我釣魚的路（213）覆啅汕頭
上次去汕頭南澳島並吾盡興亦都對當地船家產生壞印象所以冇咩興趣再去，尼D完全同魚穫無關！係因為船家態度問題！
我QQ群有好多嚟自全國各地釣友其中有幾位汕頭嘅極力邀請我去，佢有自己快艇，講明只允許上佢船釣爆自己一個28L冰箱必須停釣不能多釣，咁犀利？我睇佢發D魚圖大部份係雞魚同扯旗仔，咁釣爆一箱吾難吖！不過再吸引我吾係尼D而係釣點，佢話出南彭列島！南彭最出名係火箭魷，多！收到料紅斑，赤立，白立都吾少！仲有一樣魚特別多～石馬頭！釣尼D咪吸引囉！
5/6/2015中午出發直上澄海，經過4個幾鐘車程到達，匯合我汕頭群友大家一齊去食翻個汕頭牛肉火煱，正！
翌日一早出發又經過南澳大穚 ，今次吾係免費要80過橋，都吾平！去到南澳碼頭見我艇只有大約兩斤生蝦好似吾夠就問可吾可以再買，群友話好難釣晒兩斤蝦！吓！我地五個人喎！望望佢地D餌，哦！玩假餌同南極蝦！尼D吾啱我所以我選擇吾同佢船，出發！手絲嘅一船！高大上一船！其實佢見我地冇竿都好似有D睇吾起咁！吾緊要啦！各有各玩！
四五級風車船上浪，個幾鐘後船停低拋錨，望下環境好多出水石，我地就離出水石冇幾遠拋錨，開工！粗石底！好多石狗石釘釣到，釣下釣下整條紅斑，斤頭！釣下釣下又釣幾條石馬頭！哈！尼度真係比埋面南澳島好！船都吾錯不過冇生倉只能用魚籠吊出船外養魚，船家亦會見疏口起錨轉位，但係每次轉位都要收返起魚籠較為麻煩！又轉位！釣條十幾両大石崇！正準備放魚入魚籠但係搵吾到籠！哎呀！轉位時吾記得拎返起個籠成個扯走咗！慘啦！有三條紅斑七八條石馬頭架！冇晒！頂！冇計啦！再釣過囉！釣下釣下流水開始急開始難釣，換上重鉛改倒吊釣組，魚疏咗！我女徒弟突然好緊張雙手隊住副絲，我一手搭過去睇下係咪料，一搭一扣絲即頂佢！係魚！絲應該有15磅夠力我就俾返佢自己扯爭取經驗，佢攞返線紥行馬扣緊絲就開力隊！連隊五六手就斷咗！浪費呀！新人始終係新人！死扯吾識就！我判斷過起碼有五斤！冇囉！流水越嚟越快！冇得玩啦！蝦都冇啦！返歸
上到岸友艇比我地更早返到 ，只釣得三條煙仔！見我地有兩條紅斑（本來5條）就話你地尼種手絲釣法釣紅斑幾好，可以推廣一下！哈哈哈！梗係生蝦釣紅斑啦！吾通南極蝦主攻紅斑咩？

我釣魚的路（207）突破
釣魚吸引人嘅地方就係有好多驚喜，期望每一次出釣有突破！可惜對我嚟講追夢年代以過，要突破自己以往嘅記錄真係諗都吾使諗！不過就見證吾少身邊釣友打破自己記錄，同樣開心！
15/12/2014三四級風，有浪，水濁，兩艇！咁嘅環境吾理想怕兩艇齊出外會同龜所以買個保險一出一埋，上個月我111魚仔杯釣魚比賽系沙廠蠔排釣吾少絲立，冠軍艇共釣上百幾斤，一艇去嗰邊釣較穩陣 ，我同白果出燈火搏殺個上午先返過去。
我地出到燈火都有D浪，水又濁！既然嚟到點衰環境都要釣幾寨睇下吖！同艇有一新釣友一直用開竿又暈浪只在漁排釣同我講冇咩大條魚釣過，我話去船釣遇到大條D嘅魚機會會高D所以佢就鼓起勇氣食定暈浪丸一齊嚟！同船仲有我中醫和另外一位報吾少次團釣友，白果拉著部細機頂流後大家相繼放絲，用竿釣友搞咗一大輪最後先放，兩寨都冇魚咬！第三寨用竿釣友有魚食埋嚟俾佢抽到，見佢起吾到頭頂實頂實甚為緊張，頂咗陣終於起到頭連搞好多下，我就話魚以離石放心扯，佢一邊就魚我一邊俾好多定心丸佢食，見佢淡定咗而條魚亦砌到上嚟！13斤鰲仔破咗佢自己記錄！為佢開心！返寨！白果見有鰲仔就改用我送俾佢嘅18磅絲，到位放！冇幾耐白果又食住！白果食住梗係佢候艇俾個咁辛苦嘅扯魚任務我啦！我一接過線就開力扯！當年嘅鰲仔都係十零斤多揸住18磅直頭當佢冇到呀！吾使一分鐘就俾我隊咗佢上嚟！比之前嗰條大DD，14斤！吾錯吾錯！有廿零斤嘢責倉定晒！再返寨！冇咬！大家都坐到好定！入面自己友打電話過嚟叫我地返入去，話好多絲立食餌！咁就呔多一兩寨啦！最後一寨我中醫郁手，我俾副5號絲佢用見佢車輪手係咁扯，吾係鰲仔由佢自己扯，到艇！見佢成條魚 fing上嚟，嘩！真係估佢吾到！送尾兩斤黃花！走！返埋去釣絲立！
返到去就冇咩嘢好講啦！離遠見到自己友成船人手舞足動，車到埋去見佢地個生倉都開始焗水，哈哈哈！仲大講風涼說話釣到吾想釣！吹漲！我地綁好艇之後就只係放落食，放落食，食到吾到底都食！魚非常多呀！釣到收工兩艇生倉都實一實，又爆大穫！

我釣魚的路（204）生機
踏入2014年發覺好多生機，內堂好多不停啲餌嘅魚仔，一放餌落去就啲啲啲，啲啲啲！真係啲到你煩，密口到吾釣！咩魚？五蚊咁大嘅黃腳仔！記得我在美孚新村初學釣魚時都係咁！好多黃腳仔！隨釣隨放無數！從好嗰方面睇尼D新生代係證明黃腳繁殖非常健全，黃腳雖然生長較慢但係通海都咁多以可以預見下年有大把成長到，而事實系2015年大爆黃腳！可惜我地香港想再見到一海黃腳嘅環境以係奢望！唉！衣加想釣一兩條都難！好彩澳頭冇香港發展得咁快仲有D立俾我玩下！但係見國內對海釣知識薄弱只慣用打誘餌粉定點釣法，特別係佢地玩船磯D粉係填海式倒入海完全吾知咁做會破壞海床，概念係冇魚咬就吾夠重窩！！！！死得啦！我見到佢地咁搞法都預見到將來會越嚟越少立釣，唯一能做嘅只係帶入正面釣魚知識，引導佢地轉玩更有效率嘅頂流釣法！經過我四五年努力到2014年開始見到D成效，有吾少國內釣手報111魚仔團一齊去釣魚啦！好多人都以為我自己用手繩會抗拒用竿嘅同船，錯啦！我係十分歡迎用竿嘅上船指導我！不過好奇怪好多同過我船玩過嘅最後都吾知點解會放低竿改用上手絲，搞下搞下澳頭D國內釣手好多都改用手絲，我相信係全國最多人手絲頂流艇釣嘅釣點！同尼D國內釣手同船真係每次都有趣事諗返起都好好笑！記得有次有幾個第一次報名，4艇我要同佢地安排落艇，是日三四級風可出外可吾出，我問邊個想出外搏？幾個國內嘅異口同聲都話出去，好！三個國內嘅加上我叫一個比較有經驗嘅香港釣手坐白果船帶佢地，我就坐腐竹艇內灣釣沙鑽，點知佢地三個未到釣點以瞓低晒，全部中壓！又有個內灣釣立成日由船頭走去船尾又由船尾走返上船頭，總之邊個扯條立佢就走佢旁邊釣，佢釣到就嚟收工都未立魚發市，最後佢借用人地副手絲一落馬上釣到一條巴掌黑沙，跟住就話原來手絲咁好手感，哈哈哈！
只要你地吾好破壞海床魚能夠繼續繁殖落去就得啦！
2014年夏天係一個過渡期，立魚苗都在搏命進食令自己快D大有自我保護能力所以整個立季都冇咩驚喜，都係魚仔多！