張敬軒THE NEXT20演唱會，進入第4場，軒仔連續三晚都同觀眾訴心聲，坦言不想再於張竹君醫生口中聽到他的名字。

軒仔於演唱會上跟觀眾交流，其實今次疫情緩和補場，他有跟公司表達意見，「不如我哋搵過個時間再開啦，我真係唔想再喺張醫生個口到聽到『張敬軒』呢三個字。我哋同事係咪可以送張飛俾張醫生睇？佢呢三年都好辛苦。我又好擔心明明大家好開心睇演唱會，我哋又好辛苦做好個製作，但係好多不明因素之下，令大家有人生安全憂慮。一月份暫停個騷後，我好多晚都好難瞓得著。公司同我講，退飛觀眾唔夠3%，我喺呢度真係要多謝大家，多謝每位觀眾喺呢二十年裏面，對我包容同愛。」

第二晚及第三晚，軒仔請來吳林峰及洪嘉豪做嘉賓，第四晚更請樂隊DEAR JANE。

軒仔表示很喜歡吳林峰的聲音，兩人認識由網友開始，及後邀請吳林峰為他寫歌，對方非常快手，馬上交了五首高質作品給他，更預告很快大家便會聽到兩人合作的作品面世。而吳林峰則表示，當他收到軒仔工作人員邀請他任演唱會嘉賓的電話，心想：「會唔會係搞錯？係咪想搵林峯咋？」引得觀眾哈哈大笑，接著他又說，從前參加歌唱比賽，別人告訴他，唱張敬軒歌一定可以入決賽，更說可以溝到女。他信以為真，便揀選軒仔的歌，不過就從未入過決賽。曾經他懷疑過，一定是歌的問題，不過現在回想應該是自己個人問題。軒仔接話，「一定係你個人問題啦！哈哈。不過唔緊要，今晚咁多觀眾係到做評判，都聽到你咁美好嘅歌聲，我再交個台比你唱多首啦。」接著吳林峰再用完美歌聲唱出個人作品《我也難過的》。

第三晚嘉賓洪嘉豪上台時，向軒仔這位哥哥道謝，表白沒有張敬軒就不會有洪嘉豪，場面感人。洪嘉豪是軒仔前經理人的兒子，從小便跟著媽媽及軒仔開工，「我識咗軒仔哥哥二十年，當我讀大學嗰陣，我同媽咪講想試吓作曲做音樂，我就突然收到軒仔哥哥電話，叫我喺尖沙咀某某琴行等，然後佢就買曬所有製作音樂嘅器材俾我，琴啦、電腦啦好多好多，直到今日大家聽到由洪嘉豪作曲嘅音樂，都係用佢送俾我嘅器材做出嚟，流住張敬軒DNA，冇張敬軒就冇洪嘉豪今日音樂上嘅道路。真係好感恩，所以我今日特別送咗花語 : 『感恩』嘅花送俾你。」軒仔接過花就口多多話，「長話短說啦，你送花俾我，我都要回個禮。」然後將跟隨自己多年的紅色咪送給洪嘉豪，「你記唔記得有一年你跟我去澳門演唱會，我想落台聽下觀眾席啲聲，叫你幫我代唱時，你就係用呢支咪，而家我將呢支跟咗我十年嘅咪送俾你，希望你有一日拎住呢支咪上紅館！」洪嘉豪謂沒有想過軒仔會將這麼貴重、有紀念價值的咪送給他，當場被感動得差點落淚。

第四晚軒仔請來Dear Jane，他坦言跟Dear Jane的緣份真的兜兜轉轉，「佢哋開演唱會，自己好想去做嘉賓，但又撞咗期；上次邀請咗佢哋嚟做嘉賓，啱啱好就係殺停咗佢哋答應嚟做嘉賓嘅日子，好彩今次大家可以真正相聚。」

Dear Jane表示，認識軒仔十幾年，「當時軒仔買錄音機嚟我哋band 房，啱啱瞓醒個樣。之前有一個好靚嘅錄音室喺廣州，免費借俾我哋用幾日，準備埋食宿，三餐包曬！最特別係知我哋錄完音好肚餓，連宵夜都準備埋，五，六年前，我已經教佢哋隔離，真係好細心，好多謝你。」軒仔就話：「我係Dear Jane Fans 嘛。」隨後，Dear Jane表示帶備禮物送給軒仔，叫軒仔站在他們中間，然後四人一齊向他做心心手勢，軒仔開心大笑，「我好少俾四個佬咁樣，哈哈哈，好驚嚇，多謝曬，Love You too！」

此外，連日來也有不少圈中好友到場支持，昨晚Mirror Stanley及其女朋友Alina也有到場支持。

演暖男Oppa入晒屋的男神#周柏豪#，突襲繽FUN星網節目《串椒3姊妹》，使盡渾身解數電暈「50+」姐姐#梅小惠#、#曾華倩#及#江欣燕#，他更自爆與梅小惠「姻緣」早注定，對方堪稱他生命中的「第一」；又曾獲曾華倩帶挈賺錢，當正她是貴人，口甜舌滑冧爆姐姐們！雖然氹女有一手，但他笑言始終難敵「前世情人」，被囡囡Sonya食住！
周柏豪憑劇集《#多功能老婆#》中暖男「浩田」一角冧盡萬千女生，同樣被迷倒的3姊妹為支持男神，特意自費買入其品牌的顏色Tee，着住錄製節目，令柏豪相當驚喜：「又感動又唔好意思！」並隨即送上品牌吉祥物、在《多》劇大受歡迎的「阿肥」貓星俠絕版公仔作回禮，非常有心。
柏豪雖然已為人父，但36歲的他面對一班「姐姐」即變「小鮮肉」，當中大他19年的曾華倩笑說：「我主持《430穿梭機》嗰陣，你都未出世呀！」但柏豪揚言對3位「姐姐」非常熟悉，當中與梅小惠最有淵緣，因早在童年已有一面之緣，他說：「細個有次去尖沙咀，媽咪拖住我，你就正面行過嚟，媽咪話你係我第一個見嘅明星，嗰時我大約4、5歲。」梅小惠即說：「重點係你媽咪當我係明星！」又搞笑說：「原來小惠姐姐喺你細細個已經種下我哋嘅姻緣！」柏豪又指入行初期曾與曾華倩合作，更被帶挈贏大錢：「我入行做過一個投資嘅綜藝節目，嗰陣我哋一組，贏咗成4萬幾蚊！」
被「前世情人」Head住
談及演暖男入型入格，現實中的他同樣是暖男一名，入行前已跟老婆拍拖的他，坦言老婆從未因其緋聞擔心：「反而係佢畀信心我，我做任何嘢，佢都會支持我。」又透露與老婆是在時裝店偶遇一見鍾情，後來在交友網相認，才發現是鄰居，非常有緣！雖然老婆給予無限空間，但他笑指女兒出世後已「還清」：「依家冇嘢代替到我個女，所有嘢都淨係諗佢，我老婆15年嚟都冇治過我，終於有個人治到我！」

#花时光##小葵的一天##住家饭# 琴日d uncle auntie來探小葵。其實係來痴餐️波波話要早d，老田話未起身，我叫波波你唔好咁早到，咪大葵以為你係我家屬，你同老田拖住手到就得～今次有客人來，我娘先終於捨得買大隻d嘅蝦，實現我幻想中的飽滿。逐隻拆殼挑蝦線。滷左叉燒，鰂魚身清蒸，頭尾滾節瓜白貝。老田提議帶朝偉去沙面。我話上次醫院出來，我係路邊遛了一下小葵，個阿姨行過來問，呢隻咩狗來嘎？陰功咯，眼神咁憂鬱嘎我話佢從細到大都係咁憂鬱的眼神。老田話，所以佢叫朝偉咯！去到沙面散步，見到好靚的大草地，我叫老田幫我用拍立得同朝偉留念。睇左個效果，對老田都幾滿意，滿懷信任咁交多次任務比佢。結果有了驚為天人的『搜救犬夜以繼日救出煤礦洞裡的挖煤工人，雙雙逃脫成功的一幕』我真系服了！拍出了山西的感覺！我就話世界真系從來就唔公平，我拍佢係義大利貴婦與小狗。老田話，你馬上挪番個張溫哥華草地少女與baby葵出來！！
️老田去買了杯青提茶，我莓了一啖仔，我話一聞就香精味了！然後我遞比波波叫佢聞下！我伸到隻杯埋去，佢突然嘟長個嘴要飲！️老田爆笑我話我叫你聞！你自作多情嘟長個嘴做咩！好似d表錯情的咁️
散場之後波波搭我番屋，沿路播左『還是覺得你最好』『非走不可』『最愛演唱會』一路上聽住幫小葵拍左d兜風視頻，真系好傷感。補番數陪你多看看世界。
番到樓下等電梯，有個女人從樓梯落來出門，佢打電話話唔記得挪野，又番轉頭，佢回頭見到，講了一句「哇！隻狗好可怕！」即佢當我係鬼婆？唔識聽中文？我講了一句「有你可怕？」我真系後悔無鬧多幾句，你成隻丫烏婆咁，拉埋你出去同我只狗一起企街做下調查，睇你個樣可怕定我只狗可怕？真系嬲，你自己覺得可怕你就係心講，對住個主人講係咪身痕？我同番老田地講，佢話沿路拉住小葵，d人都話佢好乾淨好乖啊！不過就好瘦。
我小葵受了咁多苦，仲要比你隻丫烏婆咁講！邊個再唧唧呱呱我同佢s過主人一定會保護好你！因為你都守護了我好耐。
每日企係個陽台6個鐘以上，無時無刻都望住外面的世界，每次望住佢背影，我就會唸，佢係咪自己都好唔捨得呢個世界呢？