【On.cc】影后功架！袁詠儀霸氣爆樽　Cut機即騰雞耍冧

曾兩度奪得金像獎最佳女主角的袁詠儀（靚靚）於內地劇《盛裝》中飾演「肖主編」，盡顯霸氣一面，為了保護身邊人，竟向人兇狠爆樽，鏡頭前，穿上旗袍的靚靚氣沖沖步入餐廳，之後拿起酒樽大大力扑向西裝四眼男，眼神銳利，表情十足，盡顯影后功架！雖然鏡頭前如此霸氣，但靚靚一Cut機即「秒變」溫馴，跑向被扑的四眼男道歉，雙手合十，相當真誠，當然對方都無怪她，靚靚才鬆一口氣。

袁詠儀喺新劇《盛裝》勁霸氣。

一場爆樽戲引起熱話。

劇中佢為保護女同事挺身而出。

爆樽教訓西裝男。

眼神凶狠！

隔住個Mon都感受到佢嘅氣場。

但一Cut機就立即跑去道歉。

勁唔好意思。

慰問對手。

「反差萌」令全場爆笑。

#袁咏仪[超话]#

【李元元賣萌拍廣告 被媽咪爆好貪靚 】「BB界KOL」#李元元#（Lucy）日前與媽媽梁志瑩（Sophia）母女檔拍攝首飾廣告，當Sophia幫女兒戴上首飾時，Lucy即手舞足蹈，向鏡頭擺出嘟嘴、單眼，Sophia笑謂：「阿女好鍾意扮靚，成日玩化妝玩具、搽指甲油等，啱啱見到咁色彩繽紛嘅獨角獸頸鏈，對眼即刻發晒光，全程戴住仲唔捨得除！」
另外，《全民造星IV》當中的葛綽瑤（Yoyo）近日夥拍姜濤及陳卓賢主演新劇《季前賽》外，再獲品牌睇中和陳昭煊（超酸）拍攝硬照，Yoyo說：「我平時都有買開手鏈，今次仲可以同超酸合作好開心，拍攝成日都笑唔停！」

頭條獨家丨任達華提17歲囡囡戀情即否認 拜神祈福 推香港攝影冊為港人打氣

今年初，任達華在內地拍完戲即返港跟老婆琦琦及囡囡任晴佳（Ella）團聚過農曆新年，本報記者日前直擊華哥快閃式到蓮花宮拜神祈福，問到係咪要趕走17歲囡囡Ella嘅爛桃花？他即九秒九緊張搶答：「未未未(拍拖)，我祈求全世界嘅人都身體健康。」好有愛嘅華哥更打算明年推出香港攝影畫冊，為疫情下辛苦硬撐的港人打氣。採訪：方騫平 攝影：沈健程

虎年祈福任達華唔怕多人都要去拜神為港人祈福。

華哥祝大家身體健康。

陪吓家人 受疫情影響工作會延期，華哥有時間留港陪吓老婆及寶貝女。

今年農曆新年繼續喺疫情中度過，任達華為免喺人多地方聚集太耐，他抵達大坑蓮花宮後都快速地誠心上香，華哥祈望新一年大家都身體健康，有信心疫情會好快完結，最重要大家保持正面諗法向前行，電視及電影業都繼續努力。

誠心上香 華哥誠心上香，望全世界人身體健康，疫情盡快完結。

快手快腳 疫情下華哥拜神都加快手腳，唔好逗留得太耐。

唔認係呷醋爹哋

由於英國疫情嚴峻，華哥的囡囡Ella暫時留港求學，本報記者得知愈大愈靚的Ella是就讀的國際學校「校花」，獲好多系出名門的男同學追求。最近Ella被拍得與少男齊上車，被傳情竇初開。華哥強調囡囡未拍拖，「(Ella)拍拖唔會唔話我知，我哋乜都傾…」不過，當記者告訴華哥，Ella係好有異性緣嘅「校花」時，華哥馬上碌大雙眼，既緊張又帶點疑惑說：「唔係喎！我感覺唔到喎…哈哈…冇呀冇呀…」至於呢個呷醋爹哋係咪唔Like囡囡咁早拍拖，就算提吓都會黑面呢？華哥就澄清當日接受記者訪問談囡囡緋聞時並冇黑面，他笑住變「腰果眼」說：「我冇黑面，你睇我眼神就知我有幾開心啦！個女愈嚟愈大，同佢傾多啲密偈好啲。」語畢，他又自爆一句：「希望個女唔好咁快大！」

御用攝影 華哥係Ella御用攝影師，點知被投訴影得唔夠靚。

索爆二代 「索爆星二代」Ella唔止樣靚，仲有完美曲線。

真係好鍾意香港
華哥之前離港8個月，表示好掛住家人及香港嘅海岸線：「我同Ella都好鍾意香港，香港真係一個好有特色好靚嘅地方，有好多有線條嘅建築物，構成幾何圖案，疫情過後希望世界各地多啲人嚟香港。」華哥更打算明年出一本結集散文、攝影及繪圖的畫冊，他會影吓香港嘅冷巷及地道建築物等，將香港美好一面話畀人知：「家大家都要堅持住，欣賞吓身邊景物有幾靚，希望疫情快啲過。」問到攝影畫冊中會否加入幾張由他操刀嘅Ella靚相？他卻說不會，坦言曾被囡囡投訴：「佢嫌我影得唔夠專業唔夠靚，佢哋(母女)呢方面嘅觀察能力比我強，我攝影仲有進步嘅空間。」

再出畫冊華哥喺2017年出過第3本攝影集《香港.別的風景》，他打算明年再出畫冊。

金鷹視帝 華哥曾憑劇集《澳門人家》獲封中國金鷹視帝，他希望繼續拍多啲好戲。

8億票房 華哥演出嘅電新片《誤殺2》喺內地累積咗8億票房，片中華哥飾演一位平凡嘅老警員。

天生一對 華哥跟琦琦都鍾意鮮花，過年前去咗花農影靚相。

新年禮物 華哥為咗冧妻繪畫嘅老虎圖，畫功唔錯。

華哥大作 華哥鏡頭下嘅保育建築物藍屋仔。

拍戲勝地 華仔話香港係個美麗地方，應該多啲喺香港特式街道取景拍戲。

#任达华[超话]#