ་མ་ངས་ཁྱེད་རང་ལྷག་ཏུ་དྲན་བྱུང་ཨང་།

---བློ་བཟང་དཔལ་སྐྱིད་