因為人哋爭得好睇囉，唔會好似溏心咁，爭產流於幾個女人口舌之爭，妳一句我一句，加啲金句

首页发布

每次半夜醒咗，都注定眼光光等天光。而每次喺個個時候都會令我冧起媽媽，可能個天都知道我媽咪嘅辛苦，就等我同感身受！媽咪同我一樣被吵醒之後就唔會再訓得著，其實咁樣真係好辛苦。但媽咪從來唔會同我哋講呢D，我記得我讀書嗰陣，每日6嚸幾就要返學，但媽咪成10嚸先開工，就係咁媽咪每日教個鬧鐘5嚸幾起身煮早餐俾我，我叫佢去訓多陣，佢只係講咗一句醒咗邊有咁易訓翻著啊[抱抱][抱抱]其實媽咪如果唔係驚我冇早餐食，我真係想佢訓多陣，如果唔係媽咪訓覺反鎖，我真係會關咗佢個個5嚸幾起身嘅鬧鐘。回想了一下，發覺我真係媽咪手心捧著長大的國寶咁，所以現在媽媽，由我來愛妳！[心]其實每一個人，妳媽媽都為妳咁做過，無論佢有幾錯，只要唔係錯到殺人，妳都冇理由唔原諒妳嘅屋企人，有矛盾？分開住一段時間自然會原諒，家人，沒有一輩子的矛盾！

【01娛樂】【溏心風暴3】收視愈來愈低　證明觀眾已厭倦八婆式嗌交

重頭台慶劇《溏心風暴3》進入第二週，估唔到收視繼續低迷，只得21.5點，呢個數綜合，翡翠台電視收視包括模擬頻道、數碼頻道 (81 台) 及 myTV SUPER (機頂盒、APP、web)的直播及 24 小時內追看之收視，簡單嚟講即係計哂，冇得抵賴，而上週22.2點，即係再跌0.7，如果形勢不變，真係有機跌破２０點，溏心第一、二輯平均收視過30點，相信TVB都覺得第三輯會高收，但點解會咁差呢？原因就係觀眾進步咗，但TVB無囉！

食飯枱講數、大龍鳯，係爭產劇必備，溏心當然唔少得，但觀眾係咪仲鍾意睇呢？
溏心第二輯是2008年，９年後今日再拍第三輯，演員又係夏雨、司祺姐等，首先演員絕對不是收視差原因，幾位老戲骨，真係有幾多俾哂你，連潮語都學埋，仲想點？最大問題係劇本，曾經諗過係咪觀眾對爭產劇、爭嘢唔敢興趣呢？唔係喎，美劇、韓劇、日劇、大陸劇都好多爭權，爭地、爭家產嘅劇集，點解人哋咁多人睇呢？因為人哋爭得好睇囉，唔會好似溏心咁，爭產流於幾個女人口舌之爭，妳一句我一句，加啲金句，就覺得好勁，《溏心3》講明商戰，但原全feel唔到，商戰嗰種爾虞我詐，攻於心計嘅劇力，似牛頭角街市順嫂哎交多過爭產。
《權力遊戲》劇中女皇cersei ，出名鍾意爭嘢，但唔駛八婆哎交，一兩個眼神已經知咩事。
觀眾喺呢９年裏面，因為睇咗各地劇集，而不知不覺中進步咗，再加上煲劇已不再局限於電視機，而家連老友記都識用手機睇劇，選擇多咗，搭車只得一個鐘頭時間，觀眾寧願睇netflix《王冠》第二季，韓劇《Two cops》都唔睇你《溏心風暴３》啦，係咪因為罷睇TVB問題？唔係喎！《溏心》之前的《降魔的》叫好好痤，就連成日話唔睇TVB嘅朋友都追睇，咁就已經証明觀眾係聰明，好睇嘅就一定追，唔會因為邊個拍嘅問題。
年青觀眾最期待月底黑鏡第四季上映，呢套係要用腦睇嘅劇集，睇過呢啲劇集仲點返轉頭呢？
當然溏心有４０集，可能之後去到２５集後，多返啲大龍鳯、互摑，收視可能會上返，但睇走勢機會就唔大，因為頭１０集儲不到觀眾，係好難煲得起，《溏心３》最大問題係劇本，睇返《降魔的》成功，其中一樣係劇中有伏綫，為了力哥力嫂那場戲，劇組鋪了１１集，觀眾睇到嘩嘩聲，《溏心３》有冇呢啲劇本細節呢？暫時就見唔到，編審可能仲覺得觀眾仲係停留聽對白睇電視嘅年代，劇情越簡單易明就越好，咁就正正反映TVB製作人對時代嘅觸覺唔夠敏銳，如果再用以前嗰套繼續做電視，相信收視只會進一步向下滑。