༈མཚོ་སྔོན་ལྷ་མོ་དྲེལ་དགོན་གྱི་ལོ་རེའི་འཆར་གྱི་རྩོམ་རིག་དུས་དེབ་2020 ལོའི་《མཚོ་མཐའི་གླུ་སྐད་》ཀྱི་ཐོག་ལ་ངའི་རྩོམ་ཡིག་《མི་ལ་རས་པ། 》དང་2021 ལོའི་《མཚོ་མཐའི་གླུ་སྐད་ 》ཀྱི་ཐོག་ཏུ་《སྟར་ལ་བརྒྱུས་པའི་མེ་ཏོག་གི་དབུ་རྒྱན། 》གདམས་ཐོན་བྱུང་བར་བཀའ་དྲིན་ཆེ། ལོ་དེབ་འདིའི་མདུན་ལམ་སྔར་ལས་ཡངས་བའི་སྨོན་འདུན་ཞུ་བཞིན་ཡོད།[干杯][干杯][干杯][干杯]

༈ ཚེ་རིང་ལྗོངས་ནི། རིག་འཛིན་འཇིགས་མེད་གླིང་པས་བཏབ་པ་དང་། སྙིང་ཐིག་བསྟན་པའི་ཆུ་མགོ་གཅིག་པུ་ཡིན། རྟེན་གྱི་གཙོ་བོ་རྒྱལ་དབང་ཀློང་ཆེན་རབ་འབྱམས་ཀྱི་ཡེ་ཤེས་ཀྱི་སྐུས་གནང་བའི་གླེགས་བམ་དང་འཇིགས་མེད་གླིང་བའི་སྐུ་དམར་གདུང་གཟུངས་སུ་བཞུགས་པའི་དངུལ་གི་མཆོད་རྟེན་དང་། བདེན་ཚིག་གྲུབ་པའི་སྨོན་ལམ་མཛད་སའི་སྒྲུབ་ཆུ། ཁོང་གིས་དངོས་སུ་ཕྱག་བཟོ་མཛད་པའི་སྔགས་སྲུང་ཨེ་ཀ་ཛ་ཊཱི་དང་། རྡོ་ཡི་གཟའ་གཏོར་དང་བཙན་གཏོར། རྡོ་ལ་བཞག་པའི་ཞབས་རྗེས། ཁོང་གི་དབུ་སྐྲ་བཏབ་པ་ལས་སྐྱེས་པའི་སྡོང་པོ་སོགས་མཇལ་རྒྱུ་འདུག འཕྱོངས་རྒྱས་རྫོང་མཁར་ནས་སྤྱི་ལེ་བདུན་གི་སར་ཆགས་ཡོད།

༈ ཕ་བོང་ཁའམ་སྐུ་མཁར་མ་རུ་ནི། བོད་རྗེ་སྲོང་བཙན་སྒམ་པོས་ངས་རྒྱ་གར་ནས་ཕེབས་གྲབས་ཡོད་པའི་ཐུ་མི་སམ་བྷོ་ཊ་མཆོག་ལ་ཕོ་བྲང་ཞིག་བཞེངས་ནས་བོད་ཡིག་གསར་གཏོད་གནང་བའི་མཐུན་རྐྱེན་བསྐྲུན་དགོས་པས། ས་འདི་ནི་དབེན་ཞིང་ཉམས་དགའ་བ་ཞིག་འདུག་ལ་རུས་སྦལ་འདི་ཡང་ངོ་མཚར་ཅན་ཞིག་འདུག་པས་ད་ནི་རྡོ་འདིའི་སྟེང་དུ་ཕོ་བྲང་ཞིག་བཞེངས་ཆོག་ཅེས་བཀའ་གནང་བ་བཞིན་བཞེངས་ཤིང་། དེང་སང་སྐུ་མཁར་མ་རུ་ཐོག་རྩེག་དགུ་ཡོད་པའི་ཕོ་བྲང་མཐོང་རྒྱུ་མེད་རུང་རྡོ་ནག་གི་རུས་སྦལ་མོའི་དབྱིབས་ནི་སྔར་བཞིན་བསྡད་ཡོད་ལ། དབྱིབས་ནི་ལྷོ་ངོས་སྒོར་དབྱིབས་དང། བྱང་ངོས་གྲུ་བཞིའི་དབྱིབས་དང་ལྡན་པ། སྒོ་བྱང་བལྟ་རྡོ་སྐས་རིམ་པ་དང་ལྡན་པ་སོགས་གནའ་རབས་འཛུགས་སྐྲུན་གྱི་དམིགས་བསལ་ཁྱད་ཆོས་ངོ་མཚར་དང་ལྡན་པ་མིག་ལམ་དུ་མངོན་ཐུབ། དེ་མ་ཟད་ཕ་བོང་ཁ་ཞེས་པའི་གནས་ཁྱད་པར་ཅན་འདི་ནི་བོད་རྗེ་སྲོང་བཙན་སྒམ་པོའི་སྐུ་མཚམས་བཞུགས་གནས་དང། ཐོན་མི་སམ་བྷོ་ཊས་བོད་ཡིག་གསར་གཏོད་མཛད་གནས། ཆོས་སྒྱུར་གྱི་གནས་དང་པོ། བོད་རྗེ་བློན་འབངས་ཡོངས་ཀྱི་ཡི་གེ་སློབ་འགོ་ཚུགས་པའི་གནས། པུར་རྒྱལ་སྐབས་ཐོག་བརྩེགས་དགུ་ཐོག་གི་ཨར་ལས་འཛུགས་སྐྲུན་སྤེལ་ཡུལ་དང་པོ་ཡིན་ལ། རྒྱལ་པོའི་ཕོ་བྲང་ཡིན་ལ་ལྷ་ཁང་ཡང་ཡིན་པ་བཅས་ཀྱི་ཁྱད་ཆོས་བརྗོད་ཀྱིས་མི་ལངས། སློབ་དཔོན་ཐོན་མིས་རྒྱ་གར་གྱི་ཡིག་གཟུགས་ལྷའི་དཔེར་བྱས་ནས་བོད་ཀྱི་དབུ་ཅན་བྲིས་ཏེ་རྟེན་འབྲེལ་སླད་དུ་ཡི་གེ་དྲུག་མའི་གཟུངས་ཐུ་མི་རང་ཉིད་ཀྱིས་ཐོག་མར་བྲིས་ཏེ་རྒྱལ་པོ་ལ་ཡི་གེ་གཟིགས་ཕུད་དུ་ཕུལ་བ་དེ་ཉིད་རྡོ་བརྐོས་སུ་མཛད་པ་ད་ཆ་ཕ་བོང་ཁའི་རིགས་གསུམ་ལྷ་ཁང་དུ་བཞུགས་ཡོད། རྒྱལ་བློན་གཉིས་ཕོ་བྲང་འདི་རུ་བཞུགས་ནས་ལོ་མང་པོའི་བར་རང་གི་ཡི་གེ་དང་རིག་གནས་ཐམས་ཅད་མཁས་པར་སྦྱངས། མངའ་འོག་པ་ཀུན་ལའང་མཁས་པར་བསླབ་ཏུ་བཅུག་སྟེ་བོད་ཡིག་ཐོག་མར་སྤེལ་བར་མ་ཟད། ཆོས་རྒྱལ་སྲོང་བཙན་སྒམ་པོ་ཡབ་ཡུམ་བློན་འབངས་རྣམས་ཀྱིས་གནས་འདིར་བཞུགས་ནས་མི་ཆོས་གཙང་མ་བཅུ་དྲུག་གི་སྲོལ་གཏོད་དེ་བོད་འབངས་རྣམས་ཆོས་ལ་བསྐུལ་བའི་གནས་མཆོག་དམ་པ་ལགས་སོ།། https://t.cn/A6qrzEeA